നാഗ്പുർ: ഇംഗ്ലണ്ടിനെതിരായ രണ്ടാം ഏകദിനത്തിൽ ഇന്ത്യൻ വനിതകൾക്ക് എട്ട് വിക്കറ്റ് തോൽവി. ഇതോടെ പരമ്പര 1-1ന് സമനിലയിലായി. ഇന്ത്യയെ 113 റണ്‍സിന് എറിഞ്ഞിട്ട ഇംഗ്ലണ്ട് 29 ഓവറില്‍ രണ്ടുവിക്കറ്റ് നഷ്ടത്തിൽ ലക്ഷ്യം കണ്ടു.
ഡാനിയേല വ്യാറ്റ് (47), താമി ബ്യൂമോണ്ട് (39 നോട്ടൗട്ട്), ക്യാപ്റ്റന്‍ ഹീത്തര്‍ നൈറ്റ് (26) എന്നിവരാണ് ഇംഗ്ലണ്ടിന് അനായാസ ജയം സമ്മാനിച്ചത്. ഇന്ത്യക്കായി ഏകത ബിഷ്ട് രണ്ട് വിക്കറ്റ് നേടി.
നേരത്തെ 37.2 ഓവറില്‍ 113 റണ്‍സിനു ഓള്‍ഔട്ട് ആയ ഇന്ത്യൻനിരയിൽ 42 റണ്‍സ് നേടിയ സ്മൃതി മന്ദാനയും ദീപ്തി ശർമയും (26) മാത്രമാണ് ചെറുത്തുനിന്നത്. സോഫി എക്ലസ്റ്റണ്‍, ഡാനിയേല്‍ ഹേസല്‍ എന്നിവര്‍ ഇംഗ്ലണ്ടിനായി നാല് വിക്കറ്റ് വീതം വീഴ്ത്തി. നിർണായകമായ മൂന്നാം മത്സരം വ്യാഴാഴ്ച നടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.