ഐ.പി.എല്ലിലെ 50-ാം മത്സരത്തില്‍ സണ്‍റൈസേഴ്‌സ് ഹൈദരാബാദിനെതിരെ രാജസ്ഥാന് റോയല്‍സിന് 202 റൺസ് വിജയലക്ഷ്യം. ട്രാവിസ് ഹെഡിന്റെയും നിതിഷ് റെഡ്ഡിയുടെയും അർധ സെഞ്ച്വറികളാണ് ഹൈദരാബാദിന് മികച്ച സ്കോർ സമ്മാനിച്ചത്. ടോസ് നേടിയ ഹൈദരാബാദ് നായകന്‍ പാറ്റ് കമ്മിന്‍സ് ആദ്യം ബാറ്റ് ചെയ്യാന്‍ തീരുമാനിക്കുകയായിരുന്നു.
42 പന്തുകളിൽ എട്ട് കൂറ്റൻ സിക്സറുകളും മൂന്ന് ബൗണ്ടറികളുമടക്കം നിതിഷ് റെഡ്ഡി 76 റൺസെടുത്തു. 44 പന്തുകളിൽ 58 റൺസെടുത്ത ട്രാവിസ് ഹെഡ് ആറ് ബൗണ്ടറികളും മൂന്ന് സിക്സറുമടിച്ചു. അവസാന ഓവറുകളിൽ ഹെൻ റിച്ച് ക്ലാസൻ നടത്തിയ വെടിക്കെട്ട് ബാറ്റിങ്ങായിരുന്നു സ്കോർ 200 കടത്തിയത്. 19 പന്തുകളിൽ 42 റൺസ് നേടിയ താരം മൂന്ന് വീതം സിക്സും ഫോറുമടിച്ചു.
ഒമ്പത് മത്സരങ്ങളിൽ എട്ടിലും ജയിച്ച രാജസ്ഥാന് ഇന്ന് ജയിക്കാനായാല്‍ പ്ലേ ഓഫില്‍ സീറ്റുറപ്പിക്കാനായേക്കും. പോയിന്റ് പട്ടികയില്‍ ഒന്നാമതാണ് രാജസ്ഥാൻ. അതേസമയം ഹൈദരാബാദ് ഒമ്പത് മത്സരങ്ങളിൽ അഞ്ച് ജയവുമായി 10 പോയിന്റോടെ അഞ്ചാം സ്ഥാനത്താണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.