ഇതാ ട്രംപ്​ പടിയിറങ്ങിയിരിക്കുന്നു; ഇനി ലോകത്തിന്​ രക്ഷ

ഒബാമ പറയാറുണ്ടായിരുന്നു, ഓരോ പ്രസിഡൻറും ഒരു വലിയ കഥയുടെ ഭാഗമാണെന്ന്​. ട്രംപി​െൻറ അധ്യായം പക്ഷേ, ഹൃസ്വമെന്നതിലുപരി അശ്ലീലവും മൃഗീയവുമായി ​േപായി.

പല അർഥത്തിലും സാധാരണത്വം നിറയെയുള്ളതായിരുന്നു അത്​. പരമ്പരാഗത ആചാരങ്ങൾ, സൈനിക പരേഡ്​, പ്രമുഖരുടെ ഘോഷയാത്ര, നക്ഷത്രക്കിലുക്കം, എല്ലാറ്റിലുമുപരി വിസ്​മരിച്ചുതള്ളാവുന്ന ഉദ്​ഘാടന പ്രഭാഷണം.

പക്ഷേ, മഹാമാരിക്കെതിരായ മാസ്​കുകൾ, നാലു ലക്ഷത്തിലേറെ അമേരിക്കക്കാരുടെ മരണം, വീണ്ടുമൊരു വ​ംശവെറിയൻ ഉയിർപ്പ്​​ സംഭവിക്കാതിരിക്കാൻ ​നിലയുറപ്പിച്ച െകാച്ചുപട്ടാളനിര, കാപിറ്റലിനു പടിഞ്ഞാറുവശത്തെ സംഭവങ്ങൾ - ഭീതിദമാംവിധം ചിതറിപ്പോമാകുമായിരുന്ന ജനാധിപത്യം വീണ്ടും തിരിച്ചുവരവി​െൻറ പാതയിലെന്ന്​ അറിയിക്കുന്നതാണ്​ പുതിയ കാല കാഴ്​ചകളെല്ലാം.

ത​െൻറ സ്വന്തം സംസ്​ഥാനമായ ഡിലാവെറിനെക്കാൾ വിശാലമായ കുടുംബത്തി​െൻറ സ്വന്തം ബൈബിൾ പിടിച്ച്​ ഇനി ജനാധിപത്യത്തി​െൻറ സുരക്ഷയും സംരക്ഷയുമാണ്​ ദൗത്യമെന്ന്​ ജോസഫ്​ റോബിനെറ്റ്​ ബൈഡൻ ജൂനിയർ സത്യപ്രതിജ്​ഞ ചെയ്​തു. വലിയ കീടങ്ങളെയും ചെറിയ ​പ്രക്ഷോഭകരെയും അടിച്ചമർത്തുന്നത്​ പ്രയോജനകരമാകുമെന്ന്​ കാര്യങ്ങൾ കണ്ടപ്പോൾ തോന്നി.

ബൈഡ​െൻറ പ്രഭാഷണത്തിൽനിന്ന്​ വല്ലതും മനസ്സിൽ ബാക്കിയിരിപ്പുണ്ടെ​​ങ്കിൽ, അത്​ ജനാധിപത്യവും ദേശീയ ഐക്യവും വീ​ണ്ടെടുക്കാൻ നടത്തുമെന്ന്​ പ്രഖ്യാപിച്ച നിർണായക സമരത്തെ കുറിച്ച്​ 46ാം പ്രസിഡൻറി​െൻറ കടുത്ത സ്വരത്തിലുള്ള ഭാഷ മാത്രം. ''ഇന്ന്​ നാം ഒരു സ്​ഥാനാർഥി വിജയമല്ല ആഘോഷിക്കുന്നത്​, മറിച്ച്​ ഒരു ദൗത്യത്തി​െൻറയാണ്​. ജനാധിപത്യമെന്ന ദൗത്യം''- ബൈഡ​ൻ തുടങ്ങിയത്​ ഇങ്ങനെ.

''ജനങ്ങൾ, ജനഹിതം രണ്ടും ചെവികൊള്ളപ്പെട്ടിരിക്കുന്നു. ജനത്തി​െൻറ ഇംഗിതം ആദരിക്കപ്പെട്ടു. ജനാധിപത്യം അമൂല്യമെന്ന്​ നാം മനസ്സിലാക്കുന്നു. നിർമലമാണ് ജനാധിപത്യം​. ഈ നിമിഷത്തിൽ, എ​െൻറ സുഹൃത്തുക്കളേ, ജനാധിപത്യം വിജയം വരിച്ചിരിക്കുന്നു''.

