സാവോപോളോ: റഷ്യയിൽ നടന്ന ഫുട്ബാൾ ലോകകപ്പിനിടെ താൻ നടത്തിയ പ്രകടനങ്ങളിൽ അതിശയോക്തി കലര്‍ന്നിരുന്നുവെന്ന് സമ്മതിച്ച് ബ്രസീലിന്‍റെ സൂപ്പർ താരം നെയ്മർ. സ്പോൺസർക്ക് വേണ്ടി തയാറാക്കിയ പരസ്യത്തിലാണ് താരം മൽസരത്തിന് ഇടയിലെ അഭിനയം പരസ്യമായി സമ്മതിച്ചത്. ഇതിന്‍റെ വിഡിയോ ദൃശ്യങ്ങൾ ബ്രസീലിലെ നിരവധി ചാനലുകൾ പുറത്തുവിട്ടു.
ലോകകപ്പിനിടെ സൂപ്പർ താരം നിരവധി തവണ നാടകീയത നിറഞ്ഞ പ്രകടനങ്ങൾ നടത്തിയത് ഏറെ വിമർശനങ്ങൾക്കും പരിഹാസത്തിനും പാത്രമായി. മെക്സികോ, സ്വിറ്റ്സർലൻഡ് എന്നിവർക്കെതിരായ മത്സരത്തിനിടെ പരിക്ക് അഭിനയിച്ച് ഗ്രൗണ്ടിൽ വീണുരുണ്ട നെയ്മറിനെ പലവിധത്തിലാണ് ട്രോളന്മാർ ആഘോഷിച്ചത്. മുൻ താരങ്ങൾ രൂക്ഷമായി വിമർശിക്കുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.