മാഞ്ചസ്റ്റർ സിറ്റിക്കായി ഇരട്ട ഗോൾ നേടിയ എർലിങ് ഹാലൻഡ്
ലണ്ടൻ: ചാമ്പ്യൻസ് ലീഗ് ഫുട്ബാളിൽ കരുത്തരായ റയൽ മഡ്രിഡ്, മാഞ്ചസ്റ്റർ സിറ്റി, ചെൽസി, ബൊറൂസിയ ഡോർട്ട്മുണ്ട്, യുവന്റസ് ടീമുകൾ ജയം സ്വന്തമാക്കിയപ്പോൾ പി.എസ്.ജി സമനില വഴങ്ങി.റയലും സിറ്റിയും തുടർച്ചയായ മൂന്നാം ജയമാണ് നേടിയത്. ഗ്രൂപ് ജിയിൽ എഫ്.സി കോപ്പൻഹേഗനെ 5-0ത്തിനാണ് സിറ്റി തകർത്തത്. എർലിങ് ഹാലൻഡ് രണ്ടു ഗോൾ നേടി.
ഡോർട്ട്മുണ്ട് 4-1ന് സെവിയ്യയെ മുക്കി. എഫ് ഗ്രൂപ്പിൽ റയൽ 2-1ന് ശാക്റ്റർ ഡൊണസ്കിനെ തോൽപിച്ചു. റോഡ്രിഗോയും വിനീഷ്യസുമായിരുന്നു സ്കോറർമാർ. ആർ.ബി ലൈപ്സിഷ് 3-1ന് സെൽറ്റികിനെ പരാജയപ്പെടുത്തി. ഗ്രൂപ് ഇയിൽ ചെൽസി 3-0ത്തിന് എ.സി മിലാനെ തുരത്തിയപ്പോൾ ആർ.ബി സാൽസ്ബർഗ് 1-0ത്തിന് ഡൈനാമോ സഗ്രിബിനെ തോൽപിച്ചു. എച്ച് ഗ്രൂപ്പിൽ ബെൻഫികയാണ് പി.എസ്.ജിയെ 1-1ന് തളച്ചത്. ലയണൽ മെസ്സി ഗോൾ നേടി. യുവന്റസ് 3-1ന് മകാബി ഹൈഫയെ തോൽപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.