ചന്ദ്രനും മനുഷ്യനും തമ്മിൽ

അ​മേ​രി​ക്ക​യും ചൈ​ന​യും റ​ഷ്യ​യും ജ​പ്പാ​നും ക​ഴി​ഞ്ഞാ​ൽ ഇ​ന്ത്യ മാ​ത്ര​മാ​യി​രി​ക്കും ചാ​ന്ദ്ര​ദൗ​ത്യ​ത്തി​ൽ ഏ​ർ​പ്പെ​ടു​ന്ന മ​റ്റൊ​രു രാ​ജ്യം. എ​ന്നാ​ൽ, ച​ന്ദ്ര​നി​ലെ തെ​ക്കേ​ധ്രു​വ​ത്തി​ൽ മ​റ്റു​രാ​ജ്യ​ങ്ങ​ളൊ​ന്നും ഇ​തു​വ​രെ എ​ത്തി​യി​ട്ടി​ല്ല

പൂ​ർ​ണ​ച​ന്ദ്ര​ൻ ഉ​ദി​ച്ചു​നി​ൽ​ക്കു​ന്ന ആ​കാ​ശം കാ​ണു​മ്പോ​ൾ കൗ​മാ​ര​ത്തി​ൽ വാ​യി​ച്ച ഒ​രു പ്ര​ണ​യ​ക​ഥ ഓ​ർ​മ​വ​രും. ഇ​ന്റ​ർ​നെ​റ്റും വി​ഡി​യോ​ചാ​റ്റും ഒ​ന്നു​മി​ല്ലാ​തി​രു​ന്ന കാ​ലം. വി​ര​ഹാ​ർ​ത്ത​നാ​യ കാ​മു​ക​ൻ പ്ര​ണ​യി​നി​ക്കെ​ഴു​തി: “അ​ടു​ത്ത പൂ​ർ​ണ​ച​ന്ദ്ര​നു​ദി​ക്കു​ന്ന നാ​ളി​ൽ ന​മു​ക്കു​ത​മ്മി​ൽ കാ​ണാം.

ആ ​രാ​ത്രി പൂ​ർ​ണ​ച​ന്ദ്ര​നെ നോ​ക്കി നീ ​മു​റ്റ​ത്തു​നി​ൽ​ക്കു​മോ? ഞാ​നും അ​തേ​സ​മ​യം ച​ന്ദ്ര​നെ നോ​ക്കാം. നേ​രി​ൽ​ക്കാ​ണാ​നാ​യി​ല്ലെ​ങ്കി​ലും, ച​ന്ദ്ര​നി​ൽ പ​തി​യു​ന്ന നി​​ന്റെ മു​ഖം എ​നി​ക്ക്​ കാ​ണാ​നാ​കു​മ​ല്ലോ. നി​ന​ക്ക് എ​ന്റെ മു​ഖ​വും’’. നി​ലാ​വു​ള്ള ആ ​രാ​ത്രി​യി​ൽ മേ​ഘ​ങ്ങ​ൾ​ക്കി​ട​യി​ൽ തി​ള​ങ്ങി​നി​ന്ന പൂ​ർ​ണ​ച​ന്ദ്ര​നെ നോ​ക്കി അ​വ​ർ നി​ന്നി​രി​ക്കാം...​അ​ങ്ങ​നെ എ​ത്ര​യോ വി​ര​ഹ​ങ്ങ​ൾ​ക്കും കൂ​ടി​ക്കാ​ഴ്ച​ക​ൾ​ക്കും സാ​ക്ഷി​യാ​യി​ട്ടു​ണ്ടാ​കും ച​ന്ദ്ര​ൻ.

ഭൂ​മി​യി​ൽ​നി​ന്ന് 3,84,400 കി​ലോ​മീ​റ്റ​ർ ദൂ​രെ സ്ഥി​തി​ചെ​യ്യു​ന്ന നി​ർ​ജീ​വ ഉ​പ​ഗ്ര​ഹ​മാ​ണെ​ങ്കി​ൽ​ക്കൂ​ടി ച​ന്ദ്ര​നും ഭൂ​മി​യും ത​മ്മി​ൽ അ​ഭേ​ദ്യ​മാ​യ ബ​ന്ധ​മു​ണ്ട്. അ​തി​ൽ ആ​ചാ​ര​ങ്ങ​ളും സ​ങ്ക​ല്പ​ങ്ങ​ളും ശാ​സ്ത്ര​വു​മൊ​ക്കെ​യു​ണ്ട്. ഒ​രി​ക്ക​ൽ ഐ.​ഐ.​എ​സ്.​സി​യി​ൽ ക്ലാ​സെ​ടു​ക്കു​ന്ന​തി​നി​ടെ ഞാ​നൊ​രു ചോ​ദ്യം ചോ​ദി​ച്ചു.

