മിലാൻ: ക്രിസ്റ്റ്യാനോ റൊണാൾഡോയുടെ പകരക്കാരനായെത്തിയ പൗളോ ഡിബാല യുവൻറസിനെ കാത്തു. ഞായറാഴ്ച നടന്ന സൂപ്പ ർ പോരാട്ടത്തിൽ എ.സി. മിലാനെ ഏകപക്ഷീയമായ ഒരു ഗോളിന് കീഴടക്കി യുവൻറസ് ഇൻറർ മിലാനെ മറികടന്ന് വീണ്ടും പോയൻറ് പട്ടികയിൽ ഒന്നാമതെത്തി. 77ാം മിനിറ്റിൽ ഗോൺസാലേ ഹിഗ്വെയ്െൻറ പാസിൽനിന്നായിരുന്നു ഡിബാലയുടെ വിധിനിർണയ ഗോൾ.
ശനിയാഴ്ച നടന്ന മത്സരത്തിൽ വെറോണയെ 2^1ന് തോൽപിച്ച ഇൻറർ ഒന്നാം സ്ഥാനം കൈയടക്കിയിരുന്നു. 55ാം മിനിറ്റിലാണ് തുടർച്ചയായി രണ്ടാം തവണയും ക്രിസ്റ്റ്യാനോയെ കോച്ച് പിൻവലിച്ചത്. ചാമ്പ്യൻസ് ലീഗിൽ ലോകോമോട്ടീവ് മോസ്കോക്കെതിരായ മത്സരത്തിനിടെയും സൂപ്പർ താരത്തെ പിൻവലിച്ചിരുന്നു. മൈതാനത്തിൽനിന്നു മടങ്ങിയ ക്രിസ്റ്റ്യാനോ ഫൈനൽ വിസിൽ മുഴങ്ങാൻ കാത്തുനിൽക്കാതെ സ്റ്റേഡിയം വിട്ടത് സംസാരവിഷയമായി. 12 മത്സരങ്ങളിൽ ഏഴെണ്ണം തോറ്റ് 14ാം സ്ഥാനത്താണ് മിലാൻ. 12 മത്സരങ്ങളിൽനിന്ന് 10 ജയവും രണ്ടു സമനിലയുമടക്കം 32 പോയൻറുമായി അപരാജിതരായാണ് യുവൻറസിെൻറ കുതിപ്പ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.