അ​തി​ജീ​വ​നം അ​ത്ര എ​ളു​പ്പ​മ​ല്ല

ത​ട​വ​റ​ക​ളെ​യും ത​ട​വു​കാ​രെ​യും സം​ബ​ന്ധി​ച്ച്​ നി​ര​വ​ധി പ​ഠ​ന​ങ്ങ​ൾ ന​ട​ത്തി​യ അ​മേ​രി​ക്ക​യി​ലെ പ്രി​സ​ൺ അ​ബോ​ളി​ഷ​ൻ മൂ​വ്മെ​ന്റ് നേ​താ​വും ക​മ്യൂ​ണി​സ്റ്റു​കാ​രി​യും ബ്ലാ​ക്ക് റൈ​റ്റ്സ്​ പോ​രാ​ളി​യു​മാ​യ ആ​ഞ്ജ് ല ​ഡേ​വി​സി​െൻറ അ​ഭി​പ്രാ​യ​ത്തി​ൽ മ​നു​ഷ്യ​ത്വ വി​രു​ദ്ധ​മാ​യ നി​ല​വി​ലെ ജ​യി​ൽ സം​വി​ധാ​നം ഒ​രു മ​നു​ഷ്യ​നെ പ​രി​ഷ്ക്ക​രി​ക്കാ​ൻ ഉ​പ​ക​രി​ക്കി​ല്ല. അ​ടി​ച്ച​മ​ർ​ത്ത​പ്പെ​ട്ട വി​ഭാ​ഗ​ങ്ങ​ളെ കൂ​ടു​ത​ൽ അ​ടി​ച്ച​മ​ർ​ത്താ​നു​ള്ള ഉ​പ​ക​ര​ണ​മാ​ണ് ജ​യി​ലെ​ന്ന്​ വി​ശേ​ഷി​പ്പി​ച്ച ആ​ഞ്ജ് ല ​ഡേ​വി​സ്​ ഈ ​മ​നു​ഷ്യ​ർ ജ​യി​ലു​ക​ളി​ലെ​ത്തു​ന്ന​തി​ന്റെ സാ​മൂ​ഹി​ക, സാ​മ്പ​ത്തി​ക, രാ​ഷ്ട്രീ​യ കാ​ര​ണ​ങ്ങ​ളെ സം​ബോ​ധ​ന ചെ​യ്ത് മാ​ത്ര​മേ സ​മൂ​ല പ​രി​ഷ്ക​ര​ണം സാ​ധ്യ​മാ​വൂ എ​ന്നും പ​റ​ഞ്ഞു​വെ​ക്കു​ന്നു.

ഒ​രു രാ​ഷ്ട്രീ​യ ത​ട​വു​കാ​ര​ൻ എ​ന്ന നി​ല​യി​ൽ ഉ​ദ്യോ​ഗ​സ്ഥ​രു​ടെ അ​ധി​കാ​ര ദു​ർ​വി​നി​യോ​ഗ​ത്തി​നു മു​ന്നി​ൽ കീ​ഴൊ​തു​ങ്ങി നി​ൽ​ക്കാ​ൻ വി​സ​മ്മ​തി​ക്കു​ക​യും, ഭ​ക്ഷ​ണ​വും പു​സ്ത​ക​വു​മ​ട​ക്ക​മു​ള്ള അ​ടി​സ്ഥാ​നാ​വ​ശ്യ​ങ്ങ​ൾ​ക്കു​വേ​ണ്ടി ശ​ബ്ദി​ക്കു​ക​യും ചെ​യ്ത​തു​കൊ​ണ്ടാ​ണ് ജ​യി​ലി​ലെ​ത്തി​യ​ശേ​ഷം ഞാ​ൻ മ​രു​ന്നും ചി​കി​ത്സ​യും നി​ർ​ത്തി​യ​ത്. അ​ല്ലാ​ത്ത​പ​ക്ഷം, ന്യാ​യ​മാ​യ കാ​ര്യ​ങ്ങ​ൾ പ​റ​യു​മ്പോ​ൾ മാ​ന​സി​ക പ്ര​ശ്ന​മാ​ണ് എ​ന്നു പ​റ​ഞ്ഞ് മാ​ന​സി​കാ​രോ​ഗ്യ കേ​ന്ദ്ര​ത്തി​ൽ പൂ​ട്ടും. അ​ത്ത​ര​ത്തി​ൽ സ​മ​രം ചെ​യ്ത "റി​യാ​ക്ടേ​ഴ്സ്" പ്ര​മോ​ദ് എ​ന്ന രാ​ഷ്ട്രീ​യ പ്ര​വ​ർ​ത്ത​ക​നെ കു​തി​ര​വ​ട്ട​ത്തേ​ക്ക് മാ​റ്റു​ക​യും ചെ​യ്തി​രു​ന്നു. ക​ടു​ത്ത വി​ഷാ​ദ​ത്തി​ലാ​ണ്ട ഞാ​ൻ ഗ്ലാ​സും പ്ലേ​റ്റും വ​രെ വ​ലി​ച്ചെ​റി​ഞ്ഞി​രു​ന്നു. പൊ​ടു​ന്ന​നെ​യു​ള്ള മ​രു​ന്നു നി​ർ​ത്ത​ൽ ശ​രി​ക്കും ബാ​ധി​ച്ചു. രാ​ഷ്ട്രീ​യ​ബോ​ധ്യ​വും താ​ഹ​യെ പോ​ലെ അ​ത്ര​മേ​ൽ മ​ന​സ്സി​ലാ​ക്കി കൂ​ടെ​നി​ൽ​ക്കു​ന്ന ഒ​രു സു​ഹൃ​ത്തും മ​റ്റു സ​ഹ​ത​ട​വു​കാ​രും ഇ​ല്ലാ​യി​രു​ന്നെ​ങ്കി​ൽ നി​ശ്ച​യ​മാ​യും ഞാ​ൻ ആ​ത്മ​ഹ​ത്യ ചെ​യ്​​തേ​നെ.