ച​ന്ദ്ര​ൻ ഇ​ല്ലാ​യി​രു​ന്നെ​ങ്കി​ൽ ഭൂ​മി​യു​ടെ അ​വ​സ്ഥ എ​ന്താ​കു​മാ​യി​രു​ന്നു?​അ​വ​രു​ടെ ഉ​ത്ത​ര​ങ്ങ​ൾ: ച​ന്ദ്ര​നി​ല്ലാ​യി​രു​ന്നെ​ങ്കി​ൽ വേ​ലി​യേ​റ്റ​വും വേ​ലി​യി​റ​ക്ക​വും ഉ​ണ്ടാ​കി​ല്ല. അ​പ്പോ​ൾ ക​ര​യി​ലേ​ക്കു താ​ൽ​ക്കാ​ലി​ക​മാ​യി ചേ​ക്കേ​റു​ന്ന ജീ​വി​ക​ൾ പ​രി​ണാ​മം സം​ഭ​വി​ച്ച്, ഉ​ഭ​യ​ജീ​വ​ക​ളാ​യി മാ​റി ക​ര​യി​ൽ താ​മ​സി​ക്കു​മാ​യി​രു​ന്നി​ല്ല. നി​ലാ​വി​ല്ലെ​ങ്കി​ൽ നി​ശാ​ജീ​വി​ക​ൾ​ക്ക്​ വേ​ട്ട​യാ​ടാ​ൻ ക​ഴി​യു​മാ​യി​രു​ന്നി​ല്ല; അ​ത് അ​വ​രു​ടെ പ​രി​ണാ​മ പു​രോ​ഗ​തി​യെ ബാ​ധി​ച്ചേ​നെ.

പ്രേ​മ​ത്തി​നു മാ​ത്ര​മ​ല്ല ഭൂ​മി​യി​ലെ ജീ​വ​​ന്റെ​ പ​രി​ണാ​മ​ത്തി​ലും നി​ല​നി​ൽ​പി​ലും ച​ന്ദ്ര​ന്​ റോ​ളു​ണ്ട്. വ​സ​ന്ത​വും ശി​ശി​ര​വു​മെ​ല്ലാം പ​തി​വു​തെ​റ്റാ​തെ വ​ന്നെ​ത്തു​ന്ന​തു​കൊ​ണ്ടാ​ണ​ല്ലോ ഭൂ​മി ജൈ​വ​സ​മ്പ​ന്ന​മാ​യി നി​ല​കൊ​ള്ളു​ന്ന​ത്.

ച​ന്ദ്ര​നെ​ തേടു​ന്ന ഭൂ​മി

ഭൂ​മി​ക്കു​പു​റ​ത്ത് മ​നു​ഷ്യ​ന്റെ കാ​ൽ​പാ​ടു​ക​ൾ പ​തി​ഞ്ഞ, ഒ​രേ​യൊ​രു പ്ര​പ​ഞ്ച​വ​സ്തു​വാ​ണ് ച​ന്ദ്ര​ൻ. ആ​ദ്യ​മൊ​ക്കെ ന​ഗ്ന​നേ​ത്ര​ങ്ങ​ളി​ലൂ​ടെ​യും പി​ന്നീ​ട്​ ദൂ​ര​ദ​ർ​ശി​നി​ക​ളി​ലൂ​ടെ​യും ച​ന്ദ്ര​നെ ദ​ർ​ശി​ച്ച മ​നു​ഷ്യ​ൻ ഇ​രു​പ​താം നൂ​റ്റാ​ണ്ടി​ന്റെ മ​ധ്യ​ത്തോ​ടെ ച​ന്ദ്ര​നി​ൽ കാ​ലു​കു​ത്തി. ച​ന്ദ്രോ​പ​രി​ത​ല​ത്തി​ലെ​ത്തി​യ ആ​ദ്യ മ​നു​ഷ്യ​നി​ർ​മി​ത വ​സ്തു 1959ൽ ​റ​ഷ്യ അ​യ​ച്ച ലൂ​ണ-2 ആ​ണ്. അ​തു​പ​ക്ഷേ, ച​ന്ദ്രോ​പ​രി​ത​ല​ത്തി​ൽ ഇ​ടി​ച്ചു ല​ക്ഷ്യം കാ​ണാ​നാ​വാ​തെ​പോ​യി.

