നാലു വർഷ ബിരുദവും ആകുലതകളും

ദേ​ശീ​യ വി​ദ്യാ​ഭ്യാ​സ ന​യ (എ​ൻ.​ഇ.​പി 2020) ച​ട്ട​ക്കൂ​ടി​ന് അ​നു​സൃ​ത​മാ​യി, വ​രു​ന്ന അ​ധ്യ​യ​ന വ​ർ​ഷം മു​ത​ൽ നാ​ല് വ​ർ​ഷ​ത്തെ ബി​രു​ദ പ്രോ​ഗ്രാ​മു​ക​ൾ (FYUP) ന​ട​പ്പാ​ക്കാ​ൻ കേ​ര​ളം ത​യാ​റെ​ടു​ക്ക​വെ ഏ​റെ ആ​ശ​ങ്ക​യി​ലാ​ണ്​ അ​ധ്യാ​പ​ക വി​ദ്യാ​ർ​ഥി സ​മൂ​ഹം. ലോ​ക​മെ​മ്പാ​ടു​മു​ള്ള സ​ർ​വ​ക​ലാ​ശാ​ല​ക​ൾ മൂ​ന്ന് വ​ർ​ഷ​ത്തെ​യും നാ​ല് വ​ർ​ഷ​ത്തെ​യും ബി​രു​ദ​കോ​ഴ്സു​ക​ൾ ന​ട​ത്തു​ന്ന സാ​ഹ​ച​ര്യ​ത്തി​ൽ, ആ​ഗോ​ള നി​ല​വാ​രം പു​ല​ർ​ത്തും​വി​ധം ന​മ്മു​ടെ വി​ദ്യാ​ഭ്യാ​സ സം​വി​ധാ​ന​ത്തെ പ​രി​ഷ്ക​രി​ക്കു​ക എ​ന്ന​ത് സ്വാ​ഗ​താ​ർ​ഹം ത​ന്നെ. ദേ​ശീ​യ വി​ദ്യാ​ഭ്യാ​സ ന​യ​ത്തി​ന്റെ ഉ​പോ​ൽ​പ​ന്ന​മാ​യ പു​തി​യ ച​ട്ട​ക്കൂ​ട് സ്വീ​ക​രി​ക്കാ​ൻ സം​സ്ഥാ​ന​ങ്ങ​ൾ​ക്ക്​ കേ​ന്ദ്രം വ്യ​ക്ത​മാ​യ നി​ർ​ബ​ന്ധം ചെ​ലു​ത്തു​ന്നു​ണ്ട്. വി​ക​സ​ന​ഫ​ണ്ട്​ നി​ഷേ​ധം ഉ​ൾ​പ്പെ​ടെ​യു​ള്ള സ​മ്മ​ർ​ദ​ത​ന്ത്ര​ങ്ങ​ളും കേ​ന്ദ്ര​സ​ർ​ക്കാ​ർ പ്ര​യോ​ഗി​ക്കു​ന്ന​തി​നാ​ൽ വി​ദ്യാ​ഭ്യാ​സ കാ​ര്യ​ങ്ങ​ളി​ൽ സം​സ്ഥാ​ന സ​ർ​വ​ക​ലാ​ശാ​ല​ക​ൾ​ക്കു​ള്ള സ്വ​യം​ഭ​ര​ണാ​വ​കാ​ശം വി​നി​യോ​ഗി​ച്ച്​ സ്വ​ന്ത​മാ​യി തീ​രു​മാ​ന​മെ​ടു​ത്തു മു​ന്നോ​ട്ട് പോ​കാ​ൻ സം​സ്ഥാ​ന​ങ്ങ​ൾ​ക്ക് സാ​ധി​ക്കാ​തെ വ​രു​ന്നു. കേ​ന്ദ്ര​സ​ർ​വ​ക​ലാ​ശാ​ല​ക​ളാ​വ​​ട്ടെ ഈ ​ച​ട്ട​ക്കൂ​ടി​ന​നു​സൃ​ത​മാ​യി ഏ​റെ മു​ന്നോ​ട്ടു​പോ​യി​രി​ക്കു​ന്നു.

