എട മോനെ.... ഡി.കെ !

ബംഗളൂരു: ക​ർ​ണാ​ട​ക​യി​ൽ ഡി.​കെ​മാ​ർ​ക്കി​പ്പോ​ൾ ന​ല്ല കാ​ല​മാ​ണ്. രാ​ഷ്ട്രീ​യ​ത്തി​ൽ ‘ട്ര​ബി​ൾ ഷൂ​ട്ട​ർ’ ഡി.​കെ. ശി​വ​കു​മാ​റാ​ണെ​ങ്കി​ൽ ക്രി​ക്ക​റ്റ് മൈ​താ​ന​ത്ത് അ​ത് ആ​ർ.​സി.​ബി​യു​ടെ ദി​നേ​ശ് കാ​ർ​ത്തി​കാ​ണ്. ഐ.​പി.​എ​ല്ലി​ന്റെ ഈ ​സീ​സ​ണോ​ടെ ക​ളി മ​തി​യാ​ക്കു​മെ​ന്ന് പ്ര​ഖ്യാ​പി​ച്ചി​രു​ന്നു ദി​നേ​ശ് കാ​ർ​ത്തി​ക്. എ​ന്നാ​ൽ, തേ​ച്ചു​തേ​ച്ചു മി​നു​ക്കി​യ വ​ജ്രം പോ​ലെ ക​രി​യ​റി​ന്റെ അ​വ​സാ​ന​ത്തി​ലെ മി​ന്നും പ്ര​ക​ട​നം ക​ണ്ട്, ഡി.​കെ​യെ ട്വ​ന്റി20 ലോ​ക​ക​പ്പ് ടീ​മി​ൽ ഉ​ൾ​പ്പെ​ടു​ത്ത​ണ​മെ​ന്ന മു​റ​വി​ളി​യു​മാ​യി ആ​രാ​ധ​ക​ർ രം​ഗ​ത്തു​വ​ന്നു​വെ​ന്ന​താ​ണ് ശ്ര​ദ്ധേ​യം.

ചി​ന്ന​സ്വാ​മി സ്റ്റേ​ഡി​യ​ത്തി​ൽ തി​ങ്ക​ളാ​ഴ്ച​പ്പൂ​ര​മാ​യി​രു​ന്നു റോ​യ​ൽ ച​ല​ഞ്ചേ​ഴ്സ് ബം​ഗ​ളൂ​രു​വും സ​ൺ​റൈ​സേ​ഴ്സ് ഹൈ​ദ​രാ​ബാ​ദും ത​മ്മി​ലെ ഐ.​പി.​എ​ൽ മ​ത്സ​രം. ഹൈ​ദ​രാ​ബാ​ദ് നി​ര​യി​ൽ ബാ​റ്റെ​ടു​ത്ത​വ​രെ​ല്ലാം വെ​ളി​ച്ച​പ്പാ​ടാ​യ​പ്പോ​ൾ പി​റ​ന്ന​ത് പ​ടു​കൂ​റ്റ​ൻ സ്കോ​ർ. പ്ര​തീ​ക്ഷ​യോ​ടെ തി​രി​ച്ച​ടി​ച്ച വി​രാ​ട് കോ​ഹ്‍ലി​യും ഡു​പ്ല​സി​സും മ​ട​ങ്ങി​യ​തി​ന് പി​ന്നാ​ലെ മൂ​ന്നു വി​ക്ക​റ്റു​ക​ൾ തു​ട​രെ വീ​ണു. വ​മ്പ​ൻ തോ​ൽ​വി പ്ര​തീ​ക്ഷി​ച്ചി​രു​ന്ന കാ​ണി​ക​ളെ സാ​ക്ഷി​യാ​ക്കി ഡി.​കെ​യു​ടെ വി​ള​യാ​ട്ട​മാ​യി​രു​ന്നു പി​ന്നീ​ട്.