ഇ​തേ​വ​ർ​ഷം ത​ന്നെ ലൂ​ണ-3 ച​ന്ദ്ര​നെ ചു​റ്റു​ക​യും ഭൂ​മി​ക്ക് അ​ഭി​മു​ഖ​മ​ല്ലാ​ത്ത മ​റു​വ​ശ​ത്തി​ന്റെ ചി​ത്രം എ​ടു​ക്കു​ന്ന​തി​ൽ വി​ജ​യി​ക്കു​ക​യും ചെ​യ്തു. 1966ലാ​ണ് ആ​ദ്യ​മാ​യി മ​നു​ഷ്യ​ന​യ​ച്ച ലൂ​ണ-9 എ​ന്ന പേ​ട​കം ച​ന്ദ്രോ​പ​രി​ത​ല​ത്തി​ൽ ഇ​റ​ങ്ങി​യ​ത്. മ​നു​ഷ്യ​നെ വ​ഹി​ച്ചു​കൊ​ണ്ടു​ള്ള ആ​ദ്യ​ത്തെ ചാ​ന്ദ്ര​യാ​ത്ര അ​പ്പോ​ളോ-8 എ​ന്ന പേ​ട​ക​ത്തി​ലാ​യി​രു​ന്നു. ആ​ദ്യ​മാ​യി മ​നു​ഷ്യ​ൻ ച​ന്ദ്ര​നി​ൽ വി​ജ​യ​ക​ര​മാ​യി കാ​ലു​കു​ത്തി​യ​ത് 1969ൽ ​അ​പ്പോ​ളോ-11 എ​ന്ന ശൂ​ന്യാ​കാ​ശ പേ​ട​ക​ത്തി​ലാ​ണ്.

ഇ​ന്ത്യ​യു​ടെ ചാ​ന്ദ്ര​ദൗ​ത്യ​ങ്ങ​ൾ

2009ലാ​ണ് ഇ​ന്ത്യ ച​ന്ദ്ര​യാ​ൻ ദൗ​ത്യം ആ​രം​ഭി​ക്കു​ന്ന​ത്. 2008 ഒ​ക്ടോ​ബ​ർ 22നാ​ണ് ഇ​ന്ത്യ​ൻ ബ​ഹി​രാ​കാ​ശ ഗ​വേ​ഷ​ണ സ്ഥാ​പ​നം (ISRO) ‘ചാ​ന്ദ്ര​വാ​ഹ​നം’ എ​ന്ന​ർ​ഥ​മു​ള്ള ച​ന്ദ്ര​യാ​ൻ-1 വി​ക്ഷേ​പി​ച്ച​ത്. ച​ന്ദ്രോ​പ​രി​ത​ല​ത്തി​ൽ ജ​ല​സാ​ന്നി​ധ്യ​മു​ണ്ടെ​ന്ന് ക​ണ്ടെ​ത്താ​ൻ ഈ ​ദൗ​ത്യ​ത്തി​ന് സാ​ധി​ച്ചു.

അ​മേ​രി​ക്ക​യി​ലെ നാ​സ​യു​ടെ ഒ​രു ‘മി​ന​റ​ൽ മാ​പ്പ​ർ’ ച​ന്ദ്ര​യാ​ൻ പേ​ട​ക​ത്തി​ൽ ഘ​ടി​പ്പി​ച്ചി​ട്ടു​ണ്ടാ​യി​രു​ന്നു. അ​തു​പ​യോ​ഗി​ച്ചാ​ണ് ജ​ലം മാ​ത്ര​മ​ല്ല ചാ​ന്ദ്ര​ഗ​ർ​ത്ത​ക​ളു​ടെ ആ​ഴ​ങ്ങ​ളി​ൽ മ​ഞ്ഞി​ന്റെ സാ​ന്നി​ധ്യ​വും ക​ണ്ടെ​ത്തി​യ​ത്. ച​ന്ദ്രോ​പ​രി​ത​ല​ത്തി​ൽ ലാ​ൻ​ഡ​റെ മൃ​ദു​വാ​യി ഇ​റ​ക്കു​ക, വി​ദൂ​ര​മാ​യി റോ​വ​റി​നെ പ്ര​വ​ർ​ത്തി​പ്പി​ക്കു​ക​വ​ഴി ഉ​പ​രി​ത​ല മാ​പ്പി​ങ് സാ​ധ്യ​മാ​ക്കു​ക എ​ന്നൊ​ക്കെ​യാ​യി​രു​ന്നു ച​ന്ദ്ര​യാ​ൻ-2​ന്റെ പ്ര​ധാ​ന ല​ക്ഷ്യ​ങ്ങ​ൾ. എ​ന്നാ​ൽ, ദൗ​ത്യം പ​രാ​ജ​യ​പ്പെ​ട്ടു.

