മഡ്രിഡ്: അനായാസ ജയവുമായി ഗെറ്റാഫെയെ വീഴ്ത്തി ലാ ലിഗയിൽ ഒന്നാമതുള്ള അറ്റ്ലറ്റികോ മഡ്രിഡുമായി പോയിൻറ് അകലം കുറച്ച് റയൽ മഡ്രിഡ്. മിനിറ്റുകൾക്കിടെ ബെൻസേമയും മെൻഡിയും നേടിയ ഇരട്ട ഗോളുകളാണ് റയലിന് വിജയമൊരുക്കിയത്.
സിദാൻ സംഘം ഇതോടെ രണ്ടാം സ്ഥാനക്കാരാവുകയും പോയിൻറ് വ്യത്യാസം അഞ്ചാക്കി കുറക്കുകയും ചെയ്തെങ്കിലും അത്ലറ്റികോ മഡ്രിഡിന് രണ്ടു കളികൾ അധികം ബാക്കിയുണ്ട്.
മുൻനിരയിൽ എഡൻ ഹസാർഡ്, സെർജിയോ റാമോസ്, ഫ്രെഡറികോ വാൽവെർഡെ, ടോണി ക്രൂസ്, അൽവാരോ ഒഡ്രിയോസോള എന്നിവർ പുറത്തിരുന്ന കളയിൽ 3-4-3 ഫോർമേഷനിലാണ് സിദാൻ ടീമിനെ ഇറക്കിയത്. സ്റ്റാർട്ടിങ് ഇലവനിൽ ആദ്യമായി ബൂട്ടുകെട്ടിയ 20കാരൻ മാർവിൻ പാർക് മികച്ച പ്രകടനവുമായി നിറഞ്ഞുനിന്നു. മറ്റൊരു താരം 20കാരനായ വിക്ടർ കസ്റ്റും കന്നിമത്സരത്തിനിറങ്ങി. ജയത്തോടെ റയൽ മഡ്രിഡിന് 20 കളികളിൽ 46 പോയിൻറാണ് സമ്പാദ്യം. ഒന്നാമതുള്ള അത്ലറ്റിക്കോ മഡ്രിഡിന് 22 കളികളിൽ 51 പോയിൻറുണ്ട്. മെസ്സി നയിക്കുന്ന ബാഴ്സലോണക്ക് 43 പോയിൻറുണ്ട്. സെവിയ്യ, വിയ്യാ റയൽ എന്നിവ 42ഉം 36ഉം പോയിൻറുമായി നാലും അഞ്ചും സ്ഥാനങ്ങളിലുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.