ലണ്ടൻ: ജൂണിൽ തുടങ്ങുന്ന ട്വന്റി 20 ലോകകപ്പിൽ ഇംഗ്ലണ്ട് ടീമിനെ ജോസ് ബട്‍ലർ നയിക്കും. കൈമുട്ടിലെ പരിക്ക് കാരണം ദീർഘകാലമായി പുറത്തിരുന്ന പേസർ ജോഫ്ര ആർച്ചർ 15 അംഗ ടീമിൽ ഇടംപിടിച്ചു. 2021ന് ശേഷം ആദ്യമായാണ് ആർച്ചർ ടീമിലെത്തുന്നത്. ഇന്ത്യക്കെതിരായ ടെസ്റ്റ് പരമ്പരയിൽ മികച്ച പ്രകടനം പുറത്തെടുത്ത സ്പിന്നർ ടോം ഹാർട്ട്‍ലിയും സ്ക്വാഡിലുണ്ട്. ലോകകപ്പ് നേടിയ ട്വന്റി 20, ഏകദിന ടീമുകളിൽ അംഗമായിരുന്ന ആൾറൗണ്ടർ ക്രിസ് വോക്സ്, ബാറ്റർ ഡേവിഡ് മലാൻ എന്നിവർ പുറത്തായി. ജൂൺ നാലിന് ബർബദോസിൽ സ്കോട്ട്‍ലൻഡിനെതിരെയാണ് ഇംഗ്ലീഷുകാരുടെ ആദ്യ അങ്കം.
ലോകകപ്പിനുള്ള ഇംഗ്ലണ്ട് ടീം: ജോസ് ബട്‍ലർ (ക്യാപ്റ്റൻ), മൊയീൻ അലി, ജോഫ്ര ആർച്ചർ, ജൊനാഥൻ ബെയർസ്റ്റോ, ഹാരി ബ്രൂക്, സാം കറൺ, ബെൻ ഡക്കറ്റ്, ടോം ഹാർട്ട്‍ലി, വിൽ ജാക്സ്, ക്രിസ് ജോർദാൻ, ലിയാം ലിവിങ്സ്റ്റൺ, ആദിൽ റാഷിദ്, ഫിൽ സാൾട്ട്, റീസ് ടോപ്‍ലി, മാർക് വുഡ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.