ISROയു​ടെ ച​ന്ദ്ര​നി​ലേ​ക്കു​ള്ള മൂ​ന്നാ​മ​ത്​ ദൗ​ത്യ​മാ​ണ് ച​ന്ദ്ര​യാ​ൻ-3. ച​ന്ദ്ര​ന്റെ തെ​ക്കേ​ധ്രു​വ പ്ര​ദേ​ശ​ത്ത് ഒ​രു റോ​വ​റി​നെ എ​ത്തി​ക്കു​ക​യും അ​വി​ട​ത്തെ ഉ​പ​രി​ത​ല​ത്തി​ന്റെ പ്ര​ത്യേ​ക​ത​ക​ൾ മ​ന​സ്സി​ലാ​ക്കു​ക​യു​മാ​ണ് ഇ​തി​ലൂ​ടെ ല​ക്ഷ്യ​മി​ടു​ന്ന​ത്. അ​മേ​രി​ക്ക​യും ചൈ​ന​യും റ​ഷ്യ​യും ജ​പ്പാ​നും ക​ഴി​ഞ്ഞാ​ൽ ഇ​ന്ത്യ മാ​ത്ര​മാ​യി​രി​ക്കും ചാ​ന്ദ്ര​ദൗ​ത്യ​ത്തി​ൽ ഏ​ർ​പ്പെ​ടു​ന്ന മ​റ്റൊ​രു രാ​ജ്യം.

എ​ന്നാ​ൽ, ച​ന്ദ്ര​നി​ലെ തെ​ക്കേ​ധ്രു​വ​ത്തി​ൽ മ​റ്റു​രാ​ജ്യ​ങ്ങ​ളൊ​ന്നും ഇ​തു​വ​രെ എ​ത്തി​യി​ട്ടി​ല്ല. സൂ​ര്യ​പ്ര​കാ​ശ​ത്തി​ന്റെ രൂ​ക്ഷ​ത​യി​ൽ​നി​ന്ന​ക​ലെ​യു​ള്ള ഇ​രു​ൾ​മൂ​ടി​യ ഒ​രു പ്ര​ദേ​ശ​മാ​യ​തു​കൊ​ണ്ട് അ​വി​ടെ മ​ഞ്ഞി​ന്റെ സാ​ന്നി​ധ്യം ഉ​ണ്ടാ​കാ​ൻ ഇ​ട​യു​ണ്ട് എ​ന്നാ​ണ് നി​ഗ​മ​നം. അ​ത് ക​ണ്ടു​പി​ടി​ക്കു​ക എ​ന്ന​താ​ണ് ഈ ​ദൗ​ത്യ​ത്തി​ന്റെ പ്ര​ധാ​ന ല​ക്ഷ്യ​ങ്ങ​ളി​ൽ ഒ​ന്ന്.

മാ​ത്ര​മ​ല്ല, സൗ​ര​യൂ​ഥ​ത്തി​ന്റെ ആ​രം​ഭ​കാ​ല​ത്തു​ണ്ടാ​യി​രു​ന്ന രാ​സ​സം​യോ​ജ​ന​ക​ളു​ടെ തെ​ളി​വു​ക​ൾ ഈ ​പ്ര​ദേ​ശ​ത്തു​നി​ന്ന് ല​ഭി​ക്കാ​ൻ സാ​ധ്യ​ത​യു​ണ്ടെ​ന്നും ക​രു​ത​പ്പെ​ടു​ന്നു. തെ​ക്കേ​ധ്രു​വ​ത്തി​ലെ ജി​യോ​ള​ജി മ​ധ്യ​രേ​ഖ​യോ​ട​ടു​ത്തു​ള്ള സ്ഥ​ല​ങ്ങ​ളെ അ​പേ​ക്ഷി​ച്ച് വ്യ​ത്യാ​സ​മു​ണ്ടാ​കാ​ൻ സാ​ധ്യ​ത​യു​ണ്ട്. ആ ​പ്ര​ത്യേ​ക​ത​ക​ൾ ക​ണ്ടു​പി​ടി​ക്കു​ക​യും ഭൂ​മി​യി​ലെ പാ​റ​ക​ളു​ടെ താ​ര​ത​മ്യം ന​ട​ത്തു​ക എ​ന്ന​തും ഈ ​ദൗ​ത്യ​ത്തി​ൽ​പെ​ടു​ന്നു.

ഇ​ത്ര ചെലവിട്ട് ​ എന്തി​നീ യാ​ത്ര?

