തിരുവനന്തപുരം: ലോക ഫുട്ബാളിലെ സൂപ്പര്‍താരങ്ങളിലൊരാളായ ക്രിസ്റ്റ്യാനോ റൊണാള്‍ഡോയുടെ പോര്‍ചുഗല്‍ ഗ്രീന്‍ഫീല്‍ഡ് സ്റ്റേഡിയത്തില്‍ ഫിഫ സൗഹൃദമത്സരം കളിക്കാന്‍ സാധ്യത.
ഈ വര്‍ഷം യൂറോകപ്പിന് മുന്നോടിയായി പോര്‍ചുഗല്‍ ഇന്ത്യയില്‍ കളിക്കാന്‍ അഖിലേന്ത്യാ ഫുട്ബാള്‍ ഫെഡറേഷനുമായി സമ്മതിച്ചതായി തിരുവനന്തപുരം ജില്ലാ ഫുട്ബാള്‍ അസോസിയേഷന്‍ പ്രസിഡന്‍റ് വി. ശിവന്‍കുട്ടി എം.എല്‍. എ വാര്‍ത്താസമ്മേളനത്തില്‍ അറിയിച്ചു. കേരള ഫുട്ബാള്‍ അസോസിയേഷന്‍ മുന്‍കൈയെടുത്താണ് മത്സരത്തിന് ശ്രമിക്കുന്നത്. എന്നാല്‍, എതിര്‍ ടീം ഏതാണെന്ന കാര്യത്തില്‍ ധാരണയായിട്ടില്ല. ഗള്‍ഫ് രാജ്യങ്ങളിലെ ഏതെങ്കിലും ടീമിനെ പരിഗണിക്കാനാണ് നീക്കം. ഇന്ത്യ-തുര്‍ക്മെനിസ്താന്‍ ലോകകപ്പ് യോഗ്യതാമത്സരത്തിന് വേദിയാവുന്ന ഗ്രീന്‍ഫീല്‍ഡില്‍ അടുത്തവര്‍ഷത്തെ ഐ.എസ്.എല്‍ മത്സരങ്ങള്‍ക്ക് ശ്രമിക്കുമെന്നും ശിവന്‍കുട്ടി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.