സത്യത്തിൽ, അത്​ സംഭവിച്ചുകഴിഞ്ഞിട്ടില്ല. കുറെക്കൂടി റിപ്പബ്ലിക്കന്മാർ ബാക്കിനിൽകുന്ന സഭയിൽ ജനഹിതം അട്ടിമറിക്കപ്പെടാമായിരുന്നു. അത്യപൂർവം ചില റിപ്പബ്ലിക്കൻ സംസ്​ഥാനങ്ങളിലെ ഉദ്യോഗസ്​ഥർ സത്യസന്ധവും സുതാര്യവുമായ തെരഞ്ഞെടുപ്പ്​ സംഭവിക്കരുതെന്നുവെച്ചിരുന്നുവെങ്കിൽ ബൈഡ​െൻറ ഏകാധിപതിയായ മുൻഗാമി വീണ്ടും വരുമായിരുന്നു. കലാപകാരികൾ കുറെകൂടിയുണ്ടായിരുന്നുവെങ്കിൽ കാപിറ്റലിൽ കാത്തിരുന്ന കോൺഗ്രസ്​ അംഗങ്ങളിൽ ചിലരെങ്കിലും ബുധനാഴ്​ച ചരിത്ര മുഹൂർത്തത്തിന്​ സാക്ഷിയാകില്ലായിരുന്നു.

മഹാമാരിയെ പരാജയപ്പെടുത്തുന്നതിനപ്പുറത്ത്​, ബൈഡൻ മുന്നിൽവെച്ച മൂന്ന്​ മുൻഗണനകൾ പക്ഷേ, നാലു വർഷം മുമ്പ്​ അമേരിക്കയാണ്​ പ്രഥമമെന്ന്​ വാഗ്​ദാനം ചെയ്​തയാളുടെ വായിൽനിന്ന്​ ഒരിക്കലും ബഹിർഗമിക്കില്ലായിരുന്നു.

''നാലു നൂറ്റാണ്ടായി തിടംവെച്ചുയരുന്ന വംശ നീതിക്കായുള്ള മുറവിളിയാണ്​ നമ്മെ ചലിപ്പിച്ചുകൊണ്ടിരിക്കുന്നത്​. എല്ലാവർക്കും നീതിയെന്നത്​ ഇനിയും വൈകില്ല''- ബൈഡൻ വാക്കുനൽകി.

''അതിജീവനത്തിനായുള്ള ആർത്തനാദം ഭൂഗോളത്തിൽനിന്ന്​ മൊത്തത്തിൽ ഉയരുന്നു, അത്​ ഇതിലേറെ ശക്​തമാകാനില്ല, അതിലേറെ കൃത്യവുമാകാനുമില്ല. രാഷ്​ട്രീയ ഭീകരവാദം, വെള്ള അധീശത്വമനസ്സ്​, ആഭ്യന്തര തീവ്രവാദം - എല്ലാറ്റിനെയും നമുക്ക്​ തോൽപ്പിക്കണം. ഇനിയും അഭിമുഖീകരിച്ച്​ നിൽക്കാതെ പരാജയപ്പെടുത്താനാകണം''.

ഉദ്​ഘാടന പ്രഭാഷണങ്ങൾ പലപ്പോഴും ചരിത്രപദവി ആർജിക്കാതെ പരാജയപ്പെട്ട​ുപോകാറാണ്​ പതിവ്​. അതിഭീതിദമായ നാശത്തി​െൻറ വലിയ ശേഖരം ഒന്ന​ാകെ ചരിത്രത്താളുകളിൽ നിക്ഷേപമായെത്തുന്ന ഒരു ഘട്ടത്തിൽ ബൈഡൻ ഭരണത്തിന്​ ചരിത്രമാകണമെന്നില്ല.

ഇന്ന്​, എല്ലാറ്റിനും മധ്യേ സാക്ഷിയും കർത്താവുമായി നിലയുറപ്പിക്കുന്നയാൾ രാഷ്​ട്രീയം വ്യക്​തിഗതമെന്നു വിശ്വസിക്കുന്നയാളാണ്​. തന്ത്രശാലിയായ രാഷ്​ട്രീയക്കാരൻ, എല്ലാവരെയും എല്ലാറ്റിനെയും അക്ഷരാർഥത്തിൽ ഇത്തിരി ആലങ്കാരികതയോടെ സ്വീകരിക്കുന്നയാൾ.