ഇ​ത്ര​യേ​റെ പ​ണ​വും സ​മ​യ​വും ചെ​ല​വ​ഴി​ച്ച് എ​ന്തി​നാ​ണ് മ​നു​ഷ്യ​ൻ ച​ന്ദ്ര​നെ ഉ​ന്ന​മി​ടു​ന്ന​ത്?​ചാ​ന്ദ്ര​യാ​ത്ര​യെ​ക്കു​റി​ച്ച് 1962ൽ ​അ​മേ​രി​ക്ക​ൻ പ്ര​സി​ഡ​ന്റ് ജോ​ൺ എ​ഫ്. കെ​ന്ന​ഡി ഇ​ങ്ങ​നെ പ​റ​ഞ്ഞു:

“ന​മ്മ​ൾ ച​ന്ദ്ര​നി​ലേ​ക്ക് പോ​കു​ന്ന​ത്, അ​തെ​ളു​പ്പ​മാ​യ​തു​കൊ​ണ്ട​ല്ല, മ​റി​ച്ച് അ​ത് ക​ഠി​ന​മാ​യ​തു​കൊ​ണ്ടാ​ണ്’’. ച​ന്ദ്രോ​പ​രി​ത​ല​ത്തി​ൽ കാ​ലു​കു​ത്തി​യ​പ്പോ​ൾ നീ​ൽ ആം​സ്ട്രോ​ങ് പ്ര​വ​ചി​ച്ച ‘മ​നു​ഷ്യ​രാ​ശി​യു​ടെ വ​ൻ​കു​തി​പ്പ്’ തു​ട​ർ​ന്നു​കൊ​ണ്ടേ​യി​രി​ക്കു​ന്നു. അ​പ്പോ​ളോ​യു​ടെ പി​ന്തു​ട​ർ​ച്ച​ക്കാ​രാ​യ ആ​ർ​ട്ടി​മി​സ് പേ​ട​ക​ങ്ങ​ൾ കൂ​ടു​ത​ൽ യാ​ത്ര​ക​ൾ​ക്കൊ​രു​ങ്ങു​ക​യാ​ണ്. 2022 ന​വം​ബ​റി​ൽ നാ​സ വി​ക്ഷേ​പി​ച്ച ആ​ർ​ട്ടി​മി​സ്-1, 25 ദി​വ​സം ച​ന്ദ്ര​നെ ചു​റ്റി​യ​ശേ​ഷം ഭൂ​മി​യി​ലേ​ക്ക്​ മ​ട​ങ്ങി, പ​സ​ഫി​ക്​ സ​മു​ദ്ര​ത്തി​ൽ പ​തി​ച്ചു.

പി​ൻ​ഗാ​മി​ക​ളാ​യ ആ​ർ​ട്ടി​മി​സ്-2, ആ​ർ​ട്ടി​മി​സ് -3 എ​ന്നീ പേ​ട​ക​ങ്ങ​ൾ 2024, 2025 വ​ർ​ഷ​ങ്ങ​ളി​ൽ യാ​ത്ര തു​ട​ങ്ങും. ആ​ർ​ട്ടി​മി​സ്​ യാ​ത്ര​ക​ളി​ൽ ആ​ദ്യ​മാ​യി ഒ​രു വ​നി​ത​യെ ച​ന്ദ​നി​ലി​റ​ക്കാ​നും നാ​സ പ​ദ്ധ​തി​യി​ടു​ന്നു. ഇ​തു​വ​രെ​യും മ​നു​ഷ്യ​ൻ കാ​ലു​കു​ത്തി​യി​ട്ടി​ല്ലാ​ത്ത ച​ന്ദ്ര​ന്റെ ദ​ക്ഷി​ണ​ധ്രു​വ​മാ​ണ് ആ​ർ​ട്ടി​മി​സ്-2​ന്റെ ല​ക്ഷ്യം.

‘തെ​യ്യ’​എ​ന്ന ആ​ക​സ്മി​ക​ത

4.6 ബി​ല്യ​ൺ വ​ർ​ഷ​ങ്ങ​ൾ​ക്കു​മു​മ്പ്​ ഒ​രു ഭീ​മാ​കാ​ര​മാ​യ ത​ന്മാ​ത്രാ​മേ​ഘ​ത്തി​നു (molecular cloud) സം​ഭ​വി​ച്ച ഗു​രു​ത്വാ​ക​ർ​ഷ​ണ ത​ക​ർ​ച്ച​യി​ൽ​നി​ന്നാ​ണ്​ ഭൂ​മി​യു​ൾ​പ്പെ​ടു​ന്ന സൗ​ര​യൂ​ഥം പി​റ​ന്ന​ത്. ത​ക​ർ​ന്ന പ്രോ​ട്ടോ പ്ലാ​ന​റ്റ​റി ഡി​സ്കി​ന്റെ ഭൂ​രി​ഭാ​ഗ​വും മ​ധ്യ​ഭാ​ഗ​ത്ത് കേ​ന്ദ്രീ​ക​രി​ച്ച് സൂ​ര്യ​ൻ ഉ​ണ്ടാ​യ​പ്പോ​ൾ ബാ​ക്കി​വ​ന്ന പ​ദാ​ർ​ഥ​ങ്ങ​ൾ ചേ​ർ​ന്നാ​ണ്​ ഗ്ര​ഹ​ങ്ങ​ളും ഉ​പ​ഗ്ര​ഹ​ങ്ങ​ളും ഛിന്ന​ഗ്ര​ഹ​ങ്ങ​ളു​മൊ​ക്കെ രൂ​പം​കൊ​ണ്ട​ത്.

