മ്യൂണിക്: ജർമൻ ഫുട്ബാളിൽ ബയേൺ മ്യൂണിക്കിന് പകരംവെക്കാൻ ഇക്കുറിയും മറ്റൊരു പേരില്ല. തുടർച്ചയായി പത്താം തവണയും കിരീടം ചൂടി ബവേറിയൻസ് ബുണ്ടസ് ലീഗയിൽ തങ്ങളുടെ ആധിപത്യം ഒന്നുകൂടി ഊട്ടിയുറപ്പിച്ചു. ഇതോടെ ടീമിന്‍റെ ബുണ്ടസ് ലീഗ ട്രോഫികളുടെ എണ്ണം 32ലെത്തി.
ലീഗിൽ മൂന്നു മത്സരങ്ങൾ ബാക്കി നിൽക്കെയാണ് 12 പോയിന്‍റിന്‍റെ ലീഡിൽ ബയേണിന്‍റെ വിജയഭേരി. ശനിയാഴ്ച രാത്രി നടന്ന മത്സരത്തിൽ പോയിന്‍റ് പട്ടികയിൽ രണ്ടാം സ്ഥാനത്തുള്ള ബൊറൂസിയ ഡോർട്ട്മുണ്ടിനെ 3-1ന് തോൽപിച്ചാണ് കിരീടം ഉറപ്പിച്ചത്. ടീമിനുവേണ്ടി സെർജ് നെബ്റി, റോബർട്ട് ലെവൻഡോസ്കി, ജമാൽ മുസിയാല എന്നിവർ വലകുലുക്കി. ഡോർട്ട്മുണ്ടിനുവേണ്ടി എംറെ ഖാൻ പെനാൽട്ടിയിലൂടെ ആശ്വാസ ഗോൾ നേടി.
31 മത്സരങ്ങളിൽനിന്നായി 75 പോയിന്‍റാണ് ബയേണിനുള്ളത്. രണ്ടാമതുള്ള ഡോർട്ട്മുണ്ടിന് 31 മത്സരങ്ങളിൽനിന്നായി 63 പോയിന്‍റും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.