ആ​റാ​മ​നാ​യി​റ​ങ്ങി 35 പ​ന്തി​ൽ 83 റ​ൺ​സു​മാ​യി ടീ​മി​നെ റെ​ക്കോ​ഡി​ലേ​ക്ക് ന​യി​ച്ച് അ​യാ​ൾ പ​വി​ലി​യ​നി​ലേ​ക്ക് തി​രി​ച്ചു​ന​ട​ക്കു​മ്പോ​ൾ സ്റ്റേ​ഡി​യം മു​ഴു​വ​ൻ എ​ഴു​ന്നേ​റ്റു​നി​ന്ന് കൈ​യ​ടി​ക്കു​ക​യാ​യി​രു​ന്നു. തോ​റ്റു​പോ​യ പോ​രാ​ളി​യാ​യി​ട്ടും വീ​ര​പ​രി​വേ​ഷ​ത്തി​ൽ ക്രി​ക്ക​റ്റ് ആ​രാ​ധ​ക​രു​ടെ മ​ന​സ്സി​ൽ ഒ​റ്റ​രാ​ത്രി​കൊ​ണ്ട് ഇ​ടം​പി​ടി​ച്ചു, ഈ 38 ​കാ​ര​ൻ. അ​ഞ്ചു ഫോ​റും ഏ​ഴു സി​ക്സും ഉ​ൾ​പ്പെ​ട്ട ഇ​ന്നി​ങ്സി​നി​ട​യി​ൽ ഈ ​ഐ.​പി​എ​ല്ലി​ലെ എ​റ്റ​വും നീ​ള​മേ​റി​യ സി​ക്സും ഡി.​കെ തൂ​ക്കി.

പ​തി​നാ​റാം ഓ​വ​റി​ൽ പേ​സ് ബൗ​ള​ർ ന​ട​രാ​ജ​ൻ എ​റി​ഞ്ഞ ആ​ദ്യ പ​ന്ത് ദി​നേ​ശ് കാ​ർ​ത്തി​ക് സ്റ്റേ​ഡി​യ​ത്തി​ന്റെ മേ​ൽ​ക്കൂ​ര​യി​ലെ​ത്തി​ക്കു​മ്പോ​ൾ 108 മീ​റ്റ​ർ താ​ണ്ടി​യി​രു​ന്നു. സം​ഭ​വ​ബ​ഹു​ല​മാ​യ ജീ​വി​ത​മാ​ണ് ചെ​ന്നൈ സ്വ​ദേ​ശി​യാ​യ ദി​നേ​ശ് കാ​ർ​ത്തി​കി​ന്റേ​ത്. സ​ഹ​താ​രം മു​ര​ളി വി​ജ​യു​മാ​യി ത്രി​കോ​ണ പ്ര​ണ​യ​ത്തി​ലാ​യ ആ​ദ്യ ഭാ​ര്യ​യി​ൽ​നി​ന്ന് വി​വാ​ഹ​മോ​ച​നം തേ​ടി മ​ല​യാ​ളി​യാ​യ അ​ന്താ​രാ​ഷ്ട്ര സ്ക്വാ​ഷ് താ​രം ദീ​പി​ക പ​ള്ളി​ക്ക​ലി​നെ ജീ​വി​ത​സ​ഖി​യാ​ക്കി.

അ​ന്താ​രാ​ഷ്ട്ര ക​രി​യ​ർ ഏ​റ​ക്കു​റെ അ​വ​സാ​നി​പ്പി​ച്ച മ​ട്ടി​ലാ​യി​രു​ന്ന ഡി.​കെ, ഇം​ഗ്ല​ണ്ടി​നെ​തി​രാ​യ ഇ​ന്ത്യ​യു​ടെ ടെ​സ്റ്റ് പ​ര​മ്പ​ര​യി​ൽ ക​മ​ന്റേ​റ്റ​റാ​യി​രു​ന്നു. പി​ന്നീ​ട് മും​ബൈ​യി​ൽ ഡി.​വൈ. പാ​ട്ടീ​ൽ ട്വ​ന്റി20 ക​പ്പി​ൽ മി​ക​ച്ച പ്ര​ക​ട​നം ന​ട​ത്തി ആ​ർ.​സി.​ബി​ക്കാ​യി പാ​ഡ​ണി​യാ​നെ​ത്തി.