''ഇന്ന്​, ഈ ജനുവരി ദിവസം, എ​െൻറ ആത്​മാവ്​ നിറയെ ഇതിലുണ്ട്​: അമേരിക്ക​യെ ഏകതയുടെ വഴിയിൽ എത്തിക്കണം. നമ്മുടെ ജനതയെ ഒന്നാക്കണം, രാജ്യത്തെ ഏകകണ്​ഠമാക്കണം''- അദ്ദേഹം പറഞ്ഞു. ''​ഒാരോ അമേരിക്കക്കാരനും ഈ ദൗത്യത്തി​െൻറ ഭാഗമാകണമെന്നാണ്​ എ​െൻറ ആവശ്യം. നാം നേരിടുന്ന ശത്രുക്കളായ വിദ്വേഷം, വെറുപ്പ്​, ശത്രുത, ഭീകരത, നിയമരാഹിത്യം, ഹിംസ, രോഗം, തൊഴിലില്ലായ്​മ, പ്രത്യാശയില്ലായ്​മ എല്ലാറ്റിനുമെതിരെ പൊരുതി നിൽക്കണം. ഒന്നായിനിന്ന്​ നമുക്ക്​ വലിയ കാര്യങ്ങൾ ചെയ്യാനുണ്ട്​, സുപ്രധാനമാണവ''.

വാക്കുകൾ തീവ്രമായി ഒഴുകു​േമ്പാൾ, ഡെമോക്രാറ്റിക്​ നിര സ്വർഗലോകത്തേക്ക്​ കണ്ണുകൾ പായിക്കുകയായിരുന്നു. നേരത്തെ, റിപ്പബ്ലിക്കൻ പാർട്ടിയിലെ ഫാഷിസ്​റ്റുകൾ ഓരോ പ്രസംഗത്തിലും ഐക്യമെന്ന പദം എഴുന്നുനിർത്തി രാജ്യത്തെ വിഭജിക്കാനും ജനാധിപത്യത്തെ അറുകൊല നടത്താനുമാണ്​ പ്രയോഗിച്ചിരുന്നതെന്നോർക്കണം.

അവിടെയാണ്​, ഈ ജോ ബൈഡൻ. ആളുകൾ പറയാറുള്ളപോലെ ദൈവം നിങ്ങളെ ഇഷ്​ടംവെക്കുന്നു'. ''ഓരോരുത്തർക്കും പരസ്​പരം ചെവി കൊടുക്കാം. പരസ്​പരം കൺപാർക്കാം, അപരനെ ബഹുമാനിക്കാം''- ബൈഡൻ വിനയത്തോടെ രാജ്യത്തോട്​ ഇത്​ പറയു​േമ്പാൾ ചുറ്റും യു.എസ്​ കോൺഗ്രസ്​ അംഗങ്ങളുമുണ്ടായിരുന്നു.

''രാഷ്​ട്രീയം ഒരിക്കലും ആളിക്കത്തുന്ന അഗ്​നിയാകരുത്​. വഴിയിലുള്ളതിനെ​െയാക്കെ നശിപ്പിക്കും ആ അഗ്​നി. ഓരോ വിയോജിപ്പും ഒരു മുട്ടൻ യുദ്ധത്തിന്​ കാരണമായി ഭവിക്കരുത്​. വസ്​തുതകളെ വളച്ചൊടിച്ചും കൃത്രിമമായി പടച്ചുമുള്ള സംസ്​കാരം നമുക്ക്​ റദ്ദുചെയ്യാനാകണം''.

അങ്ങന, ഒരു തണുത്തുറഞ്ഞ ജനുവരി പ്രഭാതത്തിൽ ദേശീയ തലസ്​ഥാനം എല്ലാം കൈവിട്ടുപോയ ട്രംപിനെ പ്രസിഡൻറ്​ പദവിയിൽനിന്ന്​ മടക്കി. കഴിഞ്ഞ വർഷം നടന്ന തെരഞ്ഞെടുപ്പിൽ തോറ്റയാളുടെ വികാരമൂർഛയുള്ള, വൈകൃതം ആവേശിച്ച ചിന്തകൾ, നുണകൾ, ഭാഷ തുടങ്ങി എല്ലാറ്റി​നും അവസാനം കുറിക്കലായിരുന്നു അത്​.

