ബുഡാപെസ്റ്റ്(ഹംഗറി): യുവേഫ നാഷൻസ് ലീഗിൽ ഇസ്രയേലിനോടും തോറ്റ് ബെൽജിയം. ബുഡാപെസ്റ്റിലെ ബോസിക് അരീനയിൽ നടന്ന മത്സരത്തിൽ ഏക പക്ഷീയമായ ഒരു ഗോളിനാണ് ബെൽജിയത്തിന്റെ തോൽവി. 86ാം മിനിറ്റിൽ മിഡ്ഫീൽഡർ യാർഡൻ ഷുവയാണ് ഇസ്രയേലിനായി വിജയഗോൾ നേടിയത്.
തോൽവി വഴങ്ങിയെങ്കിലും നാല് പോയിന്റുമായി ലീഗ് എ ഗ്രൂപ്പ് 2 വിൽ ഇസ്രയേലിന് മുന്നിൽ മൂന്നാമതാണ് ബെൽജിയം. ഇസ്രയേലിനും നാല് പോയിന്റുണ്ടെങ്കിലും ഗോൾ ശരാശരിയിൽ അവസാന സ്ഥാനത്തേക്ക് പിന്തള്ളപ്പെടുകയായിരുന്നു.
മറ്റൊരു മത്സരത്തിൽ അയർലാൻഡിനെ എതിരില്ലാത്ത അഞ്ച് ഗോളിന് ഇംഗ്ലണ്ട് തകർത്തു. ഹാരി കെയ്ൻ, ആന്റണി ഗോർഡൻ, കോണർ ഗാലങ്കർ, ജറോഡ് ബോവൻ, ടെയ്‍ലർ ബെല്ലിസ് എന്നിവരാണ് ഇംഗ്ലണ്ടിന് വേണ്ടി ഗോൾ നേടിയത്. ജയത്തോടെ ലീഗ് ബി ഗ്രൂപ് 2 വിൽ ഇംഗ്ലണ്ട് ഒന്നാതെത്തി. ഗ്രീസാണ് രണ്ടാമത്. ഫിൻലാൻഡിലെ ഗ്രീസ് എതിരില്ലാത്ത രണ്ട് ഗോളിന് കീഴടക്കി.
മറ്റൊരു മത്സരത്തിൽ എർലിങ് ഹാലൻഡിന്റെ ഹാട്രിക് മികവിൽ കസാഖിസ്താനെ എതിരില്ലാത്ത അഞ്ച് ഗോളിന് നോർവെ തകർത്തു (5-0).
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.