കൊൽക്കത്ത: യുവ പ്രതിരോധ ഭടൻ അൻവർ അലിയെ സ്വന്തമാക്കി മോഹൻബഗാൻ സൂപ്പർ ജയന്റ്സ്. ഈയിടെ സമാപിച്ച സാഫ് ഫുട്ബാളിലടക്കം ഇന്ത്യക്കുവേണ്ടി മിന്നുംപ്രകടനം നടത്തിയ 22കാരനെ ഐലീഗ് ക്ലബായ ഡൽഹി എഫ്.സി, ഐ.എസ്.എൽ കളിക്കാൻ എഫ്.സി ഗോവക്ക് വായ്പയിൽ നൽകിയിരിക്കുകയായിരുന്നു.
ഇവിടെനിന്നാണ് ഇത്തവണത്തെ ഐ.എസ്.എൽ ജേതാക്കൾ അൻവറിനെ റാഞ്ചിയത്. ‘പോരാളിയെത്തുന്നു’ എന്ന വിശേഷണത്തോടെ മോഹൻബഗാൻ താരത്തിന്റെ വരവ് പ്രഖ്യാപിച്ചു. ഹൃദയസംബന്ധമായ അസുഖം കാരണം അഖിലേന്ത്യ ഫുട്ബാൾ ഫെഡറേഷൻ വിലക്കിയ അൻവർ, നിയമയുദ്ധം നടത്തിയാണ് കളിക്കളത്തിൽ തിരിച്ചെത്തിയത്. 2021-22 സീസണിൽ ഡൽഹി എഫ്.സിക്കായി ഏഴു മത്സരങ്ങളിൽ നാലു ഗോളടിച്ച് ക്ലബിന്റെ ടോപ് സ്കോററായി ഡിഫൻഡർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.