ഹൈദരാബാദ്: ഐ.പി.എല്ലിൽ ലഖ്നോ സൂപ്പർ ജയന്‍റ്സിനെതിരെ സൺറൈസേഴ്സ് ഹൈദരാബാദിന് 166 റൺസ് വിജയലക്ഷ്യം. ടോസ് നേടി ബാറ്റിങ്ങിനിറങ്ങിയ ലഖ്നോ 20 ഓവറിൽ നാലു വിക്കറ്റ് നഷ്ടത്തിൽ 165 റൺസെടുത്തു.
ആയുഷ് ബദോനിയുടെ അർധ സെഞ്ച്വറിയാണ് ലഖ്നോവിനെ പൊരുതാനുള്ള സ്കോറിലെത്തിച്ചത്. 30 പന്തിൽ ഒമ്പത് ഫോറടക്കം 55 റൺസെടുത്ത് താരം പുറത്താകാതെ നിന്നു. നികോളാസ് പൂരൻ (26 പന്തിൽ 48*) മികച്ച പിന്തുണ നൽകി. ഇരുവരും അഞ്ചാം വിക്കറ്റിൽ നേടിയ അപരാജിത 99 റൺസ് കൂട്ടുകെട്ടാണ് ടീമിന്‍റെ അടിത്തറ.
നായകൻ കെ.എൽ. രാഹുൽ (33 പന്തിൽ 29), ക്വിന്‍റൺ ഡികോക്ക് (അഞ്ചു പന്തിൽ രണ്ട്), മാർകസ് സ്റ്റോയിനിസ് (അഞ്ചു പന്തിൽ മൂന്ന്), ക്രുണാൽ പാണ്ഡ്യ (21 പന്തിൽ 24) എന്നിവരാണ് പുറത്തായ താരങ്ങൾ. ഹൈദരാബാദിനായി ഭുവനേശ്വർ കുമാർ രണ്ടും പാറ്റ് കമ്മിൻസ് ഒരു വിക്കറ്റും നേടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.