1980കളിലെ ഒരു കാരിക്കാച്ചറായിരുന്നു ട്രംപ്​ എപ്പോഴും. അത്യാർത്തി സദ്​ഗുണമാകുന്ന ഒരു സ്വപ്​നലോകത്ത്​ തളക്കപ്പെട്ടുപോയ മനുഷ്യൻ. നാലു വർഷം പ്രസിഡൻറായി സ്വയം അഭിരമിച്ച ഭീമാകാരനായ ആ വിഡ്​ഢിയെ കേൾക്കാൻ ​ജോയിൻറ്​ ബേസ്​ ആൻഡ്രൂസിൽ കാത്തുനിന്നത്​ നിന്ദ്യമാംവിധം ശുഷ്​കമായ, വിരലിലെണ്ണാവുന്ന ഏറ്റവുമടുത്ത ബന്ധുക്കൾ മാത്രം.

അതും ഒരു കാമ്പയിനെ അനുസ്​മരിപ്പിക്കുന്ന സംഭവമാകാമെന്ന്​ ടെലിവിഷൻ പണ്ഡിറ്റുകളിൽ ചിലർ പറഞ്ഞു. അതും ശരിയാകുമായിരുന്നു, പക്ഷേ, ചോർന്നൊലിക്കുന്ന മേൽക്കൂര നന്നാക്കാനുള്ള ആക്രി സാധനങ്ങളുടെ ലേലമായിരുന്നുവെങ്കിൽ. പ്രസിഡൻറ്​ പദംവിട്ട്​ ട്രംപ്​ അങ്ങനെ യാത്രാമൊഴി പറഞ്ഞു, ചെറുതും വലുതുമായ ത​െൻറ മഹാകള്ളങ്ങളുടെ സമ്പാദ്യം മാത്രം കൈയിൽ കരുതി.

സ്വന്തം കാര്യം നോക്കുകയും ടി.വി കണ്ടിരിക്കുകയും ചെയ്യേണ്ടതിനു പകരം വൈറ്റ്​ഹൗസിൽ ത​െൻറ കുടുംബം ശരിക്കും പണിയെടുക്കുകയായിരുന്നുവെന്ന്​ (ആളുകൾക്ക്​ ഇപ്പോഴുമറിയില്ല, അവർ എന്ത്​ എടുത്തുവെന്ന്​) അദ്ദേഹം അഭിനയിച്ചു. ത​െൻറ ഭാര്യ മെലാനിയയെ പെരുത്ത്​ ഇഷ്​ടമായിരുന്നുവെന്നും ചരിത്രത്തിൽ ഏറ്റവും​ ജനം വെറുത്ത പ്രഥമ വനിതയായിരുന്നില്ലെന്നും അയാൾ പറയാതെ പറഞ്ഞു.

യുദ്ധത്തിൽ പ​ങ്കെടുത്ത മുതിർന്ന സൈനികർ തനിക്കൊപ്പമാണെന്ന്​ അയാൾ നുണ പ്രചരിപ്പിച്ചു. റോക്കറ്റ്​ പോലെ 'കുതിച്ച' ഓഹരി വിപണിയെ കുറിച്ച്​ അയാൾ സംസാരിച്ചു. താഴോട്ട്​ റോക്കറ്റ്​ കണക്കെ പതിക്കുന്ന വാക്​സിൻ എണ്ണങ്ങളെ കുറിച്ചും അയാൾ പറഞ്ഞുകൊണ്ടിരുന്നു.

''പുതിയ സർക്കാറിന്​ ഭാഗ്യവും വിജയവും നേരുന്നു''- രണ്ടാഴ്​ച മുമ്പ്​ കാപിറ്റലിൽ ഇരച്ചുകയറാൻ ആൾക്കൂട്ടത്തെ ഇളക്കിവിട്ട അതേ മനുഷ്യൻ ഇത്തവണ നേർവിപരീതമായി ഇങ്ങനെയും ആശംസിച്ചു.

അതുകൊണ്ട്​, നിങ്ങൾക്ക്​ യാത്രാമൊഴി, ഡോണൾഡ്​ ട്രംപ്​. നിങ്ങളുടെ മുൻഗാമി ബറാക്​ ഒബാമ പറയാറുണ്ടായിരുന്നു, എല്ലാ പ്രസിഡൻറുമാരും ഒരു നീണ്ട കഥയുടെ ഭാഗമാണെന്ന്​. ''നാം നമ്മുടെ ഭാഗം ശരിയാക്കാൻ ശ്രമിക്കുന്നു''. പക്ഷേ, ഹൃസ്വമെന്നതിലുപരി അശ്ലീലവും മൃഗീയവുമായി ​േപായി നിങ്ങളുടെ ഭാഗം. ശരിക്കും എല്ലാം പിഴച്ചുപോയി നിങ്ങൾക്ക്​.

(കടപ്പാട്​: theguardian.com മൊഴിമാറ്റം: കെ.പി. മൻസൂർ അലി)