2009 മു​ത​ൽ കേ​ര​ള​ത്തി​ലെ ബി​രു​ദ കോ​ഴ്​​സു​ക​ൾ​ക്ക്​ ചോ​യ്സ്-​ബേ​സ്ഡ് ക്രെ​ഡി​റ്റ് സെ​മ​സ്റ്റ​ർ സ​മ്പ്ര​ദാ​യ​ത്തി​ലാ​ണ്. ഉ​ന്ന​ത വി​ദ്യാ​ഭ്യാ​സ​ത്തി​ൽ ഗു​ണ​പ​ര​മാ​യ പു​രോ​ഗ​തി കൊ​ണ്ടു​വ​രു​ന്ന​തി​നാ​യി വി​ദ്യാ​ർ​ഥി​ക​ൾ​ക്ക് താ​ൽ​പ​ര്യ​മു​ള്ള കോ​ഴ്സു​ക​ൾ തി​ര​ഞ്ഞെ​ടു​ക്കാ​നു​ള്ള അ​വ​സ​ര​ങ്ങ​ൾ സൃ​ഷ്ടി​ക്ക​പ്പെ​ടു​മെ​ന്നും ഓ​രോ ആ​റു​മാ​സ​വും പ​രീ​ക്ഷ​യും മൂ​ല്യ​നി​ർ​ണ​യ​വും ന​ട​ത്ത​പ്പെ​ടു​മ്പോ​ൾ അ​ത് ഗു​ണ​നി​ല​വാ​രം ഉ​യ​ർ​ത്തു​ന്ന​തി​ൽ സ​ഹാ​യി​ക്കും എ​ന്ന അ​വ​കാ​ശ​വാ​ദ​ങ്ങ​ൾ പ​ക്ഷേ സ​ർ​വ​ക​ലാ​ശാ​ല​ക​ളു​ടെ സം​വി​ധാ​ന​ത്തെ ത​കി​ടം മ​റി​ക്കു​ക​യാ​ണ് യ​ഥാ​ർ​ഥ​ത്തി​ൽ ചെ​യ്തി​ട്ടു​ള്ള​ത്. ഓ​രോ സ​ർ​വ​ക​ലാ​ശാ​ല​യു​ടെ​യും കീ​ഴി​ൽ പ്ര​വ​ർ​ത്തി​ക്കു​ന്ന അ​ഫി​ലി​യേ​റ്റ​ഡ് കോ​ള​ജു​ക​ളു​ടെ എ​ണ്ണ​പ്പെ​രു​പ്പ​വും ഈ ​പ​രി​ഷ്കാ​ര​ങ്ങ​ൾ​ക്ക്​ വെ​ല്ലു​വി​ളി​യാ​യി. പ​രീ​ക്ഷ​ക​ളു​ടെ ആ​ധി​ക്യം അ​ധ്യാ​പ​ന​ത്തെ സാ​ര​മാ​യി ബാ​ധി​ച്ചു. താ​ളം​തെ​റ്റി പ​രീ​ക്ഷ​ക​ൾ ന​ട​ത്തു​ന്നു എ​ന്ന അ​പ​ഖ്യാ​തി ന​മ്മു​ടെ സ​ർ​വ​ക​ലാ​ശാ​ല​ക​ൾ​ക്ക് പ​ണ്ടേ​യു​ണ്ട്. ഒ​രു അ​ക്കാ​ദ​മി​ക് ക​ല​ണ്ട​ർ എ​ന്ന ആ​ശ​യം ഒ​രി​ക്ക​ലും യാ​ഥാ​ർ​ഥ്യ​മാ​ക്കാ​ൻ ന​മു​ക്ക് ക​ഴി​ഞ്ഞി​ല്ല. 400-ല​ധി​കം അ​ഫി​ലി​യേ​റ്റ​ഡ് കോ​ള​ജു​ക​ളു​ള്ള കാ​ലി​ക്ക​റ്റ് പോ​ലു​ള്ള സ​ർ​വ​ക​ലാ​ശാ​ല​ക​ളി​ൽ കേ​ന്ദ്രീ​കൃ​ത പ​രീ​ക്ഷ​ക​ളും മൂ​ല്യ​നി​ർ​ണ​യ​വും അ​ധ്യാ​പ​ക​ർ​ക്കും വി​ദ്യാ​ർ​ഥി​ക​ൾ​ക്കും തീ​രാ ത​ല​വേ​ദ​ന​യാ​യി.

