മെല്‍ബണ്‍: ഒരുദിവസം ബാക്കിനില്‍ക്കെ വെസ്റ്റിന്‍ഡീസിനെ 177 റണ്‍സിന് തകര്‍ത്ത് ആസ്ട്രേലിയക്ക് പരമ്പര ജയം. മൂന്ന് ടെസ്റ്റുകളടങ്ങിയ പരമ്പരയില്‍ ഒരു മത്സരം ബാക്കിനില്‍ക്കെയാണ് ഓസീസ് 2-0ത്തിന് മുന്നിലത്തെിയത്. സ്കോര്‍: ആസ്ട്രേലിയ 551/3 ഡിക്ള., 179/3ഡിക്ള. വെസ്റ്റിന്‍ഡീസ്: 271, 282.
179 റണ്‍സെന്ന നിലയില്‍ നാലാംദിനം മൈതാനത്തിറങ്ങുംമുമ്പേ ഓസീസ് ഡിക്ളയര്‍ പ്രഖ്യാപിച്ചു. 459 റണ്‍സ് ലക്ഷ്യവുമായി ബറ്റിങ് ആരംഭിച്ച വെസ്റ്റിന്‍ഡീസിന് ഓപണര്‍മാരായ ക്രെയ്ഗ് ബ്രാത്വൈറ്റും (31), രാജേന്ദ്ര ചന്ദ്രികയും (37) മികച്ച തുടക്കം നല്‍കിയെങ്കിലും ഓസീസ് ബൗളിങ്ങിനുമുന്നില്‍ അധികനേരം പിടിച്ചുനില്‍ക്കാനായില്ല. നാലുവിക്കറ്റുമായി മിച്ചല്‍മാര്‍ഷും മൂന്നു വിക്കറ്റുമായി നഥാന്‍ ല്യോണുമാണ് മാരകപ്രഹരം തീര്‍ത്തത്. ജാസന്‍ ഹോള്‍ഡര്‍ (68), ദിനേഷ് റാംദിന്‍ (59) എന്നിവര്‍ അര്‍ധസെഞ്ച്വറി നേടിയെങ്കിലും ഓസീസ് വിജയം തടയാനായില്ല. ല്യോണ്‍ കളിയിലെ താരമായി. മൂന്നാം ടെസ്റ്റ് ജനുവരി മൂന്നിന് സിഡ്നിയില്‍ ആരംഭിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.