നാഷണൽ ചാമ്പ്യൻഷിപ്പിന് യോഗ്യത നേടിയ ബംഗളൂരു എഫ്.സി ടീം അംഗങ്ങളുടെ ആഹ്ലാദം
മുംബൈ: ഡെവലപ്മെന്റ് ലീഗിലെ ഗ്രൂപ്പ് ഘട്ട അവസാന മത്സരത്തിൽ ബംഗളൂരു എഫ് സിക്കെതിരായ മത്സരം സമനിലയിൽ പിരിഞ്ഞതോടെ കേരള ബ്ലാസ്റ്റേഴ്സ് പുറത്തായി.
ബംഗളൂരുവിനെതിരെ ഏകപക്ഷീയമായ മൂന്നു ഗോളുകൾക്ക് എങ്കിലും വിജയിച്ചാൽ മാത്രമേ കേരള ബ്ലാസ്റ്റേഴ്സിന് നാഷണൽ ചാമ്പ്യൻഷിപ്പിന് യോഗ്യത നേടാൻ ആകുമായിരുന്നുള്ളൂ. സമനിലയിൽ പിരഞ്ഞതോടെ ബംഗളൂരു എഫ്.സി നാഷണൽ ചാമ്പ്യൻഷിപ്പിന് യോഗ്യത നേടി.
മത്സരത്തിന്റെ ആദ്യ പകുതിയിൽ 45ാം മിനുട്ടിൽ ലിങ്ദോഹ് നേടിയ ഗോളിലൂടെയാണ് ബംഗളൂരു എഫ്.സി ലീഡെടുത്തത്. രണ്ടാം പകുതിയിൽ 59ാം മിനുട്ടിൽ അജ്സൽ കേരള ബ്ലാസ്റ്റേഴ്സിന് വേണ്ടി ഗോൾ മടക്കി. തുടർന്ന് വിജയത്തിനായുള്ള പോരാട്ടം അവസാന മിനുറ്റുവരെ നീണ്ടെങ്കിലും ഗോൾ പിറന്നില്ല. നേരത്തെ നേരത്തെ എഫ്.സി ഗോവയോടേറ്റ തോൽവിയാണ് കേരള ബ്ലാസ്റ്റേഴ്സിന് തിരിച്ചടിയായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.