സ​മാ​ന​മാ​യ വി​ധി​യാ​ണ് FYUP-യേ​യും കാ​ത്തി​രി​ക്കു​ന്ന​ത്. ഇ​പ്പോ​ൾ ത​ന്നെ സ​ർ​വ​ക​ലാ​ശാ​ല​ക​ൾ കൃ​ത്യ​സ​മ​യ​ത്ത് പ​രീ​ക്ഷ​ക​ൾ ന​ട​ത്താ​ൻ പാ​ടു​പെ​ടു​മ്പോ​ൾ, മൂ​ന്നു ത​രം ബി​രു​ദ​ങ്ങ​ൾ​ക്ക് (നി​ല​വി​ലു​ള്ള മൂ​ന്ന് വ​ർ​ഷ​ത്തെ ബി​രു​ദം, നാ​ല് വ​ർ​ഷ​ത്തെ ഓ​ണേ​ഴ്സ്, നാ​ല് വ​ർ​ഷ​ത്തെ ഗ​വേ​ഷ​ണ ബി​രു​ദം) കൂ​ടു​ത​ൽ പ​രീ​ക്ഷ​ക​ൾ ആ​വ​ശ്യ​മാ​യി വ​രും. നാ​ല് വ​ർ​ഷ​ത്തെ ബി​രു​ദം പൂ​ർ​ത്തി​യാ​ക്കു​ന്ന​വ​ർ​ക്ക് പി.​ജി പ്രോ​ഗ്രാ​മി​ലേ​ക്ക് ലാ​റ്റ​റ​ൽ എ​ൻ​ട്രി എ​ടു​ക്കാ​നു​ള്ള ഓ​പ്ഷ​ൻ ഉ​ണ്ടാ​യി​രി​ക്കും, അ​തു​വ​ഴി ഒ​രു വ​ർ​ഷ​ത്തി​നു​ള്ളി​ൽ പി.​ജി പൂ​ർ​ത്തി​യാ​ക്കാ​ൻ അ​വ​ർ പ്രാ​പ്ത​രാ​കും. പി.​ജി പ്രോ​ഗ്രാ​മു​ക​ളു​ടെ അ​വ​സാ​ന​വ​ർ​ഷ​ത്തെ സി​ല​ബ​സ് മൂ​ന്നു​വ​ർ​ഷ​വും നാ​ലു​വ​ർ​ഷ​വു​മു​ള്ള ബി​രു​ദ​ധാ​രി​ക​ൾ​ക്ക് അ​നു​യോ​ജ്യ​മാ​യ രീ​തി​യി​ൽ രൂ​പ​ക​ൽ​പ​ന ചെ​യ്തി​രി​ക്ക​ണം എ​ന്നാ​ണ് യു.​ജി.​സി നി​ർ​ദേ​ശം. സി​ല​ബ​സ് പ​രി​ഷ്ക​ര​ണ​ത്തി​നു​ള്ള കൃ​ത്യ​മാ​യ ന​ട​പ​ടി​ക​ൾ ബോ​ർ​ഡ് ഓ​ഫ് സ്റ്റ​ഡീ​സ് ഇ​തു​വ​രെ ആ​രം​ഭി​ച്ചി​ട്ടി​ല്ല. ഡി​സം​ബ​റി​ന​കം പൂ​ർ​ണ സി​ല​ബ​സ് ത​യാ​റാ​ക​ണ​മെ​ന്നും അ​ത്​ നി​ല​വി​ലെ സി​ല​ബ​സി​​ന്റെ ആ​വ​ർ​ത്ത​ന​മാ​വ​രു​ത്​ എ​ന്നു​ള്ള നി​ർ​ദേ​ശ​വു​മു​ണ്ട്. കു​റ​ഞ്ഞ സ​മ​യം കൊ​ണ്ട് ഇ​ത് എ​ങ്ങ​നെ സാ​ധ്യ​മാ​വും? തി​ര​ക്ക് പി​ടി​ച്ചു പ​രി​ഷ്ക​രി​ക്കേ​ണ്ട ഒ​ന്ന​ല്ല സി​ല​ബ​സ്. മു​ഴു​വ​ൻ പ്രോ​ഗ്രാ​മി​ന്റെ​യും രൂ​പ​രേ​ഖ രൂ​പ​പ്പെ​ടു​ത്തു​ക​യും വി​ശ​ദ​മാ​യ ഉ​ള്ള​ട​ക്ക​ത്തെ കു​റി​ച്ച് (മ​റ്റ് പ​ല സം​സ്ഥാ​ന​ങ്ങ​ളി​ലും