ലണ്ടൻ: തുടരെ ഗോളുകളുമായി പിയറി എമറിക് ഒബാമയാങ് എന്ന സൂപർ താരം തിളങ്ങിയ മത്സരത്തിൽ ഗണ്ണേഴ്സിന് ജയം. ന്യൂകാസിലിനെതിരായ മത്സരമാണ് ഒബാമയെങ് മികവിൽ ആഴ്സണൽ പിടിച്ചത്. ഇതോടെ ആദ്യ 10ൽ ടീം തിരിച്ചെത്തി. രണ്ടാം പകുതിയുടെ തുടക്കത്തിലായിരുന്നു ഒബാമയെങ് ആദ്യ വെടി പൊട്ടിച്ചത്. 50ാം മിനിറ്റിൽ ന്യൂകാസിൽ ഗോളി കാൾ ഡാർലോയെ വീഴ്ത്തി ലക്ഷ്യം കണ്ട താരം 70ാം മിനിറ്റിൽ പിന്നെയും ലക്ഷ്യം കണ്ടു. അതിനിടെ സാകയിലൂടെ ലീഡുയർത്തിയിരുന്ന ഗണ്ണേഴ്സിന് വിജയം തിരിച്ചുവരവിൽ നിർണായകമാകും.
ആസ്റ്റൺ വില്ലയെ പിന്നിലാക്കി 10ാമതെത്തിയ ടീം നാലാമതുള്ള ലിവർപൂളുമായി ലീഡ് വ്യത്യാസം ഏഴായി ചുരുക്കി. ചാമ്പ്യൻസ് ലീഗ് യോഗ്യത ആദ്യ നാലു സ്ഥാനക്കാർക്കാണെന്നതിനാൽ പോരാട്ടം കനക്കും. ന്യൂകാസിൽ 15ാമതാണ്.
18 കളികളിൽ 37 പോയിൻറുമായി മാഞ്ചസ്റ്റർ യുനൈറ്റഡാണ് ഒന്നാമത്. രണ്ടു പോയിൻറ് കുറവുമായി സിറ്റിയും ലെസ്റ്ററും ഒപ്പമുണ്ട്. 34 പോയിൻറാണ് ലിവർപൂൾ സമ്പാദ്യം. തുടക്കത്തിൽ വിജയ പരമ്പരയുമായി കരുത്തരെ ഞെട്ടിച്ച എവർടൺ, ടോട്ടൻഹാം ഹോട്സ്പറിനു പിറകിൽ ആറാമതാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.