മന്ത്രി വി. അബ്ദുറഹ്മാന്‍റെ നേതൃത്വത്തിൽ മലപ്പുറം ഗവ. റസ്റ്റ് ഹൗസിൽ ചേർന്ന മില്യൺ ഗോൾ സംഘാടക സമിതി യോഗം
മലപ്പുറം: ഖത്തര്‍ ലോകകപ്പിന് മുന്നോടിയായി ജനങ്ങളിലേക്ക് ലോകകപ്പ് സന്ദേശം എത്തിക്കാനായി 12 മണിക്കൂറില്‍ ഏറ്റവും കൂടുതല്‍ പെനാല്‍ട്ടി കിക്കെടുക്കുക എന്ന ഗിന്നസ് റെക്കോഡ് ലക്ഷ്യമിട്ടുള്ള പ്രവര്‍ത്തനങ്ങള്‍ക്കൊരുങ്ങി സ്പോര്‍ട്സ് കേരള ഫൗണ്ടേഷന്‍. സംസ്ഥാന സ്പോര്‍ട്സ് കൗണ്‍സില്‍, കായിക യുവജന കാര്യാലയം എന്നിവയുടെ സംയുക്താഭിമുഖ്യത്തില്‍ നടക്കുന്ന ഫുട്‌ബാള്‍ പരിശീലന പദ്ധതിയായ വണ്‍ മില്യണ്‍ ഗോളിന്‍റെ ഭാഗമായി മലപ്പുറം, കോഴിക്കോട് ജില്ലകള്‍ ആസ്ഥാനമാക്കി ഗിന്നസ് റെക്കോഡിനുള്ള പ്രവര്‍ത്തനങ്ങള്‍ ആരംഭിക്കും.
കായിക മന്ത്രിയും സ്പോര്‍ട്സ് കേരള ഫൗണ്ടേഷന്‍ ചെയര്‍മാനുമായ വി. അബ്ദുറഹ്മാന്‍റെ നേതൃത്വത്തില്‍ മലപ്പുറം റെസ്റ്റ് ഹൗസില്‍ ചേര്‍ന്ന അഞ്ചാമത് ഡയറക്ടര്‍ ബോര്‍ഡ് യോഗത്തിലാണ് തീരുമാനം. സംസ്ഥാന സ്പോര്‍ട്സ് കൗണ്‍സില്‍ പ്രസിഡന്‍റ് മേഴ്സി കുട്ടന്‍, എസ്.കെ.എഫ് ഡയറക്ടര്‍മാരായ എ. പ്രദീപ്കുമാര്‍, വി.പി. അനില്‍ കുമാര്‍, മുഹമ്മദ് ആഷിഖ്, എസ്.കെ.എഫ് എം.ഡി ആന്‍റ് സി.ഇ. പ്രേം കൃഷ്ണന്‍ എന്നിവര്‍ യോഗത്തില്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.