ചെ​റു​തും വ​ലു​തു​മാ​യി അ​ന്ന​ത്തെ പ്ര​പ​ഞ്ച​ത്തി​ൽ അ​ല​ഞ്ഞി​രു​ന്ന അ​നേ​കം വ​സ്തു​ക്ക​ൾ ത​മ്മി​ൽ കൂ​ട്ടി​യി​ടി​ച്ച് പു​തി​യ ഉ​പ​ഗ്ര​ഹ​ങ്ങ​ളു​ണ്ടാ​യ​തും സൗ​ര​യൂ​ഥ രൂ​പ​വ​ത്​​ക​ര​ണ​ത്തി​ൽ നി​ർ​ണാ​യ​ക​മാ​യി​രു​ന്നു. സൗ​ര​യൂ​ഥം പി​റ​ന്ന് ഏ​താ​ണ്ട് 50 ദ​ശ​ല​ക്ഷം വ​ർ​ഷ​ങ്ങ​ൾ​ക്കു​ശേ​ഷം ‘തെ​യ്യ’ എ​ന്ന ഛിന്ന​ഗ്ര​ഹം ഭൂ​മി​യു​മാ​യി കൂ​ട്ടി​യി​ടി​ക്കു​ക​യു​ണ്ടാ​യി.

ആ​ഘാ​ത​ത്തി​ൽ പു​റ​ന്ത​ള്ള​പ്പെ​ട്ട വ​സ്തു​ക്ക​ളും തെ​യ്യ​യു​ടെ ഭാ​ഗ​ങ്ങ​ളും ചേ​ർ​ന്നാ​ണ്​ ച​ന്ദ്ര​ൻ രൂ​പ​പ്പെ​ട്ട​തെ​ന്നാ​ണ് അം​ഗീ​കൃ​ത ശാ​സ്ത്ര​സി​ദ്ധാ​ന്തം. ആ​ഘാ​ത​ത്തി​ൽ ഭൂ​മി​യി​ൽ​നി​ന്ന് കു​റെ ഭാ​ഗ​ങ്ങ​ൾ വേ​ർ​പെ​ട്ട​തോ​ടെ അ​ച്ചു​ത​ണ്ടി​ൽ 23.5 ഡി​ഗ്രി ചെ​രി​വു​ണ്ടാ​യ​താ​ണ് ഭൂ​മി​യി​ൽ ഋ​തു​ഭേ​ദ​ങ്ങ​ൾ​ക്ക് കാ​ര​ണ​മാ​യ​ത്.

തി​ള​ച്ചു​മ​റി​ഞ്ഞ അ​വ​സ്ഥ​യി​ലു​ള്ള ഭൂ​മി​യി​ലേ​ക്ക് ‘തെ​യ്യ’ വ​ന്നു​പ​തി​ച്ച​തും ഭൂ​മി​യു​ടെ ഉ​പ​ഗ്ര​ഹ​മാ​യ ച​ന്ദ്ര​ൻ രൂ​പ​പ്പെ​ട്ട​തും പ്ര​പ​ഞ്ച​ത്തി​ലെ അ​ത്യ​പൂ​ർ​വ​മാ​യ ഒ​രു ആ​ക​സ്മി​ക​ത​യാ​യി (Contingency) ക​ണ​ക്കാ​ക്കു​ന്നു. മ​നു​ഷ്യ​നും ച​ന്ദ്ര​നു​മാ​യു​ള്ള പൊ​ക്കി​ൾ​ക്കൊ​ടി​ബ​ന്ധം ആ ​ആ​ക​സ്മി​ക​ത​യി​ൽ​നി​ന്ന് ആ​രം​ഭി​ക്കു​ന്നു.

