ലണ്ടൻ: ഇംഗ്ലീഷ് പ്രീമിയർ ലീഗിൽ ടോട്ടൻഹാമിന് തോൽവിയും മാഞ്ചസ്റ്റർ യുനൈറ്റഡിന് സമനിലയും. ഞായറാഴ്ച രാത്രിയിലെ പോരാട്ടത്തിൽ വോൾവർഹാംപ്ടനാണ് ഹൊസെ മൗറീന്യോയുടെ ടോട്ടൻഹാമിനെ 3-2ന് വീഴ്ത്തിയത്.
ഹാരി കെയ്നും ഹ്യൂങ് മിൻസണുമില്ലാത്ത ടോട്ടൻഹാം ലീഡ് നേടിയെങ്കിലും പിന്നീട് വീഴുകയായിരുന്നു. സ്റ്റീവൻ ബെർഗ്വിനും സെർജി ഓറിയറുമാണ് ടോട്ടൻഹാമിനായി സ്കോർ ചെയ്തത്. മാറ്റ് ഡോഹർടി, ഡിഗോ ജോട്ട, റൗൾ ജിമിനസ് എന്നിവരാണ് വോൾവറിനായി സ്കോർ ചെയ്തത്.
എവർട്ടനും യുനൈറ്റഡും 1-1ന് പിരിഞ്ഞു. ശനിയാഴ്ച ചെൽസി-ബേൺമൗത് മത്സരം 2-2ന് സമനിലയിൽ പിരിഞ്ഞിരുന്നു. വെസ്റ്റ്ഹാം 3-1ന് സതാംപ്ടനെ തോൽപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.