ചെ​യ്ത​ത് പോ​ലെ) പി​ന്നീ​ട് ആ​ലോ​ചി​ക്കു​ക​യും ചെ​യ്യു​ന്ന​തും ഒ​ട്ടും ആ​ശാ​സ്യ​മ​ല്ല. ഇ​ത്ത​ര​ത്തി​ൽ ക​ഷ​ണം മു​റി​ച്ചു ഭാ​ഗി​ക​മാ​യി സി​ല​ബ​സ് പ​രി​ഷ്ക​രി​ക്കു​ന്ന​ത് അ​ശാ​സ്ത്രീ​യ​മാ​ണ്. സ​മൂ​ല​മാ​യ പ​രി​ഷ്ക​ര​ണ​ത്തി​ന് ത​യാ​റെ​ടു​ക്കു​മ്പോ​ൾ വേ​ണ്ട സ​മ​ഗ്ര ആ​സൂ​ത്ര​ണ​വും ത​യാ​റെ​ടു​പ്പും കാ​ണു​ന്നി​ല്ല. FYUP ആ​രം​ഭി​ക്കു​ക​യും വി​ദ്യാ​ർ​ഥി​ക​ൾ അ​വ​രു​ടെ നാ​ലു വ​ർ​ഷം പൂ​ർ​ത്തി​യാ​കു​മ്പോ​ഴേ​ക്കും പി.​ജി പ്രോ​ഗ്രാ​മു​ക​ൾ പ​രി​ഷ്ക​രി​ക്കു​ക എ​ന്ന​തും ഒ​ട്ടും അ​ഭി​കാ​മ്യ​മ​ല്ല. കൂ​ടാ​തെ, മ​ൾ​ട്ടി-​ഡി​സി​പ്ലി​ന​റി​റ്റി വി​ദ്യാ​ഭ്യാ​സം പ്രോ​ത്സാ​ഹി​പ്പി​ക്കു​ന്ന​തി​നാ​യി കൊ​ണ്ടു​വ​ന്ന മ​ൾ​ട്ടി-​ഡി​സി​പ്ലി​ന​റി കോ​ഴ്സു​ക​ൾ​ക്കാ​യി ഓ​രോ ഫാ​ക്ക​ൽ​റ്റി​യു​ടെ കീ​ഴി​ൽ പ്ര​ത്യേ​ക​മാ​യി സം​യു​ക്ത ബോ​ർ​ഡു​ക​ൾ രൂ​പ​വ​ത്ക​രി​ച്ചാ​ണ് സി​ല​ബ​സ് രൂ​പ​ക​ൽ​പ​ന ചെ​യ്യേ​ണ്ട​ത്.

FYUP ഗ​വേ​ഷ​ണ ബി​രു​ദം ബി​രു​ദ​ത​ല​ത്തി​ൽ ത​ന്നെ വി​ദ്യാ​ർ​ഥി​ക​ളി​ൽ ഒ​രു ഗ​വേ​ഷ​ണ സം​സ്കാ​രം വി​ക​സി​പ്പി​ക്കാ​ൻ വി​ഭാ​വ​നം ചെ​യ്യു​ന്നു. പ്രാ​രം​ഭ​ഘ​ട്ട​ത്തി​ൽ ഗ​വേ​ഷ​ണ ബി​രു​ദ കോ​ഴ്സു​ക​ൾ ആ​രം​ഭി​ക്കു​ന്ന​തി​ന് നി​ല​വി​ലു​ള്ള ഗ​വേ​ഷ​ണ കേ​ന്ദ്ര​ങ്ങ​ൾ​ക്കാ​ണ് മു​ൻ​ഗ​ണ​ന. ത​ങ്ങ​ളു​ടെ ഗ​വേ​ഷ​ക വി​ദ്യാ​ർ​ഥി​ക​ൾ​ക്ക് മാ​ത്രം സൗ​ക​ര്യ​മു​ള്ള നി​ല​വി​ലു​ള്ള ഗ​വേ​ഷ​ണ കേ​ന്ദ്ര​ങ്ങ​ൾ യു.​ജി വി​ദ്യാ​ർ​ഥി​ക​ളെ ഉ​ൾ​ക്കൊ​ള്ളാ​ൻ പ​ര്യാ​പ്ത​മ​ല്ല. യ​ഥാ​ർ​ഥ ല​ക്ഷ്യം നി​റ​വേ​റ്റു​ന്ന​തി​നാ​യി ലാ​ബു​ക​ളും മ​റ്റ് അ​ടി​സ്ഥാ​ന സൗ​ക​ര്യ​ങ്ങ​ളും വി​പു​ലീ​ക​രി​ക്കു​ന്ന​തി​ന് നി​ക്ഷേ​പം ആ​വ​ശ്യ​മാ​ണ്.