ഐ.​പി.​എ​ല്ലി​ന്റെ ഈ ​സീ​സ​ണി​ൽ ഹൈ​ദ​രാ​ബാ​ദി​നെ​തി​രെ മാ​ത്ര​മ​ല്ല, ഡി.​കെ മി​ക​ച്ച പ്ര​ക​ട​നം ന​ട​ത്തി​യ​ത്. ഇ​തു​വ​രെ ആ​റു മ​ത്സ​ര​ങ്ങ​ളി​ൽ​നി​ന്നാ​യി 226 റ​ൺ​സ് സ്കോ​ർ ചെ​യ്തു ക​ഴി​ഞ്ഞു. ശ​രാ​ശ​രി​യു​ടെ ക​ണ​ക്കെ​ടു​ത്താ​ൽ വി​രാ​ട് കോ​ഹ്‍ലി​ക്കും മേ​ലെ. കോ​ഹ്‍ലി​യു​ടെ റ​ൺ ശ​രാ​ശ​രി 72.2 ആ​ണെ​ങ്കി​ൽ ഡി.​കെ​യു​ടേ​ത് 75.33. സ്ട്രൈ​ക്ക് റേ​റ്റ് 205.45! ഒ​രാ​ഴ്ച മു​മ്പ് വാം​ഖ​ഡെ​യി​ൽ മും​ബൈ​ക്കെ​തി​രെ 23 പ​ന്തി​ൽ 53 റ​ൺ​സെ​ടു​ത്ത ഡി.​കെ​യു​ടെ പ്ര​ക​ട​നം ക​ണ്ട് രോ​ഹി​ത് ശ​ർ​മ പ​റ​ഞ്ഞ ക​മ​ന്റ് സ്റ്റ​മ്പ് മൈ​ക്ക് പി​ടി​ച്ചെ​ടു​ത്തി​രു​ന്നു.

ഡി.​കെ​യു​ടെ മ​ന​സ്സു​നി​റ​യെ ട്വ​ന്റി20 ലോ​ക​ക​പ്പാ​ണെ​ന്നും ടീ​മി​ലി​ടം പി​ടി​ക്കാ​നു​ള്ള പ്ര​ക​ട​ന​മാ​ണെ​ന്നു​മാ​യി​രു​ന്നു രോ​ഹി​തി​ന്റെ ക​മ​ന്റ്. ലോ​ക​ക​പ്പ് ടീ​മി​ലെ​ത്താ​നു​ള്ള വി​ക്ക​റ്റ് കീ​പ്പ​ർ​മാ​രു​ടെ പ്ര​ക​ട​ന നി​ര​യി​ലേ​ക്ക് ഋ​ഷ​ഭ് പ​ന്ത്, സ​ഞ്ജു സാം​സ​ൺ, കെ.​എ​ൽ. രാ​ഹു​ൽ, ഇ​ഷാ​ൻ കി​ഷ​ൻ എ​ന്നി​വ​ർ​ക്കൊ​പ്പം 38കാ​ര​ൻ ദി​നേ​ശ് കാ​ർ​ത്തി​കും ചേ​രു​ന്നു​വെ​ന്ന​താ​ണ് കൗ​തു​കം.

റെക്കോഡ് മഴ

• സ​ൺ റൈ​സേ​ഴ്സ് ഹൈ​ദ​രാ​ബാ​ദ്-​റോ​യ​ൽ ച​ല​ഞ്ചേ​ഴ്സ് ബം​ഗ​ളൂ​രു മ​ത്സ​ര​ത്തി​ൽ പി​റ​ന്ന റെ​ക്കോ​ഡു​ക​ൾ
• 287: ഹൈ​ദ​രാ​ബാ​ദ് നേ​ടി​യ​ത് ഐ.​പി.​എ​ല്ലി​ലെ ഉ​യ​ർ​ന്ന ടീം ​ടോ​ട്ട​ൽ
• 549: ട്വ​ന്റി20 ക്രി​ക്ക​റ്റ് ച​രി​ത്ര​ത്തി​ൽ ഏ​റ്റ​വു​മ​ധി​കം റ​ൺ​സ് പി​റ​ന്ന മ​ത്സ​രം
• 22: ഐ.​പി.​എ​ൽ ഇ​ന്നി​ങ്സി​ലെ ഏ​റ്റ​വു​മ​ധി​കം സി​ക്സ് നേ​ടി ഹൈ​ദ​രാ​ബാ​ദ്
• 38: ഏ​റ്റ​വു​മ​ധി​കം സി​ക്സു​ക​ൾ പി​റ​ന്ന ട്വ​ന്റി20 മ​ത്സ​രം
• 81: ട്വ​ന്റി20​യി​ൽ ഏ​റ്റ​വു​മ​ധി​കം ബൗ​ണ്ട​റി​ക​ൾ (38 സി​ക്സ്, 43 ഫോ​ർ)