കാൽപന്തിന്റെ അറേബ്യൻ കാർണിവൽ

ദോ​ഹ: ക​ളി മാ​ത്ര​മ​ല്ല, പ​ത്ത് കി​ലോ​മീ​റ്റ​ർ ചു​റ്റ​ള​വി​ൽ ക​ള​ർ​ഫു​ളാ​യൊ​രു കാ​ർ​ണി​വ​ലി​നാ​ണ് ഖ​ത്ത​ർ അ​ര​ങ്ങൊ​രു​ക്കു​ന്ന​ത്. അ​ട​ച്ചി​ട്ട്, എ​ല്ലാം മൂ​ടി​ക്കെ​ട്ടി​യ കോ​വി​ഡ് കാ​ല​ത്തെ ഓ​ർ​മ​ക​ളു​ടെ പി​ന്നാ​മ്പു​റ​ത്തേ​ക്ക് കി​ക്ക് ഔ​ട്ട് ചെ​യ്ത് ഖ​ത്ത​ർ ലോ​ക​ത്തെ ക​ളി​യു​ത്സ​വ​ങ്ങ​ളു​ടെ പ​ടി​പ്പു​ര​യി​ലേ​ക്ക് കൈ​പി​ടി​ച്ചാ​ന​യി​ക്കു​ന്നു. ലോ​കം കാ​ത്തി​രി​ക്കു​ന്ന വി​ശ്വ​പോ​രാ​ട്ട​ത്തി​ലേ​ക്ക് ഒ​രു മാ​സ​ത്തി​ന​പ്പു​റം കി​ക്കോ​ഫ്. ഒ​രു​ക്ക​ങ്ങ​ളെ​ല്ലാം പൂ​ർ​ത്തി​യാ​ക്കി ആ​രാ​ധ​ക​രെ​യും ടീ​മു​ക​ളെ​യും കാ​ത്തി​രി​ക്കു​ക​യാ​ണ് അ​റ​ബ് നാ​ട്. ഹ​യാ കാ​ർ​ഡ് വ​ഴി കാ​ണി​ക​ൾ​ക്ക് ന​വം​ബ​ർ ഒ​ന്ന് മു​ത​ൽ രാ​ജ്യ​ത്തേ​ക്ക് പ്ര​വേ​ശ​നം അ​നു​വ​ദി​ക്കും. ടീ​മു​ക​ൾ ന​വം​ബ​ർ ഏ​ഴ് മു​ത​ൽ പ​റ​ന്നി​റ​ങ്ങി തു​ട​ങ്ങും. രാ​ജ്യാ​ന്ത​ര മാ​ധ്യ​മ​പ്പ​ട ഇ​തി​ന​കം ത​ന്നെ ദോ​ഹ​യി​ലേ​ക്ക് കേ​ന്ദ്രീ​ക​രി​ച്ച് തു​ട​ങ്ങി. അ​ങ്ങ​നെ, ലോ​ക​ത്തി​ന്റെ ഹൃ​ദ​യ​ഭൂ​മി​യാ​യി മാ​റാ​ൻ ഖ​ത്ത​ർ എ​ല്ലാ അ​ർ​ഥ​ത്തി​ലും ഒ​രു​ങ്ങി​ക്ക​ഴി​ഞ്ഞു.

ഒ​ഫീ​ഷ്യ​ൽ സൈ​റ്റ്: 169

ലോ​ക​ക​പ്പി​നു​ള്ള എ​ട്ട് സ്റ്റേ​ഡി​യ​ങ്ങ​ൾ, ടീ​മു​ക​ളു​ടെ പ​രി​ശീ​ല​ന സ്ഥ​ലം, താ​മ​സം, ഓ​ഫി​സ് കേ​ന്ദ്ര​ങ്ങ​ൾ ഉ​ൾ​പ്പെ​ടെ 169 ഔ​ദോ​ഗി​ക കേ​ന്ദ്ര​ങ്ങ​ളാ​ണ് ദോ​ഹ​യോ​ട് ചേ​ർ​ന്ന് സം​ഘാ​ട​ക​ർ അ​ട​യാ​ള​പ്പെ​ടു​ത്തി​യി​രു​ക്കു​ന്ന​ത്. എ​ല്ലാം ദോ​ഹ​യു​ടെ 'ഠ' ​വ​ട്ട​ത്തി​ൽ ത​ന്നെ.

