ബ്വേനസ് എയ്റിസ്: ലോകകപ്പിനുശേഷം ദേശീയ ടീമിൽനിന്നുള്ള വിരമിക്കലിനെ കുറിച്ച് ആലോചിക്കുമെന്ന് അർജന്റീന സൂപ്പർ താരം ലയണൽ മെസ്സി. ലോകകപ്പ് യോഗ്യത റൗണ്ടിൽ വെനിസ്വേലയെ 3-0ത്തിന് തോൽപിച്ചതിനുശേഷമാണ് മെസ്സി ഇക്കാര്യം പറഞ്ഞത്.
'ലോകകപ്പിനുശേഷം എന്താവുമെന്ന് ഇപ്പോൾ പറയാനാവില്ല. എന്നാൽ, ഞാൻ അതേകുറിച്ച് ആലോചിച്ചുകൊണ്ടിരിക്കുകയാണ്. ലോകകപ്പിനുശേഷം അക്കാര്യത്തിൽ ഒരു തീരുമാനമെടുക്കണം' -മെസ്സി പറഞ്ഞു. ലോകകപ്പിന് നേരത്തേ യോഗ്യത ഉറപ്പാക്കിയ അർജന്റീനക്കായി വെനിസ്വേലക്കെതിരെ നികോ ഗോൺസാലസ്, എയ്ഞ്ചൽ ഡിമരിയ, മെസ്സി എന്നിവരാണ് സ്കോർ ചെയ്തത്. ദക്ഷിണ അമേരിക്കയിൽനിന്ന് ബ്രസീൽ, എക്വഡോർ, ഉറുഗ്വായ് ടീമുകളും യോഗ്യത ഉറപ്പാക്കിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.