പാരിസ്: പറഞ്ഞ വാക്കുകളെ അന്വര്‍ഥമാക്കി പി.എസ്.ജിയില്‍നിന്ന് സ്ളാറ്റന്‍ ഇബ്രാഹിമോവിച് പടിയിറങ്ങി. ഫ്രഞ്ച് ലീഗ് ചരിത്രത്തില്‍ ഒരു സീസണിലെ ഏറ്റവും കൂടുതല്‍ ഗോള്‍നേട്ടത്തിനുടമയായാണ് സ്വീഡിഷ് താരമായ ഇബ്ര പാരിസ് വിടുന്നത്. താന്‍ പി.എസ്.ജിയില്‍നിന്ന് വിടപറയുകയാണെന്ന പ്രഖ്യാപനത്തില്‍, രാജാവിനെപ്പോലെ വന്നു, ഇതിഹാസമായി മടങ്ങുന്നുവെന്നായിരുന്നു ഇബ്രയുടെ വാക്കുകള്‍. നാന്‍െറസിനെതിരെ പി.എസ്.ജിയുടെ അവസാന മത്സരത്തില്‍ ഇരട്ട ഗോള്‍ സ്കോര്‍ ചെയ്ത ഇബ്രയുടെ മികവില്‍ പി.എസ്.ജി 4-1ന് ജയിച്ചിരുന്നു. ഇതോടെ ഈ സീസണില്‍ അദ്ദേഹം നേടുന്ന ഗോളുകളുടെ എണ്ണം 38 ആയി. 1997-98 സീസണില്‍ അര്‍ജന്‍റീനന്‍ താരം കാര്‍ലോസ് ബിയാന്‍ചി നേടിയ 37 ഗോള്‍ ആയിരുന്നു റെക്കോഡ്. അവസാന മത്സരത്തിനിറങ്ങിയ ഇബ്ര 17ാം മിനിറ്റില്‍ റെക്കോഡിനൊപ്പമത്തെുകയും മത്സരത്തിന്‍െറ അവസാനനിമിഷങ്ങളില്‍ റെക്കോഡും ഭേദിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.