പ​ഠി​താ​ക്ക​ളെ കേ​ന്ദ്രീ​ക​രി​ച്ചു​ള്ള അ​ധ്യാ​പ​ന​രീ​തി​യി​ലേ​ക്കു​ള്ള മാ​റ്റ​മാ​ണ് നി​ർ​ദി​ഷ്ട പ​രി​ഷ്കാ​ര​ങ്ങ​ളു​ടെ ഏ​റ്റ​വും വ​ലി​യ മി​ക​വാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്. നി​ല​വി​ലു​ള്ള കോ​മ​ൺ ഇം​ഗ്ലീ​ഷ് ക്ലാ​സ് മു​റി​ക​ളി​ൽ നൂ​റി​ല​ധി​കം വി​ദ്യാ​ർ​ഥി​ക​ളാ​ണ് പ​ഠി​ക്കു​ന്ന​ത്. ശാ​സ്ത്രീ​യ​മാ​യ അ​ധ്യാ​പ​ക-​വി​ദ്യാ​ർ​ഥി അ​നു​പാ​തം നി​ല​നി​ർ​ത്തി​യി​ല്ലെ​ങ്കി​ൽ നൈ​പു​ണ്യ​ത്തെ ഊ​ന്നി​യു​ള്ള പാ​ഠ്യ​പ​ദ്ധ​തി​യെ​ന്ന​ത്​ വെ​റും അ​വ​കാ​ശ​വാ​ദ​മാ​യി മാ​റും.

എ​ബി​ലി​റ്റി എ​ൻ​ഹാ​ൻ​സ്മെ​ന്റ് കോ​ഴ്സു​ക​ൾ, സ്കി​ൽ കോ​ഴ്സു​ക​ൾ, വാ​ല്യൂ അ​ഡി​ഷ​ൻ കോ​ഴ്സു​ക​ൾ എ​ന്നി​വ ആ​രം​ഭി​ച്ച​തോ​ടെ പ​ര​മ്പ​രാ​ഗ​ത ഭാ​ഷാ കോ​ഴ്സു​ക​ൾ​ക്ക് ക​ന​ത്ത തി​രി​ച്ച​ടി​യാ​യി. ഇം​ഗ്ലീ​ഷ്, മ​ല​യാ​ളം, അ​റ​ബി, ഉ​ർ​ദു, ത​മി​ഴ് തു​ട​ങ്ങി​യ ഭാ​ഷാ അ​ധ്യാ​പ​ന​ത്തി​ന് അ​നു​വ​ദി​ച്ചി​രി​ക്കു​ന്ന സ​മ​യം പു​തി​യ സം​വി​ധാ​ന​ത്തി​ൽ ഗ​ണ്യ​മാ​യി കു​റ​യും. കൂ​ടാ​തെ ഭാ​ഷാ​പ​ഠ​ന​ത്തി​ന്റെ യ​ഥാ​ർ​ഥ ല​ക്ഷ്യം നി​റ​വേ​റ്റ​പ്പെ​ടി​ല്ല. മാ​ത്ര​മ​ല്ല തൊ​ഴി​ല​വ​സ​ര​ത്തി​ന്റെ വീ​ക്ഷ​ണ​കോ​ണി​ൽ​നി​ന്ന് ആ​വ​ശ്യ​മാ​യ​തും എ​ന്നാ​ൽ ഭാ​ഷാ വി​ദ്യാ​ഭ്യാ​സ​ത്തി​ന്റെ അ​ഗാ​ധ​മാ​യ ല​ക്ഷ്യ​ങ്ങ​ൾ നി​റ​വേ​റ്റാ​ത്ത​തു​മാ​യ ക​മ്പോ​ള​ത്തെ അ​ടി​സ്ഥാ​ന​മാ​ക്കി​യു​ള്ള നൈ​പു​ണ്യ വി​ക​സ​ന​ത്തി​ന് അ​തി​ന്റേ​താ​യ പ​രി​മി​തി​ക​ളു​ണ്ട്.

