അബൂദബി: ഐ.പി.എൽ സീസണിലെ ആദ്യ ജയം തേടി ഡൽഹി കാപ്പിറ്റൽസിനെ നേരിടാനിറങ്ങിയ സൺറൈസേഴ്സ് ഹൈദരബാദിന് ഭേദപ്പെട്ട സ്േകാർ. 33 പന്തുകളിൽ നിന്നും 45 റൺസെടുത്ത ഡേവിഡ് വാർണറും 48 പന്തുകളിൽ നിന്നും 53 റൺസെടുത്ത ജോണി ബെയർസ്റ്റോയും ഹൈദരാബാദ് ഇന്നിങ്സിന് അടിത്തറയൊരുക്കിയത്. അവസാന ഓവറുകളിൽ 26 പന്തുകളിൽ നിന്നും 41 റൺസുമായി തിളങ്ങിയ കെയ്ൻ വില്യംസണാണ് ഹൈദരാബാദിന് ഭേദപ്പെട്ട സ്കോർ നൽകിയത്.
അവസാന ഓവറുകളിൽ റൺസ് വഴങ്ങുന്നതിൽ പിശുക്കുകാട്ടിയ ദക്ഷിണാഫ്രിക്കൻ പേസർ കാഗിസോ റബാദയാണ് സൺറൈസേഴ്സ് ഹൈദരാബാദിനെ മികച്ച സ്കോർ കുറിക്കുന്നതിൽ നിന്നും തടുത്തുനിർത്തിയത്. നാലോവറിൽ 22 റൺസ് മാത്രം വിട്ടുകൊടുത്ത റബാദ രണ്ടുവിക്കറ്റും വീഴ്ത്തി. ക്രീസിൽ ഉറച്ചുനിന്ന ബെയർസ്റ്റോക്ക് അവസാന ഓവറുകളിൽ തകർത്തടിക്കാൻ കഴിയാതിരുന്നതും ഹൈദരാബാദിന് വിനയായി.
സ്കോർ: ഹൈദരാബാദ് 162/4
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.