മഞ്ചേരി: ഫുട്ബാൾ ലോകകപ്പിന്റെ പ്രചാരണാർഥം മഞ്ചേരി നഗരസഭ നടത്തുന്ന ഫുട്ബാൾ ചാമ്പ്യൻഷിപ്പിന് തുടക്കം. പയ്യനാട് സ്റ്റേഡിയത്തിൽ നടക്കുന്ന മത്സരം വൈസ് ചെയർമാൻ വി.പി. ഫിറോസ് ഉദ്ഘാടനം ചെയ്തു. സ്ഥിരം സമിതി ചെയർമാൻ ടി.എം. നാസർ അധ്യക്ഷത വഹിച്ചു. 16 ക്ലബുകളെ ഉൾപ്പെടുത്തിയാണ് മത്സരം. മൂന്ന് ദിവസങ്ങളിലായി നടക്കുന്ന ടൂർണമെൻറിൽ ബുധനാഴ്ച സെമി, ഫൈനൽ മത്സരങ്ങൾ നടക്കും. സമാപനദിവസം കൗൺസിലർമാരും ജീവനക്കാരും തമ്മിലുള്ള മത്സരവും നടക്കും. ഷൂട്ടൗട്ട് മത്സരം ബോയ്സ് സ്കൂൾ മൈതാനത്തും ലോകകപ്പിനെ ആസ്പദമാക്കി നടത്തുന്ന ക്വിസ് മത്സരം യൂനിറ്റി കോളജിലും നടക്കും. സ്ഥിരം സമിതി അധ്യക്ഷൻ മരുന്നൻ മുഹമ്മദ്, കൗൺസിലർമാരായ യാഷിക് മേച്ചേരി, പി. അബ്ദുൽ റഹീം, കാക്കേങ്ങൽ അഷ്റഫ്, സി.പി. അബ്ദുൽ കരീം സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.