NEP-2020 ന്റെ ​ത്രി​ഭാ​ഷാ സ​മ്പ്ര​ദാ​യം ഓ​രോ കു​ട്ടി​യും മൂ​ന്ന് ഭാ​ഷ​ക​ൾ പ​ഠി​ക്ക​ണ​മെ​ന്ന് വ്യ​വ​സ്ഥ ചെ​യ്യു​ന്നു - ഒ​രു പ്രാ​ദേ​ശി​ക ഭാ​ഷ, ഒ​രു ദേ​ശീ​യ ഭാ​ഷ, ഒ​രു അ​ന്ത​ർ​ദേ​ശീ​യ ഭാ​ഷ. കൗ​തു​ക​ക​ര​മെ​ന്നു പ​റ​യ​ട്ടെ, 23 രാ​ജ്യ​ങ്ങ​ളു​ടെ ഔ​ദ്യോ​ഗി​ക ഭാ​ഷ​യാ​യ അ​റ​ബി അ​ന്താ​രാ​ഷ്ട്ര ഭാ​ഷ​ക​ളു​ടെ പ​ട്ടി​ക​യി​ൽ​നി​ന്ന്​ ഒ​ഴി​വാ​ക്ക​പ്പെ​ട്ടി​രി​ക്കു​ന്നു. ദേ​ശീ​യ, പ്രാ​ദേ​ശി​ക ഭാ​ഷ​ക​ളു​ടെ പ​ട്ടി​ക​യി​ൽ ഇ​ടം പി​ടി​ക്കാ​ൻ സാ​ധ്യ​ത​യി​ല്ല താ​നും. എ​ബി​ലി​റ്റി എ​ൻ​ഹാ​ൻ​സ്മെ​ന്റ് കോ​ഴ്സു​ക​ൾ ഇം​ഗ്ലീ​ഷി​ലും മ​റ്റ് ആ​ധു​നി​ക ഇ​ന്ത്യ​ൻ ഭാ​ഷ​ക​ളി​ലു​മാ​ണ് രൂ​പ​ക​ൽ​പ​ന ചെ​യ്യേ​ണ്ട​ത് എ​ന്ന കേ​ര​ള ഫ്രെ​യിം​വ​ർ​ക്കി​ന്റെ നി​ബ​ന്ധ​ന NEP യു​ടെ ത​നി​പ്പ​ക​ർ​പ്പാ​ണെ​ന്ന് തോ​ന്നു​ന്നു. നി​ല​വി​ലെ സ​മീ​പ​നം തു​ട​ർ​ന്നാ​ൽ അ​ടു​ത്ത ദ​ശാ​ബ്ദ​ത്തി​നു​ള്ളി​ൽ അ​റ​ബി പ​ഠ​നം നി​ല​ച്ചേ​ക്കു​മെ​ന്ന ന്യാ​യ​മാ​യ ആ​ശ​ങ്ക​യു​ണ്ട്.

