ബെർലിൻ: നായകനായി തുടങ്ങിയ ലുകാകു അവസാനം വില്ലൻ വേഷമണിഞ്ഞപ്പോൾ ഇൻറർ മിലാനെ തോൽപ്പിച്ച് സെവിയ്യ യൂറോപ ലീഗ് ചാമ്പ്യൻമാരായി. ജർമനിയിയിലെ കോളോഗ്നയിൽ അടച്ചിട്ട സ്റ്റേഡിയത്തിൽ നടന്ന ത്രില്ലർ ഫൈനൽ പോരിൽ രണ്ടിനെതിരെ മൂന്ന് ഗോളുകൾക്കായിരുന്നു സ്പാനിഷ് പടയുടെ കിരീടധാരണം. അഞ്ചാം മിനിറ്റിൽ ഡീഗോ കാർലോസിെൻറ ഫൗളിൽ ലഭിച്ച പെനാൽറ്റി ഗോളാക്കി മാറ്റിയ ബെൽജിയം താരം ലുകാകുവാണ് സ്കോർ ബോർഡ് തുറന്നത്.
ഏഴ് മിനിറ്റിന് ശേഷം സെവിയ്യ മത്സരത്തിലേക്ക് തിരിച്ചെത്തി. ഡച്ച് താരം ലൂക് ഡെ ജോങാണ് സമനില ഗോൾ നേടിയത്. ജീസസ് നവാസിെൻറ ക്രോസിൽ പറന്ന് തലവെക്കുകയായിരുന്നു ജോങ്. 33ാം മിനിറ്റിൽ ജോങ് വീണ്ടും രക്ഷകനായി. ഇത്തവണ എവർ ബെനേഗ നീട്ടിയടിച്ച പന്ത് വീണ്ടും തലകൊണ്ട് വലയിലെത്തിക്കുകയായിരുന്നു.
എന്നാൽ, രണ്ട് മിനിറ്റിെൻറ ആയുസ്സ് മാത്രമേ ഉണ്ടായിരുന്നുള്ളൂ സെവിയ്യയുടെ ആഘോഷത്തിന്. 35ാം മിനിറ്റിൽ ഡീഗോ ഗോഡിൻ ഹെഡ്ഡറിലൂടെ ഇൻററിനെ സമനിലയിലെത്തിച്ചു.
മത്സരം അധികസമയത്തേക്ക് നീങ്ങുമെന്ന ഘട്ടത്തിലാണ് ലുകാകു വില്ലൻ വേഷമണിയുന്നത്. 74ാം മിനിറ്റിൽ സെവിയ്യക്ക് ലഭിച്ച ഫ്രീകിക്കാണ് ഗോളിന് വഴിതുറന്നത്. ഉയർന്നുവന്ന പന്ത് ഹെഡ് ചെയ്ത് ഇൻറർ താരം പിന്നിലേക്ക് മാറ്റിയപ്പോൾ ബൈസിക്കിൾ കിക്കിലൂടെ കാർലോസ് മനോഹരമായി തൊടുത്തുവിടുകയായിരുന്നു. പന്ത് പുറത്തേക്ക് പോകുമെന്ന് തോന്നിച്ചെങ്കിലും അലസമായി നിന്ന ലുകാകുവിെൻറ കാലിൽ തട്ടി വലയിലേക്ക് കയറുകയായിരുന്നു.
ആറാമത്തെ കിരീടമാണ് സ്പാനിഷ് ടീം യൂറോപ ലീഗിൽ സ്വന്തമാക്കുന്നത്. യൂറോപ്പിലെ രണ്ടാംനിരക്കാരിൽ ഏറ്റവും കൂടുതൽ ചാമ്പ്യൻമാരായതും സ്പാനിഷ് ടീം തന്നെ.
ഇൻറർ താരം ലുകാകുവിെൻറ സീസണിലെ 34ാം ഗോളായിരുന്നു വെള്ളിയാഴ്ച രാത്രിയിലേത്. യൂറോപ ലീഗിലെ 11 കളികളിൽ തുടർച്ചയായി ഗോളടിച്ചെന്ന റെക്കോഡും സ്വന്തമാക്കിയെങ്കിലും എല്ലാം നിറംകെടുത്തുന്നതായിരുന്നു സെൽഫ് ഗോൾ.
LUKAKU OWN GOAL
— ... (@YyoungDesi5) August 21, 2020
BUT BICYCLE KICK WOWWWW pic.twitter.com/OgVrrRCM3m
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.