കൊൽക്കത്ത: കരുത്തരായ ഈസ്റ്റ് ബംഗാളിനെ വീഴ്ത്തി നോർത്ത് ഈസ്റ്റ് യുനൈറ്റഡ്. അഞ്ചു ഗോളുകൾ പിറന്ന കളിയിൽ 3-2നായിരുന്നു ജയം. അഞ്ചാം മിനിറ്റിൽ ജൂറിചിലൂടെ ലീഡ് പിടിച്ച നോർത്ത് ഈസ്റ്റ് കാൽ മണിക്കൂർ പൂർത്തിയാക്കുംമുമ്പ് ഒരിക്കൽകൂടി വല കുലുക്കി എതിരാളികൾക്കുമേൽ സമ്മർദം ഇരട്ടിയാക്കി.
ഇടവേളക്കു ശേഷം പുതിയ കേളീശൈലിയുമായി മൈതാനത്തെത്തിയ ഈസ്റ്റ് ബംഗാൾ 53ാം മിനിറ്റിൽ ഒരു ഗോൾ മടക്കി. നന്ദയായിരുന്നു സ്കോറർ. ഒപ്പം പിടിക്കാൻ വട്ടമിട്ടുനിന്ന കൊൽക്കത്തക്കാരെ പൂട്ടി ജൂറിച് നോർത്ത് ഈസ്റ്റിനായി വീണ്ടും വല കുലുക്കി. 82ാം മിനിറ്റിൽ ഫോർബ്സ് ഈസ്റ്റ് ബംഗാളിനായി ഒരു ഗോൾകൂടി മടക്കിയെങ്കിലും നോർത്ത് ഈസ്റ്റ് ഇതിനകം ജയമുറപ്പിച്ചു കഴിഞ്ഞിരുന്നു. ജയത്തോടെ ടീം ആറാം സ്ഥാനത്തേക്ക് കയറി. ഒഡിഷ ഒന്നാമതും ഗോവ, കേരള ബ്ലാസ്റ്റേഴ്സ് ടീമുകൾ രണ്ട്, മൂന്ന് സ്ഥാനങ്ങളിലുമുള്ള പോയന്റ് പട്ടികയിൽ ഈസ്റ്റ് ബംഗാൾ ഒമ്പതാമതാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.