എ.ബി ഡിവില്ലിയേഴ്സ് ക്രിക്കറ്റിൽ ഒരു ഇതിഹാസമാണെന്ന കാര്യത്തിൽ ആർക്കും തർക്കമില്ല. ഗ്രൗണ്ടിൻെറ 360 ഡിഗ്രിയിലും പന്തടിച്ച് തെറിപ്പിക്കാനുള്ള ഡിവില്ലിയേഴ്സിൻെറ അമാനുഷിക പാടവം ലോകം പലകുറി കണ്ടതാണ്. കൂടാതെ ഒന്നാന്തരമായി ഫീൽഡിങ്ങും കീപ്പിങ്ങും ചെയ്യും.
ദക്ഷിണാഫ്രിക്കക്കാരനാണെങ്കിലും എ.ബി.ഡി ഇന്ത്യക്കാരുടെയും പ്രിയപ്പെട്ടവൻ തന്നെ. ദക്ഷിണാഫ്രിക്കക്കായി കളത്തിലിറങ്ങുേമ്പാൾ പോലും ആരാധകർ എ.ബി.ഡിക്കായി ആർത്തുവിളിക്കാറുണ്ട്. ബാംഗ്ലൂർ റോയൽ ചാലഞ്ചേഴ്സ് ജഴ്സിയിലും എ.ബി.ഡിയുടെ മിന്നും പ്രകടനങ്ങൾ പലകുറി കണ്ടിട്ടുണ്ട്.എന്നാൽ ഡിവില്ലിയേഴ്സിനെക്കുറിച്ച് പല അഭ്യൂഹങ്ങളും പ്രചരിക്കാറുണ്ട്.
ഡിവില്ലിയേഴ്സ് റഗ്ബിയിലും ടെന്നീസിലും നീന്തലിലുമെല്ലാം വിവിധ തലങ്ങളിൽ ദക്ഷിണാഫ്രിക്കയെ പ്രതിനിധീകരിച്ചിട്ടുണ്ടെന്നും വാർത്തകൾ പരന്നിട്ടുണ്ട്. ചില ഓൺലൈൻ പോർട്ടലുകൾ ഇക്കാര്യം വാർത്തയാക്കിയിട്ടുമുണ്ട്. പലരും ഇത്തരം വാർത്തകർ വിശ്വസിച്ച് ആവേശത്തോടെ ഷെയർ ചെയ്യാറുണ്ട്. എന്നാൽ എന്താണിതിലെ യാഥാർഥ്യം. എബിഡിയുടെ ആത്മകഥയിൽ അദ്ദേഹം തന്നെ പറയുന്നതിൻെറ അടിസ്ഥാനത്തിൽ വ്യക്തത വരുത്താം.
പ്രചാരണം: ഡിവില്ലിയേഴ്സ് ദക്ഷിണാഫ്രിക്ക അണ്ടർ 19 ദേശീയ ബാഡ്മിൻറൺ ചാമ്പ്യനായിരുന്നു
വാസ്തവം: ഞാൻ സ്കൂളിൽ വെച്ച് ബാഡ്മിൻറൺ കളിച്ചിട്ടില്ല. എൻെറ ഓർമ ശരിയാണെങ്കിൽ ഞാനെെൻെറ ജീവിതത്തിൽ ബാഡ്മിൻറൺ കളിച്ചത് ദക്ഷിണാഫ്രിക്കൻ കീപ്പർ മാർക് ബൗച്ചറുമായി തമാശക്ക് മാത്രമാണ്.
പ്രചാരണം: ഡിവില്ലിയേഴ്സ് ദക്ഷിണാഫ്രിക്കയുടെ ജൂനിയർ ഹോക്കി ടീമിലേക്ക് തെരഞ്ഞെടുക്കപ്പെട്ടിരുന്നു.
വാസ്തവം: ഞാൻ സ്കൂളിൽ വെച്ച് ഒരു വർഷം ഹോക്കി കളിച്ചിരുന്നു. പക്ഷേ ഒരിക്കലും നാഷണൽ ഹോക്കി സ്ക്വാഡിലേക്കോ സമാന പദവിയിലേക്കോ എത്തിയിട്ടില്ല.
പ്രചാരണം: ഡിവില്ലിയേഴ്സ് ദക്ഷിണാഫ്രിക്കയുടെ ജൂനിയർ ഫുട്ബാൾ ടീമിലേക്ക്തെരഞ്ഞെടുക്കപ്പെട്ടിരുന്നു.
വാസ്തവം: ഞാൻ ഫുട്ബാൾ കളിച്ചിട്ടേയില്ല. ദക്ഷിണാഫ്രിക്കൻ ടീമുമായുള്ള വാം അപിനിടെ മാത്രമാണ് ഫുട്ബാൾ അൽപമെങ്കിലും കളിച്ചിട്ടുള്ളത്
പ്രചാരണം: ഡിവില്ലിയേഴ്സ് ദക്ഷിണാഫ്രിക്കയുടെ ജൂനിയർ ഡേവിസ് കപ്പിനുള്ള ടെന്നീസ് ടീമിലേക്ക്് തെരഞ്ഞെടുക്കപ്പെട്ടിട്ടുണ്ട്
വാസ്തവം: ചെറുപ്പത്തിൽ ഞാൻ ടെന്നീസ് കളിച്ചിട്ടുണ്ട്്. ആ കളി ഇഷ്ടമാണ്. കുറച്ചുകാലത്തേക്ക് എൻെറ സമപ്രായക്കാരിൽ ഞാൻ ദേശീയ തലത്തിൽ ഒന്നാമതായിട്ടുണ്ട്.
ദക്ഷിണാഫ്രിക്കൻ ടെന്നീസ് താരം കെവിൻ ആൻഡേഴ്സൺ തൻെറ കുട്ടിക്കാലത്ത് ഡിവില്ലിയേഴ്സുമായി ഒരു മത്സരത്തിൽ തോറ്റത് വാർത്ത സമ്മേളനത്തിനിടെ വിവരിച്ചിരുന്നു.
പ്രചാരണം: നീന്തലിൽ ആറ് ദേശീയ റെക്കോഡുകൾ ഡിവില്ലിയേഴ്സിൻെറ പേരിലുണ്ട്
വാസ്തവം: വാംബാത്സ് പ്രൈമറി സ്കുളിൽ പഠിക്കുേമ്പാൾ നീന്തലിൽ ഞാൻ റെക്കോർഡ് ഇട്ടിട്ടുണ്ട്. അതല്ലാതെ ദേശീയ തലത്തിൽ യാതൊരു റെക്കോർഡും എനിക്കില്ല.
പ്രചാരണം: ഡിവില്ലിയേഴ്സ് ദക്ഷിണാഫ്രിക്കയുടെ ജൂനിയർ റഗ്ബി ടീം ക്യാപ്റ്റനായിരുന്നു
വാസ്തവം: ഞാൻ ദക്ഷിണാഫ്രിക്കയെ ഒരു സ്റ്റേജിലും റഗ്ബിയിൽ പ്രതിനിധീകരിച്ചിട്ടില്ല. ക്യാപ്റ്റനുമായിട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.