മഡ്രിഡ്: കിരീടഫേവറിറ്റായി റഷ്യയിലേക്ക് പുറപ്പെടുന്ന സ്പെയിനിന് സ്വിറ്റ്സർലൻഡിെൻറ സമനിലപ്പൂട്ട്. വിയ്യ റയലിെൻറ വേദിയിൽ നടന്ന മത്സരത്തിൽ ലോകകപ്പിനുള്ള െപ്ലയിങ് ഇലവനുമായാണ് സ്പാനിഷ് കോച്ച് ജുലൻ ലൊപെറ്റിഗുയി ടീമിനെ ഇറക്കിയത്. കളിയുടെ 29ാം മിനിറ്റിൽ അൽവാരോ ഒഡ്രിയോസോളയുടെ ഗോളിൽ സ്പെയിൻ മുന്നിലെത്തി.
ആദ്യ പകുതി പിരിയുംവരെ ലീഡ് നിലനിർത്തിയ മുൻ ചാമ്പ്യന്മാർ രണ്ടാം പകുതിയിൽ സമനില വഴങ്ങി. കളിയുടെ 62ാം മിനിറ്റിൽ മാഞ്ചസ്റ്റർ യുനൈറ്റഡ് ഗോളി ഡേവിഡ് ഡി ഗിയയുടെ ൈകയിൽ കുരുങ്ങിയ പന്ത് തെന്നിമാറിയപ്പോൾ റികാർഡോ റോഡ്രിഗസ് വലയിലേക്ക് അടിച്ചുകയറ്റി. ഡീഗോ കോസ്റ്റ, സിൽവ, ഇനിയേസ്റ്റ, അൽകൻറാര എന്നിവരുമായാണ് സ്പെയിൻ കളി തുടങ്ങിയത്. ഷെദ്റാൻ ഷാകിരിയും ഹാരിസ് സെഫറോവിച്ചുമായിരുന്നു സ്വിറ്റ്സർലൻഡിെൻറ തുറുപ്പുശീട്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.