ഭൂ​മി​യി​ൽ​നി​ന്ന് നോ​ക്കു​മ്പോ​ൾ തി​ള​ങ്ങു​ന്ന, മൃ​ദു​ല​ഭാ​വ​മാ​ണെ​ങ്കി​ലും ഗ​ർ​ത്ത​ങ്ങ​ളും ത​ട​ങ്ങ​ളു​മൊ​ക്കെ ചേ​ർ​ന്ന​താ​ണ് ച​ന്ദ്ര​ന്റെ ഉ​പ​രി​ത​ലം. ലോ​ല​മാ​യ അ​ന്ത​രീ​ക്ഷ​ത്തി​ൽ പ​തി​വാ​യി പ​തി​ക്കു​ന്ന ഉ​ൽ​ക്ക​ക​ളാ​ണ് ച​ന്ദ്ര​ന്റെ ഉ​പ​രി​ത​ല​ത്തി​ൽ മാ​റ്റ​ങ്ങ​ൾ ഉ​ണ്ടാ​ക്കു​ന്ന​ത്. ച​ന്ദ്ര​ക്ക​ല​യാ​യും പൂ​ർ​ണ​ച​ന്ദ്ര​നാ​യും കാ​ർ​മേ​ഘ​ങ്ങ​ൾ​ക്കി​ട​യി​ൽ പ്ര​ത്യ​ക്ഷ​പ്പെ​ടു​ന്ന ച​ന്ദ്ര​ന് ന​മു​ക്ക​റി​യാ​ത്ത ഒ​രു മു​ഖ​മു​ണ്ട്. ആ ​മു​ഖം മ​റ​ഞ്ഞി​രി​ക്കു​ന്ന​തി​ന് കാ​ര​ണ​മു​ണ്ട്.

ഭൂ​മി​യെ പ്ര​ദ​ക്ഷി​ണം ചെ​യ്യു​ന്ന​തോ​ടൊ​പ്പം ച​ന്ദ്ര​ൻ അ​തി​ന്റെ അ​ച്ചു​ത​ണ്ടി​ൽ ഭ്ര​മ​ണം ചെ​യ്യു​ന്നു​ണ്ട്. ഈ ​ര​ണ്ടു ഭ്ര​മ​ണ​ദൈ​ർ​ഘ്യ​വും ഏ​താ​ണ്ട് 27 ദി​വ​സ​മാ​ണ്. അ​തു​കൊ​ണ്ട് ആ ​മ​റ​ഞ്ഞി​രി​ക്കു​ന്ന മു​ഖം ന​മു​ക്കൊ​രി​ക്ക​ലും കാ​ണാ​നാ​വി​ല്ല.

ച​ന്ദ്ര​നി​ലെ ലോ​ല​മാ​യ അ​ന്ത​രീ​ക്ഷ​ത്തി​ന് ഉ​ൽ​ക്കാ​പ​ത​ന​ങ്ങ​ളെ ത​ട​യാ​നു​ള്ള ശേ​ഷി​യി​ല്ല; അ​തു​കൊ​ണ്ടു​ത​ന്നെ ച​ന്ദ്ര​നു​ണ്ടാ​യ കാ​ലം​മു​ത​ൽ ഉ​ൽ​ക്കാ​വ​ർ​ഷ​വും അ​ധി​ക​മാ​യി​രു​ന്നു. ഭൂ​മി​യി​ൽ​നി​ന്ന് നോ​ക്കു​മ്പോ​ൾ കാ​ണു​ന്ന ‘മ​റി​യ’ എ​ന്ന​റി​യ​പ്പെ​ടു​ന്ന ച​ന്ദ്രോ​പ​രി​ത​ല​ത്തി​ലെ ക​റു​ത്ത അ​ട​യാ​ള​ങ്ങ​ൾ ഉ​ൽ​ക്കാ​പ​ത​ന​ക​ൾ മൂ​ലം പു​റ​ത്തേ​ക്കു​വ​മി​ച്ച ബ​സാ​ൾ​ട്ട് ലാ​വ ഘ​നീ​ഭ​വി​ച്ചു​ണ്ടാ​യ​താ​ണ്. ചി​ല സം​സ്കാ​ര​ങ്ങ​ളി​ൽ ഈ ​ക​റു​ത്ത അ​ട​യാ​ള​ങ്ങ​ൾ ഒ​രു സ്ത്രീ​രൂ​പ​മാ​യും മ​റ്റു​ചി​ല​തി​ൽ പു​രു​ഷ​രൂ​പ​മാ​യും വ്യ​ഖ്യാ​നി​ക്ക​പ്പെ​ടു​ന്നു.

