എന്നും ഒരു സൂപ്പർതാരമുണ്ടാവും നോർത്ഇൗസ്റ്റിന്. കഴിഞ്ഞ സീസണിൽ സാക്ഷാൽ അസമാവോ ഗ്യാനായിരുന്നു. അതിന് മുമ്പ് ബർത്ലോമിയോ ഒഗ്ബച്ചോയുണ്ടായിരുന്നു. എന്നാൽ, ഇക്കുറി വലിയ കേളിയൊന്നുമില്ലാത്ത ഒരുപിടി താരങ്ങളുമായാണ് നോർത് ഇൗസ്റ്റ് പട ഒരുങ്ങുന്നത്. താരപ്പടയല്ലെങ്കിലും മിടുക്കരായ കളിക്കാരടങ്ങിയ ടീമാണ് എന്നതുതന്നെ പ്രത്യേകത. ഗോൾകീപ്പിങ്ങിലും പ്രതിരോധത്തിലുമെല്ലാം ഇന്ത്യക്കാരിൽ കുടുതൽ വിശ്വാസമർപ്പിച്ച ടീം, മുന്നേറ്റത്തിലേക്കാണ് ഇക്കുറി ഇറക്കുമതി സജീവമാക്കിയത്.
സീനിയർ സുഭാഷിഷ്
െഎ.എസ്.എല്ലിലെ മുതിർന്ന താരവും പരിചയസമ്പന്നനുമായ ഗോൾകീപ്പർ സുഭാഷിഷ് റോയ് ചൗധരിയിൽ തുടങ്ങുന്നു നോർത് ഇൗസ്റ്റിെൻറ വിശേഷങ്ങൾ. 34കാരനായ സുഭാഷിഷിന് നോർത്ഇൗസ്റ്റിൽ ഇത് രണ്ടാം സീസണാണ്. മൂന്ന് മത്സരങ്ങളിൽ ക്ലീൻ ഷീറ്റുമായി മികച്ച േഫാമിലായിരുന്നു താരം. അദ്ദേഹത്തിെൻറ സഹായിയായി ഇക്കുറി 18കാരൻ നിഖിൽ ഡേകയും, 20കാരൻ ഗുർമീത് സിങ്ങുമാണുള്ളത്.
പ്രതിരോധത്തിൽ കഴിഞ്ഞ സീസൺ െഎ ലീഗിൽ ശ്രദ്ധേയരായ മഷ്ഹൂർ ശെരിഫിനും ഗുർജിന്ദർ കുമാറിനും ഇതൊരു പരീക്ഷണമാണ്. ഇവർക്കൊപ്പം മികച്ച വില നൽകി എത്തിച്ച ബെൽജിയം താരം ബെഞ്ചമിൻ ലംബോട്ടും, ഇന്ത്യൻ യുവതാരം വെയ്ൻ വാസും ചേർന്നാൽ വടക്കു കിഴക്കൻ മലയോളം കരുത്തായി പ്രതിരോധത്തിന്.
വടക്കുകിഴക്കൻ മിഡ്ഫീൽഡ്
മണിപ്പൂർ, മിസോറം തുടങ്ങിയ വടക്കുകിഴക്കൻ സംസ്ഥാനങ്ങളിൽനിന്നുള്ള ഒരുപിടി താരങ്ങൾ അണിനിരക്കുന്ന മധ്യനിരയാണ് കോച്ച് ജെറാഡ് നുസ് ഇക്കുറി അവതരിപ്പിക്കുന്നത്.
ലാലെങമാവിയ, ലാൽറിംപുയ, റോച്ചർസെല, പ്രഗ്യാൻ ഗൊഗോയ് എന്നിവർക്കൊപ്പം, ഉറുഗ്വായുടെ ഫ്രെഡറികോ ഗാലെഗോ, മൗറിത്വാനിയയുടെ ഖാസ കമാറ ഫോറിൻ ഡെപ്പോസിറ്റും. ഇവർ വേണം മുൻനിരയിലെ കൊമ്പന്മാരിലേക്ക് കളിയെത്തിക്കാൻ. ഇവർ സൃഷ്ടിക്കുന്ന കളിയെ ഗോളാക്കിമാറ്റാൻ ഇദ്രിസ, മചാഡോ, അപിയ ത്രിമൂർത്തികൾ സദാസന്നദ്ധമായുണ്ട്. പാലക്കാട്ടുകാരൻ വി.പി. സുഹൈർ മുന്നേറ്റത്തിലും തിരുവനന്തപുരത്തിെൻറ പി.എം. ബ്രിേട്ടാ മധ്യനിരയിലുമുണ്ട്.
....................................
കോച്ച്: ജെറാഡ് നുസ്
െഎ.എസ്.എൽ ബെസ്റ്റ്: സെമിഫൈനൽ (2018-19)
ഗോൾകീപ്പർ: ഗുർമീത്, നിഖിൽ ഡേഗ, സഞ്ജിബാൻ ഘോഷ്, സുഭാഷിഷ് റോയ്.
പ്രതിരോധം: അശുതോഷ് മെഹ്ത, ബെഞ്ചമിൻ ലംബോട്ട് (ബെൽജിയം), ഡിലാൻ ഫോക്സ് (ആസ്ട്രേലിയ), ഗുർജിന്ദർ കുമാർ, മഷ്ഹൂർ ശെരീഫ്, നബിൻ റബാ, നിം േഡാർജീ, പ്രൊവാത് ലക്ര, രാകേഷ് പ്രധാൻ, വെയ്ൻ വാസ്.
മധ്യനിര: ഫ്രെഡറികോ ഗാലെഗോ (ഉറുഗ്വായ്), ഇമ്രാൻ ഖാൻ, ഖാസ കമാറ (മൗറിത്വാനിയ), ലാലെൻമാവിയ, ലാൽറിംപുയ ഫനായ്, പ്രഗ്യാന ഗൊഗോയ്, റോചർസെല.
ഫോർവേഡ്: ബ്രിേട്ടാ, ഇദ്രിസ സില (ഗിനിയ), നിൻതോഗൻബ മീറ്റായ്, ക്വെസി അപിയ (ഘാന), ലാൽക്വപുയ്മാവിയ, ലൂയിസ് മചാഡോ (പോർചുഗൽ), സുഹൈർ വി.പി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.