ടിക്കറ്റ്: 30 ലക്ഷം

ആ​കെ നീ​ക്കി​വെ​ച്ച​ത് 30 ല​ക്ഷം ടി​ക്ക​റ്റു​ക​ൾ. ക​ഴി​ഞ്ഞ ദി​വ​സ​ത്തെ ക​ണ​ക്കു​പ്ര​കാ​രം 28.9 ല​ക്ഷം ടി​ക്ക​റ്റു​ക​ൾ വി​റ്റ​ഴി​ച്ചു. ഏ​റ്റ​വും കൂ​ടു​ത​ൽ ടി​ക്ക​റ്റ് വാ​ങ്ങി​ക്കൂ​ട്ടി​യ​ത് ഖ​ത്ത​ർ ത​ന്നെ. അ​മേ​രി​ക്ക, സൗ​ദി, ഇം​ഗ്ല​ണ്ട്, മെ​ക്സി​കോ, യു.​എ.​ഇ, അ​ർ​ജ​ന്റീ​ന, ഫ്രാ​ൻ​സ്, ബ്ര​സീ​ൽ, ജ​ർ​മ​നി എ​ന്നീ രാ​ജ്യ​ക്കാ​ർ ആ​ദ്യ പ​ത്തി​ലു​ണ്ട്.

ടീ​മു​ക​ൾ: 32

ആ​ദ്യ​സം​ഘം പ​ട​യാ​ളി​ക​ൾ ന​വം​ബ​ർ ഏ​ഴി​ന് ഖ​ത്ത​റി​ലെ​ത്തും. ഏ​ഷ്യ​ൻ ക​രു​ത്ത​രാ​യ ജ​പ്പാ​നാ​ണ് ലോ​ക​ക​പ്പ് വേ​ദി​യി​ൽ ആ​ദ്യം പ​റ​ന്നി​റ​ങ്ങു​ന്ന​ത്. 32 ടീ​മു​ക​ൾ​ക്കും നാ​ട്ടി​ലേ​ക്ക് മ​ട​ങ്ങും വ​രെ ഒ​രേ സ്ഥ​ല​ത്തു​ത​ന്നെ താ​മ​സ​വും പ​രി​ശീ​ല​ന​വും. 24 ടീ​മു​ക​ളു​ടെ താ​മ​സ​വും ദോ​ഹ​യി​ൽ 10 കി​ലോ​മീ​റ്റ​ർ ചു​റ്റ​ള​വി​ൽ. 2019 മു​ത​ൽ തു​ട​ങ്ങി​യ പ​രി​ശോ​ധ​ന​ക​ൾ​ക്കും സ​ന്ദ​ർ​ശ​ന​ങ്ങ​ൾ​ക്കും ഒ​ടു​വി​ലാ​ണ് ടീ​മു​ക​ൾ ബേ​സ് ക്യാ​മ്പ് തി​ര​ഞ്ഞെ​ടു​ത്ത​ത്. ആ​കെ 162 സ​ന്ദ​ർ​ശ​ന​ങ്ങ​ൾ പൂ​ർ​ത്തി​യാ​ക്കി.

