ലണ്ടൻ: ഓസ്ട്രിയ ഉയർത്തിയ പ്രതിരോധകോട്ട മറികടന്ന് ഇറ്റലി യൂറോകപ്പ് ക്വാർട്ടറിൽ. 2-1 എന്ന സ്കോറിനായിരുന്നു ഇറ്റലിയുടെ ജയം. 90ാം മിനിറ്റ് വരെയും ഇറ്റാലിയൻ ആക്രമണങ്ങളെ പ്രതിരോധിച്ച ഓസ്ട്രിയക്ക് പക്ഷേ അധിക സമയത്ത് കാലിടറി. 95ാം മിനിറ്റിൽ പകരക്കാരനായി ഇറങ്ങിയ ഫെഡറികോ ചൈസയിലൂടെ ഇറ്റലി ആദ്യ ഗോൾ കുറിച്ചു.
105ാം മിനിറ്റിൽ പെസിനയിലൂടെ ഇറ്റലി രണ്ടാം ഗോളും നേടിയതോടെ ഓസ്ട്രിയയുടെ നില പരുങ്ങലിലായി. പിന്നീട് 114ാം മിനിറ്റിൽ സസായിലൂടെ ഒരു ഗോൾ മടക്കി ഓസ്ട്രിയ പ്രതീക്ഷകൾ സജീവമാക്കിയെങ്കിലും അവസാന ചിരി ഇറ്റലിയുടേതായി മാറി.
തുടർച്ചയായ 31 മത്സരങ്ങളിലാണ് ഇറ്റലി തോൽവിയറിയാതെ കുതിക്കുന്നത്. 1,168 മിനിറ്റ് ഗോൾ വഴങ്ങാതെയും അസൂറിപ്പട പിടിച്ചു നിന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.