മഡ്രിഡ്: ഗെറ്റാഫയെ ഏകപക്ഷീയമായ ഒരു ഗോളിന് തോൽപിച്ച് അത്ലറ്റികോ മഡ്രിഡ് ലാ ലിഗ സീസൺ ജയത്തോടെ തുടങ്ങി. വാൻഡാ മെട്രോപൊളിറ്റാനോയിൽ നടന്ന മത്സരത്തിെൻറ 23ാം മി നിറ്റില്‍ അൽവരോ മൊറാറ്റയാണ് അത്ലറ്റികോയുടെ വിജയഗോൾ നേടിയത്. ഇംഗ്ലീഷ് ക്ലബായ ടോട്ടൻഹാം ഹോട്സ്പറിൽനിന്നുമെത്തിയ കീരൺ ട്രിപ്പിയർ ഗോളിന് വഴിയൊരുക്കി.
38ാം മിനിറ്റിൽ ഗെറ്റാഫയുടെ ജോർജ് മോളിനയും 42ാം മിനിറ്റിൽ അത്ലറ്റികോയുടെ അരങ്ങേറ്റക്കാരൻ റെനാൻ ലോഡിയും ചുവപ്പുകാർഡ് കണ്ട് മടങ്ങിയതോടെ ഇരുടീമുകളും 10 പേരുമാണ് കളിച്ചത്. മറ്റു മത്സരങ്ങളില്‍ സെവിയ്യ എസ്പാനിയോളിനെയും (2-0) റയല്‍ വയ്യഡോളിഡ് റയല്‍ ബെറ്റിസിനെയും (2-1) തോൽപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.