മപുസ (ഗോവ): അവസാന മിനിറ്റിലെ ഗംഭീര പ്രകടനത്തിനൊടുവില്‍ പ്രഥമ പ്രീമിയര്‍ ഫുട്സാലില്‍ കൊച്ചി ഫൈവ്സ് സെമിഫൈനലില്‍. വാശിയേറിയ പോരാട്ടത്തില്‍ കരുത്തരായ ചെന്നൈയെ 3-3ന് തളച്ചാണ് കൊച്ചി ഫൈവ്സ് അവസാന നാലിലത്തെിയത്. ശനിയാഴ്ച നടക്കുന്ന സെമിയില്‍ കൊച്ചി ഗോവയെയും കൊല്‍ക്കത്ത മുംബൈയെയും നേരിടും.
ഒരു പോയന്‍റ് നേടിയാല്‍ സെമി ഉറപ്പായിരുന്ന കൊച്ചി 0-2ന് പിന്നിട്ടുനിന്ന ശേഷമാണ് മൈക്കല്‍ സല്‍ഗാദോയുടെ ടീം സമനില പിടിച്ചത്. 12ാം മിനിറ്റില്‍ കാമിലോയും 18ാം മിനിറ്റില്‍ നന്ദയും ചെന്നൈ ടീമിനായി വലകുലുക്കി. എന്നാല്‍, 37, 38 മിനിറ്റുകളില്‍ കൊച്ചി തിരിച്ചടിച്ചു. മൊറേയസിലൂടെയായിരുന്നു ഈ തിരിച്ചുവരവ്. എന്നാല്‍, 39ാം മിനിറ്റില്‍ ചെന്നൈ ഫാല്‍ക്കോവയിലൂടെ ലീഡ് നേടി. തൊട്ടടുത്ത നിമിഷം കഗിന്യോ നിര്‍ണായകമായ സമനില നേടിക്കൊടുത്ത് കൊച്ചിയെ സെമിയിലേക്ക് നയിച്ചു. മറ്റൊരു മത്സരത്തില്‍ ക്യാപ്റ്റന്‍ കഫുവിന്‍െറ ആദ്യമത്സരത്തില്‍ ഗോവ ബംഗളൂരുവിനെ 3-0ന് കീഴടക്കി സെമിയിലത്തെി. റാഫേലും വാംപറ്റയുമാണ് മറ്റ് സ്കോറര്‍മാര്‍. മുംബൈ, കൊല്‍ക്കത്ത ടീമുകള്‍ നേരത്തേ സെമിയിലത്തെിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.