ആർ ലാൽതൻമാവിയ
കൊച്ചി: ഐ ലീഗ് ടീമായ ഐസ്വാൾ എഫ്.സിയിൽനിന്ന് മൂന്നു വർഷത്തെ കരാറിൽ വിങ്ങർ ആർ. ലാൽതൻമാവിയെ ടീമിലെത്തിച്ച് കേരള ബ്ലാസ്റ്റേഴ്സ്. കളിയിലെ വൈദഗ്ധ്യവും പന്തടക്കവും കൊണ്ട് വേഗത്തിൽ ആക്രമണങ്ങൾ കെട്ടിപ്പടുക്കാൻ കഴിവുമുള്ള ഈ താരം അമാവിയ എന്നാണ് അറിയപ്പെടുന്നത്.
ലാൽതൻമാവിയ ഐസ്വാൾ എഫ്.സിയുടെ അണ്ടർ-14 ടീമിലൂടെ ആണ് പ്രഫഷനൽ കരിയർ ആരംഭിച്ചത്. ക്ലബിന്‍റെ യൂത്ത് സംവിധാനത്തിലൂടെ വളർന്ന് ഐസ്വാളിന്‍റെ യൂത്ത് ടീമുകളിലൂടെ മുന്നേറി, ഒടുവിൽ 2022-23 ഐ ലീഗ് സീസണിൽ ഐസ്വാൾ എഫ്.സിയുടെ സീനിയർ ടീമിൽ ഇടം നേടി. ആ സീസണിൽ 20 ഐ-ലീഗ് മത്സരങ്ങളിൽനിന്ന് മൂന്ന് ഗോൾ നേടി. അഞ്ച് അസിസ്റ്റുകൾ നൽകുകയും ചെയ്തു.
തുടർന്ന് ഐ ലീഗ്, സൂപ്പർ കപ്പ് തുടങ്ങിയ മത്സരങ്ങളിൽ ഐസ്വാൾ എഫ്.സിയെ പ്രതിനിധാനംചെയ്ത് ടീമിലെ സ്ഥിരാംഗമായി. കേരള ബ്ലാസ്റ്റേഴ്സ് പോലൊരു വലിയ ക്ലബിന്‍റെ ഭാഗമാകാൻ കഴിഞ്ഞതിൽ ഏറെ സന്തോഷമുണ്ടെന്നും വലിയ അവസരമാണെന്നും താരം പറഞ്ഞു. തായ്ലൻഡിൽ ജൂലൈ മൂന്നുമുതൽ തുടങ്ങുന്ന പ്രീ-സീസൺ മത്സരങ്ങളിൽ ടീമിനൊപ്പം ലാൽതൻമാവിയ ചേരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.