ഫാ​ക്ക​ൽ​റ്റി​യു​ടെ വി​ശ​ദ​മാ​യ ജോ​ലി​ഭാ​ര നി​ർ​ണ​യം FYUP ന​ട​പ്പി​ൽ വ​രു​ത്തു​ന്ന​തി​ന് മു​മ്പ് ന​ട​ത്തേ​ണ്ട​ത് അ​ത്യ​ന്താ​പേ​ക്ഷി​ത​മാ​ണ്. പി.​ജി വെ​യ്റ്റേ​ജ് എ​ടു​ത്തു ക​ള​ഞ്ഞ​ത് (ഒ​രു മ​ണി​ക്കൂ​ർ പി.​ജി അ​ധ്യാ​പ​നം ഒ​ന്ന​ര മ​ണി​ക്കൂ​ർ യു.​ജി അ​ധ്യാ​പ​ന​ത്തി​ന് തു​ല്യ​മാ​ണ് എ​ന്ന വ്യ​വ​സ്ഥ), അ​സോ​സി​യേ​റ്റ് പ്ര​ഫ​സ​ർ​മാ​രു​ടെ​യും പ്ര​ഫ​സ​ർ​മാ​രു​ടെ​യും ജോ​ലി​ഭാ​രം യു.​ജി.​സി മാ​ന​ദ​ണ്ഡ​ങ്ങ​ൾ​ക്ക് അ​നു​സൃ​ത​മാ​യി ന​ട​പ്പാ​ക്കാ​തി​രി​ക്ക​ൽ , റി​സ​ർ​ച് സൂ​പ്പ​ർ​വി​ഷ​ൻ വ​ർ​ക്ക്​ ലോ​ഡി​ൽ ഉ​ൾ​പ്പെ​ടു​ത്താ​തി​രി​ക്ക​ൽ, ചോ​ദ്യ​പേ​പ്പ​ർ പ്രി​ന്റി​ങ് അ​ട​ക്ക​മു​ള്ള അ​ധ്യാ​പ​ക​രു​ടെ ക്ല​റി​ക്ക​ൽ ജോ​ലി​ക​ളു​ടെ ആ​ധി​ക്യം എ​ന്നി​വ അ​ധ്യാ​പ​ന​ത്തി​ന്റെ ഗു​ണ​നി​ല​വാ​ര​ത്തെ സാ​ര​മാ​യി ബാ​ധി​ച്ചി​ട്ടു​ണ്ട്. അ​ധ്യാ​പ​ക​രു​ടെ ജോ​ലി​ഭാ​ര​ത്തി​ൽ യു.​ജി വി​ദ്യാ​ർ​ഥി​ക​ളു​ടെ റി​സ​ർ​ച് ഗൈ​ഡ​ൻ​സ് ഉ​ൾ​പ്പെ​ടു​ത്തി​യാ​ൽ മാ​ത്ര​മെ ബി​രു​ദ വി​ദ്യാ​ർ​ഥി​ക​ൾ​ക്കി​ട​യി​ൽ ഗ​വേ​ഷ​ണ സം​സ്കാ​രം വ​ള​ർ​ത്തി​യെ​ടു​ക്കു​ക എ​ന്ന യ​ഥാ​ർ​ഥ ല​ക്ഷ്യം കൈ​വ​രി​ക്കാ​നാ​കൂ.

FYUP വി​ദ്യാ​ർ​ഥി​ക​ൾ​ക്ക് കൂ​ടു​ത​ൽ ചോ​യ്സു​ക​ളും അ​ക്കാ​ദ​മി​ക സ്വാ​ത​ന്ത്ര്യ​വും വാ​ഗ്ദാ​നം ചെ​യ്യു​ന്നു​ണ്ടെ​ങ്കി​ലും, വി​വി​ധ മേ​ജ​ർ- മൈ​ന​ർ കോ​മ്പി​നേ​ഷ​നു​ക​ളെ സം​ബ​ന്ധി​ച്ച് വ്യ​ക്ത​ത കൊ​ണ്ടു​വ​ര​ണം, വി​വി​ധ സ​ർ​വ​ക​ലാ​ശാ​ല​ക​ളി​ലെ സ​മാ​ന​മാ​യ കോ​ഴ്സു​ക​ൾ​ക്ക് തു​ല്യ​ത ന​ൽ​കു​ന്ന​തി​ൽ സ​ർ​വ​ക​ലാ​ശാ​ല​ക​ൾ ലി​ബ​റ​ൽ മ​നോ​ഭാ​വം സ്വീ​ക​രി​ക്ക​ണം. പു​തി​യ കോ​മ്പി​നേ​ഷ​നു​ക​ൾ ആ​വേ​ശ​ത്തോ​ടെ അ​വ​ത​രി​പ്പി​ക്ക​പ്പെ​ടു​മ്പോ​ൾ, സ​ർ​വ​ക​ലാ​ശാ​ല​ക​ൾ വി​വി​ധ കോ​ഴ്സു​ക​ൾ​ക്ക് തു​ല്യ​ത ന​ൽ​കു​ന്ന​തി​ൽ പ​ര​മ്പ​രാ​ഗ​ത അ​ള​വു​കോ​ലു​ക​ളി​ൽ ഉ​റ​ച്ചു നി​ന്നാ​ൽ വി​ദ്യാ​ർ​ഥി​ക​ൾ​ക്ക് അ​വ​രു​ടെ അ​ർ​ഹ​ത​പ്പെ​ട്ട അ​വ​സ​ര​ങ്ങ​ൾ ന​ഷ്ട​പ്പെ​ടു​ത്തു​ക​യും അ​വ​രു​ടെ അ​ക്കാ​ദ​മി​ക് ഭാ​വി അ​വ​താ​ള​ത്തി​ലാ​ക്കു​ക​യും ചെ​യ്യും.