ജ​യി​ലി​ന് പു​റ​ത്ത് ഇ​റ​ങ്ങി​യ​ശേ​ഷ​വും നേ​രി​ടേ​ണ്ടി വ​ന്ന​ത് ഭീ​ക​ര​മാ​യ ഒ​റ്റ​പ്പെ​ട​ലും അ​ര​ക്ഷി​താ​വ​സ്ഥ​യു​മാ​യി​രു​ന്നു. മാ​ന​സി​ക സം​ഘ​ർ​ഷ​ങ്ങ​ൾ മ​റി​ക​ട​ന്നാ​ലും മു​ൻ​വി​ധി​ക​ൾ മൂ​ലം നേ​രി​ടേ​ണ്ടി വ​ന്ന വി​ല​യി​രു​ത്ത​ലു​ക​ളും ഒ​രു​പാ​ട് ഉ​ണ്ടാ​യി​ട്ടു​ണ്ട്. കേ​വ​ലം വ്യ​ക്തി​പ​ര​മാ​യ പ്ര​ശ്​​ന​മ​ല്ലെ​ന്നും അ​ത് ഒ​രു​പാ​ട് മ​നു​ഷ്യ​ർ നേ​രി​ടു​ന്ന ഒ​രു വേ​ട്ട​യു​ടെ ഭാ​ഗം മാ​ത്ര​മാ​ണ് എ​ന്ന രാ​ഷ്ട്രീ​യ ബോ​ധ്യം​കൊ​ണ്ടാ​ണ് അ​തി​നെ മ​റി​ക​ട​ന്ന​തും ഇ​പ്പോ​ഴും ജീ​വി​ച്ചി​രി​ക്കു​ന്ന​തും. പ​ക്ഷേ, ഇ​ത്ത​ര​ത്തി​ൽ സാ​മൂ​ഹി​ക, രാ​ഷ്ട്രീ​യ പി​ന്തു​ണ ഇ​ല്ലാ​ത്ത മ​നു​ഷ്യ​ർ എ​ന്തു ചെ​യ്യും എ​ന്ന ചോ​ദ്യം ഇ​പ്പോ​ഴും മ​ന​സ്സി​ൽ കൊ​ളു​ത്തി​വ​ലി​ക്കു​ന്നു. ജ​യി​ലി​ന് അ​ക​ത്തും പു​റ​ത്തും മ​നു​ഷ്യ​ർ നേ​രി​ടു​ന്ന മാ​ന​സി​ക പ്ര​യാ​സ​ങ്ങ​ൾ കേ​വ​ലം വ്യ​ക്തി​പ​ര​മാ​യ കാ​ര​ണ​ങ്ങ​ൾ​കൊ​ണ്ട് മാ​ത്ര​മ​ല്ല, മ​റി​ച്ച് സാ​മൂ​ഹി​ക​വും രാ​ഷ്ട്രീ​യ​വും സാ​മ്പ​ത്തി​ക​വു​മാ​യ മാ​ന​ങ്ങ​ളു​ണ്ട്. അ​ത് മ​ന​സ്സി​ലാ​ക്കാ​നും പ​രി​ഹ​രി​ക്കാ​നും ന​മു​ക്ക് ആ​വും​വി​ധം പോ​രാ​ടു​ന്ന​തി​നൊ​പ്പം, മാ​ന​സി​ക പ്ര​യാ​സം നേ​രി​ടു​ന്ന​വ​രെ കേ​ൾ​ക്കാ​നും ക​രു​ണ​യോ​ടെ പെ​രു​മാ​റാ​നും ക​ഴി​യ​ട്ടെ എ​ന്നും ജ​യി​ലി​ലെ അ​വ​സ്ഥ അ​ധി​കൃ​ത​ർ പ​രി​ഹ​രി​ക്കാ​ൻ ശ്ര​മി​ക്കു​മെ​ന്നും ആ​ശി​ക്കു​ന്നു.

