ലണ്ടൻ: ഹാട്രിക്ക് ഗോളുമായി പുതുസീസണ് ഗംഭീരമായി തുടക്കം കുറിച്ച മുഹമ്മദ് സലാഹിൻെറ ചിറകിലേറി ലിവർപൂളിന് ജയം. ലീഡ്സ് യുനൈറ്റഡിൻെറ കനത്തവെല്ലുവിളിയെ മൂന്നിനെതിരെ നാലുഗോളുകൾക്കാണ് ലിവർപൂൾ മറികടന്നത്.
ലിവർപൂളിൻെറ സ്വന്തം തട്ടകമായ ആൻഫീൽഡിൽ െകാണ്ടുംകൊടുത്തും മുന്നേറിയ മത്സരം അക്ഷരാർഥത്തിൽ ഫുട്ബാൾ ആരാധകർക്ക് വിരുന്നായി. നാലാം മിനുട്ടിൽ സലാഹിൻെറ പെനൽറ്റി ഗോളിൽ മുന്നിലെത്തിയ ലിവർപൂളിനെ 12ാം മിനുട്ടിൽ ജാക് ഹാറിസൻെറ ഗോളിലൂടെ ലീഡ്സ് തളച്ചിട്ടു. വിർജിൽ വാൻഡിക്കിൻെറ ഗോളിലൂടെ 20ാം മിനുട്ടിൽ ലിവർപൂൾ വീണ്ടും മുന്നിൽ. എന്നാൽ 30ാം മിനുട്ടിൽ വാൻഡിക്കിന് പ്രതിരോധത്തിൽ സംഭവിച്ച വീഴ്ച്ച മുതലെടുത്ത് പാട്രിക് ബാംഫോർഡ് ലീഡ്സിനായി തിരിച്ചടിച്ചു. തൊട്ടുപിന്നാലെ സലാഹിൻെറ ഉഗ്രൻഗോളിൽ ലിവർപൂൾ വീണ്ടും മുന്നിലേക്ക് കയറി.
രണ്ടാം പകുതിയിൽ അധ്വാനിച്ചുകളിച്ച ലീഡ്സിൻെറ ശ്രമത്തിന് ഫലമുണ്ടായി. മാത്യൂസ് കിച്ചിൻെറ ഗോളിലൂടെ 66ാം മിനുട്ടിൽ ലീഡ്സ് വീണ്ടും സമനില പിടിച്ചു. ഗോൾ വീണതോടെ ഉണർന്നു കളിച്ച ലിവർപൂളിൻെറ നിരന്തര ശ്രമങ്ങൾക്ക് 88ാം മിനുട്ടിൽ ഫലമുണ്ടായി. വീണുകിട്ടിയ പെനൽട്ടി അനായാസം വലയിലേക്കെത്തിച്ച് സലാഹ് ഹാട്രിക്ക് തികച്ചതോടെ ലിവർപൂളിനും ശ്വാസം വീണു.
തുടർച്ചയായ നാലാംസീസണിലും ആദ്യമത്സരത്തിൽ ഗോൾ നേടുന്ന താരമെന്ന അപൂർവ്വറെക്കോർഡും സലാഹ് സ്വന്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.