പി​ച്ച് മാ​നേ​ജ്മെ​ന്റ്: 74

ആ​കെ 74 പി​ച്ചു​ക​ൾ. എ​ട്ട് സ്റ്റേ​ഡി​യ​ങ്ങ​ളി​ൽ ഹൈ​ബ്രി​ഡ് സ്റ്റി​ച്ചി​ങ്ങി​ലാ​ണ് പി​ച്ചൊ​രു​ക്കി​യ​ത്. പ​ച്ച​പ്പു​ല്ലി​നൊ​പ്പം കൃ​ത്രി​മ പു​ല്ലു​ക​ൾ കൂ​ടി വെ​ച്ചു​പി​ടി​ച്ചാ​ണ് നി​ർ​മാ​ണം. ഇ​ത് മൈ​താ​ന​ത്തി​ന് കൂ​ടു​ത​ൽ ഈ​ടും, ക​ളി​ക്കാ​ർ​ക്ക് മി​ക​ച്ച പ്ര​ത​ല​വും സ​മ്മാ​നി​ക്കും. പ​രി​ശീ​ല​നം ല​ഭി​ച്ച 700ഓ​ളം ഗ്രൗ​ണ്ട്കീ​പ്പേ​ഴ്സും മാ​നേ​ജ​ർ​മാ​രും പി​ച്ചി​ന്റെ സം​ര​ക്ഷ​ണ​ത്തി​നാ​യി സ​ജീ​വ​മാ​യു​ണ്ട്.

കു​റ്റ​മ​റ്റ യാ​ത്ര: 94+ 

ഹ​മ​ദ് വി​മാ​ന​ത്താ​വ​ളം, ദോ​ഹ രാ​ജ്യാ​ന്ത​ര വി​മാ​ന​ത്താ​വ​ളം എ​ന്നി​വ കാ​ണി​ക​ളെ സ്വീ​ക​രി​ക്കാ​ൻ സ​ജ്ജം. കു​വൈ​ത്ത്, ഒ​മാ​ൻ, ജി​ദ്ദ, റി​യാ​ദ്, ദു​ബൈ, ഷാ​ർ​ജ എ​ന്നി​വി​ട​ങ്ങ​ളി​ലേ​ക്ക് ദി​വ​സ​വും 94ഓ​ളം ഷ​ട്ടി​ൽ വി​മാ​ന​സ​ർ​വി​സു​ക​ൾ. ഖ​ത്ത​റി​ലെ പൊ​തു​ഗ​താ​ഗ​ത​ത്തി​നാ​യി 3000ൽ ​ഏ​റെ ബ​സു​ക​ൾ. ഇ​വ​യി​ൽ 750 ഇ​ല​ക്ട്രി​ക് ബ​സു​ക​ൾ. ദി​വ​സം 21 മ​ണി​ക്കൂ​ർ സ​ർ​വി​സു​മാ​യി ദോ​ഹ മെ​ട്രോ റെ​യി​ൽ.

താ​മ​സം ആ​ഡം​ബ​രം: 1.30 ലക്ഷം

ഹോ​ട്ട​ൽ, ക്രൂ​സ് ക​പ്പ​ലു​ക​ൾ, അ​പ്പാ​ർ​ട്മെ​ന്റ് എ​ന്നി​വ​ക​ളി​ലാ​യി താ​മ​സ​ത്തി​ന് 1.30 ല​ക്ഷം ഹോ​ട്ട​ലു​ക​ൾ. ഫാ​ൻ വി​ല്ലേ​ജു​ക​ൾ, ടെ​ന്റു​ക​ൾ തു​ട​ങ്ങി​യ നൂ​ത​ന സം​വി​ധാ​ന​ങ്ങ​ളും കാ​ണി​ക​ളു​ടെ താ​മ​സ​ത്തി​നാ​യു​ണ്ട്.

