റിയോ ഡി ജനീറോ: റിയോയിൽ ഒളിമ്പിക്സ് റിപ്പോർട്ട് ചെയ്യാനെത്തിയ മാധ്യമപ്രവർത്തകരുമായി പോയ ബസിന് നേരെ ആക്രമണം. ബസിന് നേരെ കല്ലെറിയുകയായിരുന്നുവെന്നാണ് റിപ്പോർട്ട്. എന്നാൽ അക്രമികൾ വെടിയുതിർക്കുകയായിരുന്നോ എന്ന കാര്യം പൊലീസ് പരിശോധിക്കുന്നുണ്ട്. ആക്രമണത്തിൽ ആർക്കും ഗുരുതര പരിക്കേറ്റിട്ടില്ല. ജനൽ ചില്ല് തെറിച്ച് മുന്ന് മാധ്യമപ്രവർത്തകർക്ക് ചെറിയ പരിക്കേറ്റിട്ടുണ്ട്. ബാസ്കറ്റ് ബോൾ വേദിയിൽ നിന്ന് പ്രധാന വേദിയിലേക്ക് പോകുന്നതിനിടെയായിരുന്നു ആക്രമണം. ആക്രമണത്തിൽ ബസിന്‍റെ ജനൽ ചില്ലുകൾ പൂർണ്ണമായി തകർന്നു.
ആക്രമണത്തിൽ മൂന്ന് പേർക്ക് ചെറിയ പരിക്കേറ്റിട്ടുണ്ടെന്ന് ഒളിമ്പിക്സ് വക്താവ് മരിയോ അൻഡ്രാഡെ മാധ്യമങ്ങളെ അറിയിച്ചു. കല്ലുകൊണ്ടുള്ള ആക്രമണമായിരുന്നോ അതോ വെടിവെച്ചതാണോ എന്ന കാര്യം വ്യക്തമല്ലെന്നും ഇത് പൊലീസ് പരിശോധിക്കുന്നുണ്ടെന്നും അദ്ദേഹം പ്രതികരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.