ലണ്ടൻ: രാജസ്ഥാൻ റോയൽസിന് തിരിച്ചടി നൽകി ജോഫ്ര ആർച്ചർ ഐ.പി.എല്ലിന്‍റെ 14ാം സീസണിൽ കളിക്കില്ല. ഇ.സി.ബിയാണ് ഇക്കാര്യം അറിയിച്ചത്. സസ്ക്സ് മെഡിക്കൽ ടീം ആർച്ചറിന്‍റെ ആരോഗ്യസ്ഥിതി സസൂക്ഷ്മം നിരീക്ഷിക്കുന്നുണ്ടെന്നാണ് റിപ്പോർട്ട്.
കൈമുട്ടിനേറ്റ പരിക്കിനെ തുടർന്ന് ആർച്ചറിന് ഐ.പി.എല്ലിലെ ആദ്യ മത്സരങ്ങൾ നഷ്ടമായിരുന്നു. അടുത്തയാഴ്ചയോടെ ആർച്ചർ സസ്ക്സിൽ പരിശീലനം ആരംഭിക്കും. അതിന് ശേഷം രണ്ടാഴ്ചയെങ്കിലും കഴിഞ്ഞാൽ മാത്രമേ ആർച്ചറിന് ൈമതാനത്തേക്ക് മടങ്ങിയെത്താൻ സാധിക്കുവെന്നാണ് ഇ.സി.ബി വ്യക്തമാക്കുന്നത്. ജനുവരിയിൽ ഇന്ത്യ പര്യടനത്തിന് തൊട്ട് മുമ്പ് വീട് വൃത്തിയാക്കുന്നതിനിടെയാണ് ആർച്ചറിന്‍റെ കൈക്ക് പരിക്കേറ്റത്.
ആർച്ചറിനെ സീസണിന്‍റെ അവസാന മത്സരങ്ങളിലേക്കെങ്കിലും ലഭ്യമാകുമെന്നായിരുന്നു രാജസ്ഥാൻ റോയൽസിന്‍റെ പ്രതീക്ഷ. ആർച്ചറിന് കളിക്കാനാവില്ലെന്ന് ടീമിന് കനത്ത നഷ്ടമാണെന്ന് രാജസ്ഥാൻ റോയൽസ് ടീം ഡയറക്ടർ കുമാർ സംഗക്കാര പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.