ഷാർജ: ഞൊടിയിടയിൽ എല്ലാം കഴിഞ്ഞു. ദാ പോയി, ദേ വന്നു മോഡലിൽ ഒരു ക്യാച്ച്. ട്വന്റി 20 ലോകകപ്പിൽ പാകിസ്താനെതിരായ മത്സരത്തിൽ ന്യൂസീലൻഡ് താരം ഡെവോൺ കോൺവെ എടുത്ത തകർപ്പൻ ക്യാച്ചാണ് ഇപ്പോൾ സമൂഹമാധ്യമങ്ങളിൽ തകർത്തോടുന്നത്.
സൂപ്പർ 12 പോരാട്ടത്തിലായിരുന്നു കണ്ണടച്ച് തുറക്കും മുമ്പുള്ള കോൺവേയുടെ കിടിലൻ ക്യാച്ച്. ആദ്യം ബാറ്റ് ചെയ്ത ന്യൂസീലൻഡ് എട്ടുവിക്കറ്റ് നഷ്ടത്തിൽ 134 റൺസെടുത്തു. മറുപടി ബാറ്റിങ്ങിനിറങ്ങിയ പാകിസ്താൻ മികച്ച സ്കോറിലേക്ക് കുതിക്കുമ്പോഴായിരുന്നു കോൺവേയുടെ 'മിന്നൽ സർവീസ്'.
മുഹമ്മദ് ഹഫീസിന്റെ അതിർത്തി കടക്കുമെന്നുറപ്പിച്ച ഷോട്ട് പറന്നുയർന്ന് കോൺവേ അവിശ്വസനീയമായി കൈയിലൊതുക്കുകയായിരുന്നു. മത്സരത്തിലെ 11-ാം ഓവറിലെ അവസാന പന്തായിരുന്നു അത്. മിച്ചൽ സാന്റ്നർ ആയിരുന്നു ബോളർ. 11 റൺസെടുത്ത് ഹഫീസ് മടങ്ങുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.