ഭക്ഷണവുമായി ബന്ധപ്പെട്ട വിഡിയോകൾക്ക് സമൂഹമാധ്യമങ്ങളിൽ വലിയ റീച്ച് ലഭിക്കാറുണ്ട്. എന്നാൽ പതിവ് ശൈലികളിൽ നിന്ന് വ്യത്യസ്തമായി ഭക്ഷണം കഴിക്കുന്നതിന് മുൻപുള്ള വിഡിയോയാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്.
ജാപ്പനീസ് റെസ്റ്റോറന്റിൽ നിന്നുള്ള വിഡിയോയാണിത്. പന്ത്രണ്ട് സെക്കന്‍ഡ് ദൈർഘ്യമേയുള്ളൂ വിഡിയോക്ക്. മേശപ്പുറത്ത് വെച്ച പ്ലേറ്റിൽ നിന്ന് ഒരാൾ ചോപ്സ്റ്റിക് ഉപയോഗിച്ച് ഭക്ഷണം കഴിക്കാന്‍ ശ്രമിക്കുന്നതാണ് ദൃശ്യം. എന്നാൽ പ്ലേറ്റിലെ മത്സ്യത്തെ ചോപ്പ് സ്റ്റിക്ക് കൊണ്ട് പിടിക്കാൻ ശ്രമിക്കുമ്പോൾ മത്സ്യം വാ തുറന്ന് ചോപ്സ്റ്റിക് അകത്താക്കാൻ ശ്രമിക്കുന്നതാണ് വിഡിയോ.
വിഡിയോ കാണാം
റാഷിദ് അൽസുവൈദി ഇന്‍സ്റ്റാഗ്രാം അക്കൗണ്ടിൽ പങ്കിട്ട വിഡിയോ ഇതിനോടകം തന്നെ ഒരു ലക്ഷത്തിലധികം പേർ കണ്ടിട്ടുണ്ട്. ഈ മത്സ്യത്തെ ജീവനോടെയാണോ കഴിക്കേണ്ടതെന്ന നിരവധി പേർ വിഡിയോക്ക് താഴെ സംശയമുന്നയിച്ചിട്ടുണ്ട്. അതേസമയം മനുഷ്യർ മറ്റ് ജീവികളോട് കാണിക്കുന്ന ക്രൂരതയാണ് വിഡിയോയിൽ കാണിക്കുന്നതെന്ന് ചിലർ അഭിപ്രായപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.