1. സൽമാൻ ഖാനെ കടന്നുപോകുന്ന റൊണാൾഡോ, 2. നടൻ വിക്കി കൗശലിനെ സൽമാൻ ഖാന്റെ അംഗരക്ഷകർ മാറ്റിനിർത്തുന്നു
ലോക ഫുട്ബാളിലെ ഇതിഹാസ താരം ക്രിസ്റ്റ്യാനോ റൊണാൾഡോയും ബോളിവുഡിലെ സൂപ്പർ താരം സൽമാൻ ഖാനും കണ്ടുമുട്ടിയാൽ എങ്ങനെയാകും പ്രതികരണം?. സൗദി അറേബ്യയിലെ റിയാദിൽ കഴിഞ്ഞ ദിവസം നടന്ന ബോക്സിങ് മത്സരം കാണാനെത്തിയപ്പോൾ ഇരുവരും കണ്ടുമുട്ടുന്ന വിഡിയോയാണ് ഇപ്പോൾ സമൂഹ മാധ്യമങ്ങളിൽ ഫുട് ബാൾ-സിനിമ പ്രേമികൾക്കിടയിലെ ചൂടേറിയ ചർച്ച.
സൽമാൻ ഖാനെ മൈൻഡ് ചെയ്യാതെ ക്രിസ്റ്റ്യാനോ പങ്കാളി ജോർജിന റോഡ്രിഗസിനൊപ്പം കടന്നുപോകുന്നതാണ് വിഡിയോയിലുള്ളത്. ശേഷം ബ്രസീലിയൻ ഇതിഹാസ താരം റൊണാൾഡോ നസാരിയോയെ കണ്ടുമുട്ടുമ്പോൾ കെട്ടിപ്പിടിക്കുന്നതും മറ്റു പലർക്കും കൈകൊടുക്കുന്നതും വിഡിയോയിലുണ്ട്. ക്രിസ്റ്റ്യാനോക്കും പങ്കാളിക്കും സമീപം ഇരിക്കുന്ന സൽമാൻ ഖാന്റെ ചിത്രങ്ങൾ കഴിഞ്ഞ ദിവസം സമൂഹ മാധ്യമങ്ങളിൽ പ്രചരിച്ചിരുന്നു. ഇതിന് പിന്നാലെയാണ് പുതിയ വിഡിയോ പുറത്തുവന്നിരിക്കുന്നത്.
ബോളിവുഡ് നടൻ വിക്കി കൗശലിനോട് സൽമാൻ ചെയ്തതിന് റൊണാൾഡോ ‘പ്രതികാരം’ ചെയ്തെന്നാണ് പലരും സമൂഹ മാധ്യമങ്ങളിൽ അഭിപ്രായപ്പെടുന്നത്. ഈ വർഷം ആദ്യത്തിൽ അബൂദബിയിൽ അവാർഡ്ദാന ചടങ്ങിനെത്തിയപ്പോൾ സൽമാൻ ഖാന് കടന്നുപോകാൻ അംഗരക്ഷകർ വിക്കി കൗശലിനെ തള്ളിനീക്കിയിരുന്നു. ഈ സംഭവമാണ് ആരാധകർ കുത്തിപ്പൊക്കിയത്. റൊണാൾഡോയുടെ പ്രശസ്തിക്ക് മുന്നിൽ ബോളിവുഡ് നടന്മാർ ഒന്നുമല്ലെന്ന അഭിപ്രായവും ചിലർ ഉന്നയിക്കുന്നു. കാമറാമാന് സൽമാൻ ഖാനെ അറിയാത്തതുകൊണ്ടാണ് ക്രിസ്റ്റ്യാനോയിലേക്ക് മാത്രം കാമറ തിരിച്ചതെന്നായിരുന്നു കമന്റുകളിലൊന്ന്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.