യു.​ജി ത​ല​ത്തി​ൽ ഇ​ന്റേ​ൺ​ഷി​പ് ആ​രം​ഭി​ക്കു​ന്ന​ത് പ്ര​വൃ​ത്തി​പ​രി​ച​യം വ​ള​ർ​ത്താ​നും സി​ല​ബ​സും ഇ​ൻ​ഡ​സ്ട്രി​യും ത​മ്മി​ലു​ള്ള വി​ട​വ് നി​ക​ത്താ​നും സാ​ധി​ക്കും എ​ന്ന​ത് തീ​ർ​ച്ച. എ​ന്നാ​ൽ ല​ക്ഷ​ക്ക​ണ​ക്കി​ന്​ കു​ട്ടി​ക​ൾ പ​ഠി​ക്കു​ന്ന ന​മ്മു​ടെ അ​ഫി​ലി​യേ​ഷ​ൻ സ​മ്പ്ര​ദാ​യ​ത്തി​ൽ ഇ​ത് അ​ർ​ഥ​വ​ത്താ​യ രീ​തി​യി​ൽ ന​ട​പ്പാ​ക്കാ​ൻ സാ​ധി​ക്കു​മോ എ​ന്ന​ത് ക​ണ്ട​റി​യ​ണം. പ​രി​ഷ്കാ​ര​ങ്ങ​ൾ ന​ട​പ്പാ​ക്കു​മ്പോ​ൾ നി​ല​വി​ലു​ള്ള സ​മ്പ്ര​ദാ​യ​ത്തി​ലെ അ​പ​ര്യാ​പ്ത​ത​ക​ളും വെ​ല്ലു​വി​ളി​ക​ളും ഉ​ൾ​ക്കൊ​ണ്ടേ മ​തി​യാ​വൂ. നി​ല​വി​ലെ സാ​ഹ​ച​ര്യ​ത്തി​ൽ, വി​ദ്യാ​ർ​ഥി​ക​ൾ ത​ങ്ങ​ളു​ടെ ഉ​പ​രി​പ​ഠ​ന​ത്തി​നാ​യി വി​ദേ​ശ രാ​ജ്യ​ങ്ങ​ളി​ലേ​ക്ക് കു​ടി​യേ​റാ​ൻ താ​ൽ​പ​ര്യ​പ്പെ​ടു​മ്പോ​ൾ, പ​രി​ഷ്കാ​ര​ങ്ങ​ൾ​ക്ക് വി​ദ്യാ​ർ​ഥി​ക​ളെ ആ​ക​ർ​ഷി​ക്കാ​നും അ​വ​രെ നി​ല​നി​ർ​ത്താ​നും ക​ഴി​യ​ണം. ഇ​ത്ര​യേ​റെ അ​നി​ശ്ചി​ത​ത്വം നി​ല​നി​ൽ​ക്കു​ന്ന സാ​ഹ​ച​ര്യ​ത്തി​ൽ വി​ദ്യാ​ർ​ഥി​ക​ളെ ന​മ്മു​ടെ നാ​ട്ടി​ൽ നി​ല​നി​ർ​ത്താ​ൻ ഈ ​പ​രി​ഷ്കാ​ര​ങ്ങ​ൾ​ക്കു സാ​ധി​ക്കു​മോ എ​ന്ന​ത് വ​ലി​യ ചോ​ദ്യ​ചി​ഹ്ന​മാ​യി ന​മ്മു​ടെ മു​ന്നി​ൽ നി​ല​നി​ൽ​ക്കു​ന്നു.

(കാ​ലി​ക്ക​റ്റ് സ​ർ​വ​ക​ലാ​ശാ​ല സെ​ന​റ്റ്

അം​ഗ​മാ​ണ്​ ലേ​ഖി​ക)