ഈ ​പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ കു​റ​ച്ചു നി​ർ​ദേ​ശ​ങ്ങ​ൾ:

1. വ​ർ​ഷ​ങ്ങ​ളോ​ളം ഒ​രു മ​നു​ഷ്യ​നെ ജ​യി​ൽ​സം​വി​ധാ​ന​ത്തി​ന് അ​ക​ത്ത് നി​ർ​ത്തി​യി​ട്ടും എ​ത്ര​ത്തോ​ളം പ​രി​ഷ്ക​രി​ക്കു​ന്നു​ണ്ട് എ​ന്ന ഗൗ​ര​വ​മാ​യ പ​ഠ​നം ജ​യി​ൽ വ​കു​പ്പും സ​ർ​ക്കാ​റും ന​ട​ത്തേ​ണ്ട​തു​ണ്ട്. കൂ​ടാ​തെ, നി​ല​വി​ലെ നി​യ​മ​ങ്ങ​ൾ അ​നു​യോ​ജ്യ​മാ​യ രീ​തി​യി​ൽ പ​രി​ഷ്ക്ക​രി​ക്ക​ണം. പ​രി​ഷ്​​ക​ര​ണ സി​ദ്ധാ​ന്തം ത​ന്നെ എ​ത്ര​ത്തോ​ളം പ്രാ​യോ​ഗി​ക​മാ​ണെ​ന്ന് പ​ഠി​ക്കേ​ണ്ട​തു​ണ്ട്.

2. ജ​യി​ലി​ന​ക​ത്തെ ഭൗ​തി​ക സാ​ഹ​ച​ര്യ​ങ്ങ​ൾ മാ​റ്റേ​ണ്ട​തു​ണ്ട്. ഭ​ക്ഷ​ണം, കി​ട​പ്പാ​ടം, ക​ക്കൂ​സ് തു​ട​ങ്ങി​യ​വ കൂ​ടു​ത​ൽ സൗ​ക​ര്യ​ങ്ങ​ളോ​ടെ​യും വൃ​ത്തി​യോ​ടെ​യും ക്ര​മീ​ക​രി​ക്ക​ണം.

3. മാ​ന​സി​ക പ്ര​യാ​സ​ങ്ങ​ൾ നേ​രി​ടു​ന്ന​വ​രു​ടെ ചി​കി​ത്സ​ക്കാ​യി കൂ​ടു​ത​ൽ മാ​ന​സി​കാ​രോ​ഗ്യ വി​ദ​ഗ്ധ​രെ നി​യ​മി​ക്ക​ണം. ത​ട​വു​കാ​രു​ടെ മാ​ത്ര​മ​ല്ല, ഉ​ദ്യോ​ഗ​സ്ഥ​രു​ടെ മാ​ന​സി​കാ​രോ​ഗ്യ​ത്തി​ലും ശ്ര​ദ്ധ​ചെ​ലു​ത്തേ​ണ്ട​തു​ണ്ട്. ഉ​ദ്യോ​ഗ​സ്ഥ​രു​ടെ ത​ട​വു​കാ​രോ​ടു​ള്ള പെ​രു​മാ​റ്റം മാ​റ്റേ​ണ്ട​തു​ണ്ട്. അ​തി​നാ​യി ബോ​ധ​വ​ത്​​ക​ര​ണ​മൊ​രു​ക്ക​ണം.

4. മ​തം, വം​ശം, ജാ​തി, വ​ർ​ണം, ലിം​ഗ​പ​ര​മാ​യ വി​വേ​ച​ന​ങ്ങ​ൾ​ക്കെ​തി​രെ ശ​ക്ത​മാ​യ നി​ല​പാ​ട് സ്വീ​ക​രി​ക്കു​ക. ആ​ദി​വാ​സി, ദ​ലി​ത്, മു​സ്‌​ലിം പി​ന്നാ​ക്ക വി​ഭാ​ഗ​ങ്ങ​ളി​ൽ​പ്പെ​ട്ട ത​ട​വു​കാ​ർ​ക്കെ​തി​രാ​യു​ള്ള വി​വേ​ച​ന​ങ്ങ​ൾ അ​വ​സാ​നി​പ്പി​ക്കു​ക​യും ഭ​ര​ണ​ഘ​ട​നാ​പ​ര​മാ​യ അ​വ​കാ​ശ​ങ്ങ​ൾ ഉ​റ​പ്പു​വ​രു​ത്തു​ക​യും ചെ​യ്യു​ക.

5. ജ​യി​ൽ നി​യ​മ​ത്തി​ൽ രാ​ഷ്ട്രീ​യ ത​ട​വു​കാ​ർ​ക്ക് പ്ര​ത്യേ​ക പ​ദ​വി (Legal Status)ന​ൽ​കു​ക

(നി​യ​മ​വി​ദ്യാ​ർ​ഥി​യും പൗ​രാ​വ​കാ​ശ പ്ര​വ​ർ​ത്ത​ക​നു​മാ​ണ്​ ലേ​ഖ​ക​ൻ)

allanshuaib473@gmail.com