ലണ്ടന്‍: മറ്റൊരു വിജയത്തിലേക്ക് മുഷ്ടി ചുരുട്ടി വിജേന്ദര്‍ സിങ് പ്രഫഷനല്‍ ബോക്സിങ് റിങ്ങിലേക്ക് വീണ്ടും. മാര്‍ച്ച് 12ന് ലിവര്‍പൂളില്‍ ഹംഗറിയുടെ അലക്സാണ്ടര്‍ ഹോര്‍വാത്തിനെയാണ് ഇന്ത്യന്‍താരം തന്‍െറ നാലാം മത്സരത്തില്‍ നേരിടുക. കഴിഞ്ഞ ഒക്ടോബറില്‍ പ്രഫഷനല്‍ ബോക്സിങ്ങില്‍ ഇടി തുടങ്ങിയ വിജേന്ദര്‍ കളിച്ച മൂന്ന് മത്സരങ്ങളും എളുപ്പത്തില്‍ ജയിച്ചിരുന്നു. കഴിഞ്ഞ ഏഴ് മത്സരങ്ങളില്‍ അഞ്ചിലും ജയിച്ചാണ് ഹോര്‍വാത്തിന്‍െറ വരവ്. വിജേന്ദര്‍ ഇതുവരെ ആറ് റൗണ്ട് മാത്രമേ പ്രഫഷനല്‍ ഇടിക്കൂട്ടില്‍ ചെലവഴിച്ചിട്ടുള്ളൂ. എന്നാല്‍, 20കാരനായ ഹോര്‍വാത്തിന് 31 റൗണ്ടിന്‍െറ പരിചയമുണ്ട്. ഈ മത്സരത്തിനുശേഷം ലണ്ടനിലെ ഹാരോയില്‍ വിജേന്ദറിന് പോരാട്ടമുണ്ട്. ജൂണില്‍ ലോക ബോക്സിങ് അസോസിയേഷന്‍െറ ഏഷ്യന്‍തല മത്സരത്തിനായി വിജേന്ദര്‍ ഇന്ത്യയിലത്തെും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.