കെപ്പ വീണ്ടും; ഷൂട്ടൗട്ടിൽ ജയിച്ച്​ ചെൽസി ക്വാർട്ടറിൽ

ലണ്ടൻ: കെപ്പ അരിസബലാഗ എന്ന സ്​പാനിഷ്​ ഗോൾ കീപ്പർ ചെൽസിക്ക്​ എത്രത്തോളം പ്രിയപെട്ട താരമാണെന്ന്​ ഒരിക്കൽ കൂടി സ്റ്റാംഫോർഡ്​ ബ്രിഡ്​ജ്​ അറിഞ്ഞു. മിന്നും സേവുകളുമായി നിറഞ്ഞ കെപ്പയുടെ മാസ്​മരികതയിൽ ചെൽസി ഇ.എഫ്​.എൽ കപ്പിൽ ക്വാർട്ടർ ഫൈനലിൽ പ്രവേശിച്ചു.

സതാംപ്​ടണിനെതിരായ മത്സരത്തിൽ 1-1ന് നിശ്ചിത സമയം​ ഒപ്പമെത്തിയപ്പോൾ ഷൂട്ടൗട്ടാണ്​ ചെൽസിയുടെ വിധി നിർണയിച്ചത്​. കായ്​ ഹാവെട്​സിന്‍റെ ഗോളിൽ 44ാം മിനിറ്റിൽ ചെൽസി മുന്നിലെത്തിയെങ്കിലും 47ാം മനിറ്റിൽ സതാംപ്​ടൺ തിരിച്ചടിച്ചു. സ്​ട്രൈക്കർ ചെ ആഡംസാണ്​ ഗോൾ നേടിയത്​.

മുൻ നിര താരങ്ങളെല്ലാം ഉണ്ടായിരുന്നിട്ടും പിന്നീട്​ ചെൽസിക്ക്​ തിരിച്ചടിക്കാനായില്ല. ഇതോടെ മത്സരം സമനിലയിലായി. ഷൂട്ടൗട്ടിൽ ചെൽസി ജയിക്കുകയും ചെയ്​തു.

ഷൂട്ടൗട്ടിൽ മാർകോ അലോൻസോ, കാലം ഹൂഡ്​സൺ ഓഡി,​ ബെൻ ചിൽവെൽ, റീസ്​ ജയിംസ്​ എന്നിവർ ഗോൾ നേടിപ്പോൾ സതാംപ്​ടണിന്‍റെ മൂന്നു പേർ മാത്രമാണ്​ ഗോളാക്കിയത്​​.