മ​നു​ഷ്യ​ൻ ആ​ദ്യ​മാ​യി കാ​ലു​വെ​ച്ച ശാ​ന്ത​സ​മു​ദ്ര പ്ര​ദേ​ശ​ത്ത്(Tranquility) ചെ​വി​ക​ൾ ഉ​യ​ർ​ത്തി​പ്പി​ടി​ച്ചി​ട്ടു​ള്ള മു​യ​ലി​ന്റെ രൂ​പ​മാ​ണ്​ കാ​ണു​ന്ന​ത്. ഇ​തേ​ക്കു​റി​ച്ച്​ ശ്രീ​ല​ങ്ക​യി​ലെ ഇ​തി​ഹാ​സ​ങ്ങ​ളി​ൽ പ്ര​ചാ​ര​മു​ള്ള ക​ഥ ഇ​ങ്ങ​നെ: ഒ​രി​ക്ക​ൽ കാ​ട്ടി​ൽ വ​ഴി​തെ​റ്റി അ​ല​യു​ക​യാ​യി​രു​ന്ന ശ്രീ​ബു​ദ്ധ​ന്​ ഒ​രു മു​യ​ൽ വ​ഴി​കാ​ണി​ക്കാ​നെ​ത്തി. ന​ന്ദി​വാ​ക്ക​ല്ലാ​തെ ത​​ന്റെ കൈ​യി​ൽ ഒ​ന്നു​മി​ല്ലെ​ന്നും വ​ല്ലാ​തെ വി​ശ​ക്കു​ന്നു​വെ​ന്നും ബു​ദ്ധ​ൻ മു​യ​ലി​നോ​ട് പ​റ​ഞ്ഞു. എ​ങ്കി​ൽ എ​ന്നെ ഭ​ക്ഷി​ച്ചു​കൊ​ള്ളൂ, എ​ന്നു പ​റ​ഞ്ഞ്​ ഒ​രു തീ​ക്കു​ണ്​​ഠ​ത്തി​ലേ​ക്കു​ചാ​ടി. ദ​യാ​ലു​വാ​യ ബു​ദ്ധ​ൻ മു​യ​ലി​നെ അ​തി​ൽ​നി​ന്ന്​ വ​ലി​ച്ചെ​ടു​ത്ത് ച​ന്ദ്ര​നി​ൽ സ്ഥാ​പി​ച്ചു​വ​ത്രെ.

എ​ന്തി​നാ​ണ് നാം ​ച​ന്ദ്ര​നെ തേ​ടു​ന്ന​ത്?

ശാ​സ്ത്ര​കൗ​തു​ക​മാ​ണ് മ​നു​ഷ്യ​നെ ച​ന്ദ്ര​നി​ലെ​ത്തി​ക്കു​ന്ന പ്ര​ധാ​ന​ഘ​ട​കം. അ​ന്ത​രീ​ക്ഷ​മോ ഒ​ഴു​കു​ന്ന ജ​ല​മോ ഇ​ല്ലാ​ത്ത ച​ന്ദ്ര​നി​ലെ പാ​റ​ക​ളി​ൽ സൗ​ര​യൂ​ഥം സൃ​ഷ്ടി​ക്ക​പ്പെ​ട്ട​തി​ന്റെ തെ​ളി​വു​ക​ൾ ഇ​പ്പോ​ഴും മാ​റ്റ​ങ്ങ​ളി​ല്ലാ​തെ മ​റ​ഞ്ഞി​രി​ക്കു​ന്നു.

ന​മു​ക്ക് ചി​ന്തി​ക്കാ​നാ​വു​ന്ന​തി​ലും വേ​ഗ​ത്തി​ലാ​ണ് ശാ​സ്ത്ര​വും ടെ​ക്നോ​ള​ജി​യും ചേ​ർ​ന്ന് ന​മ്മു​ടെ ഭാ​വി നി​യ​ന്ത്രി​ക്കു​ന്ന​ത്. വ​രും​കാ​ല​ത്ത് ച​ന്ദ്ര​നി​ൽ ക​റ​ങ്ങി​ന​ട​ന്ന് ധാ​തു​വി​ഭ​വ​ങ്ങ​ൾ ക​ണ്ടെ​ത്താ​നും അ​വ ഖ​ന​നം​ചെ​യ്ത് ഭൂ​മി​യി​ലെ​ത്തി​ക്കാ​നും ക​ഴി​വു​ള്ള യ​ന്ത്ര​മ​നു​ഷ്യ​ൻ ഉ​ണ്ടാ​വു​ക​യി​ല്ലെ​ന്ന് ആ​ര​റി​ഞ്ഞു? ആ​കാ​ശം ത​ന്നെ​യാ​ണ്​ മ​നു​ഷ്യ​ഭാ​വ​ന​യു​ടെ, പ്ര​വൃ​ത്തി​ക​ളു​ടെ അ​തി​ര്. അ​തി​ൽ തി​ള​ങ്ങു​ന്ന മാ​ന്ത്രി​ക​പ്പൊ​ട്ടാ​ണ​ല്ലോ ന​മ്മു​ടെ ച​ന്ദ്ര​ൻ.

(സെൻറ​ർ ഫോ​ർ എ​ർ​ത്ത്​ സ​യ​ൻ​സ​സ്​ മു​ൻ പ്ര​ഫ​സ​റാ​യ ലേ​ഖി​ക ഇ​പ്പോ​ൾ യു.​എ​സി​ലെ ക​ൺ​സോ​ർ​ട്യം ഫോ​ർ സ​സ്​​റ്റെ​യ്ന​ബ്​​ൾ ഡെ​വ​ല​പ്​​മെൻറി​ന്റെ ഭാ​ഗ​മാ​ണ്)

kusalaraj@gmail.com