ബാഴ്സലോണ: സ്പാനിഷ് ലാ ലിഗ സീസണിലെ ടോപ് ഗോൾ സ്കോറർക്കുള്ള പിചിചി ട്രോഫി ലയണൽ മെസ്സിക്ക്. 25 ഗോളുമായാണ് മെസ്സി സീസണിൽ ടോപ് സ്കോററായത്. കരിയറിൽ ബാഴ്സ താരത്തിെൻറ ഏഴാമത്തെ പിചിചി പുരസ്കാര നേട്ടമാണിത്. ഇതിഹാസ താരം റാഫേൽ പിചിചിയുടെ പേരിൽ നൽകുന്നതാണ് ഇൗ പുരസ്കാരം.
ടോപ് സ്കോറർ േപാരാട്ടത്തിൽ റയലിെൻറ കരിം ബെൻസേമ (21ഗോൾ) രണ്ടാം സ്ഥാനത്തേക്ക് പിന്തള്ളപ്പെട്ടു. ആറു തവണ പിചിചി അവാർഡ് നേടിയ മുൻ അത്ലറ്റിക് ബിൽബാവോ താരം ടെൽമോ സാറയെയാണ് മെസ്സി പിന്തള്ളിയത്. 2009-10, 11-12, 12-13, 16-17, 17-18, 18-19, 19-20 സീസണുകളിലാണ് നേരത്തെ മെസ്സി ടോപ് സ്കോററായത്.
ഗോളടിയിൽ ഒന്നാമനാവുക മാത്രമല്ല, ഗോളടിപ്പിക്കുന്നതിൽ റെക്കോഡ് കൂടി ലയണൽ മെസ്സി സ്വന്തം പേരിലാക്കി. സീസണിലെ അവസാന മത്സരത്തിൽ ഡിപോർടിവോ അലാവസിനെതിരെ ബാഴ്സലോണ 5-0ത്തിന് ജയിച്ചപ്പോൾ രണ്ട് ഗോളടിക്കുകയും, അൻസു ഫാത്തിയുടെ ആദ്യ ഗോളിന് വഴിയൊരുക്കുകയും ചെയ്താണ് മെസ്സി ചരിത്രം കുറിച്ചത്.
ഇതോടെ ലാ ലിഗയിൽ ഒരുസീസണിൽ ഏറ്റവും കൂടുതൽ അസിസ്റ്റ് എന്ന റെക്കോഡ് മെസ്സിക്കായി. മുൻ സഹതാരമായ സാവിയുടെ പേരിലുള്ള (20 അസിസ്റ്റ്, 2008-09) റെക്കോഡാണ് മെസ്സി 21ആയി മാറ്റിയെഴുതിയത്. ഒരൊറ്റ സീസണിൽ 20ന് മുകളിൽ ഗോളും അസിസ്റ്റും നേടുന്ന ആദ്യ താരവുമായി മെസ്സി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.