എം​ബ​സി സേ​വ​ന​ങ്ങ​ൾ: 45

വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള കാ​ണി​ക​ൾ​ക്ക് കോ​ൺ​സു​ലാ​ർ സേ​വ​ന​വു​മാ​യി പ്ര​ത്യേ​ക എം​ബ​സി കേ​ന്ദ്ര​ങ്ങ​ൾ പ്ര​വ​ർ​ത്തി​ക്കും. 45 രാ​ജ്യ​ങ്ങ​ളു​ടെ 90 എം​ബ​സി ജീ​വ​ന​ക്കാ​രു​ടെ സേ​വ​നം ന​വം​ബ​ർ ഒ​ന്ന് മു​ത​ൽ ഡി​സം​ബ​ർ 25 വ​രെ കാ​ണി​ക​ൾ​ക്ക് ദോ​ഹ എ​ക്സി​ബി​ഷ​ൻ ആ​ൻ​ഡ് ക​ൺ​വെ​ൻ​ഷ​ൻ സെ​ന്റ​റി​ൽ ല​ഭ്യ​മാ​വും.

മാ​ധ്യ​മ​പ്പ​ട: 12,300

ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ നി​ന്ന് 12,300 മാ​ധ്യ​മ​പ്ര​വ​ർ​ത്ത​ക​ർ ദോ​ഹ​യി​ലെ​ത്തും. പ്ര​ധാ​ന മീ​ഡി​യ സെ​ന്റ​റി​ൽ സ്റ്റേ​ഡി​യ​ത്തി​ലേ​തി​ന് സ​മാ​ന​മാ​യ അ​ന്ത​രീ​ക്ഷ​ത്തി​ൽ ക​ളി​കാ​ണാ​ൻ സൗ​ക​ര്യ​മൊ​രു​ക്കു​ന്ന വെ​ർ​ച്വ​ൽ സ്റ്റേ​ഡി​യം മാ​ച്ച് എ​ക്സ്പീ​രി​യ​ൻ​സ് സ​ജ്ജീ​ക​രി​ച്ചി​ട്ടു​ണ്ട്.

വ​ള​ന്റി​യ​ർ​മാ​ർ: 20,000

ലോ​ക​ക​പ്പ് സം​ഘാ​ട​ന​ത്തി​ൽ സേ​വ​ന​മ​ർ​പ്പി​ക്കാ​ൻ സ​ന്ന​ദ്ധ​രാ​യി രം​ഗ​ത്തു​വ​ന്ന​ത് 4.20 ല​ക്ഷം പേ​ർ. ഇ​വ​രി​ൽ നി​ന്നും 20,000 വ​ള​ന്റി​യ​ർ​മാ​രെ തി​ര​ഞ്ഞെ​ടു​ത്തു. 209 രാ​ജ്യ​ങ്ങ​ളി​ൽ നി​ന്നു​ള്ള വ​ള​ന്റി​യ​ർ​മാ​ർ. 89 ശ​ത​മാ​ന​വും ഖ​ത്ത​റി​ലെ താ​മ​സ​ക്കാ​ർ. 11 രാ​ജ്യാ​ന്ത​ര വ​ള​ന്റി​യ​ർ​മാ​ർ.

ആ​ഘോ​ഷ വേ​ദി​ക​ൾ: 90+

ക​ളി​ക്കു​പു​റ​മെ കാ​ണി​ക​ളെ കാ​ത്തി​രി​ക്കു​ന്ന​ത് ആ​ഘോ​ഷ​ങ്ങ​ളു​ടെ വ​ലി​യ നി​ര. 90ൽ ​ഏ​റെ ഫാ​ൻ ഫെ​സ്റ്റി​വ​ലു​ക​ളാ​ണ് ഖ​ത്ത​റി​ന്റെ വി​വി​ധ കേ​ന്ദ്ര​ങ്ങ​ളി​ൽ സ​ജ്ജീ​ക​രി​ച്ച​ത്. കോ​ർ​ണി​ഷ്, അ​ൽ ബി​ദ്ദ പാ​ർ​ക്ക്, എ​ട്ട് സ്റ്റേ​ഡി​യ​ങ്ങ​ൾ, മെ​ട്രോ സ്റ്റേ​ഷ​നു​ക​ൾ, വി​മാ​ന​ത്താ​വ​ളം, സൂ​ഖ് വാ​ഖി​ഫ്, മ്യൂ​സി​യം അ​ങ്ങ​നെ ഒ​രു​പി​ടി കേ​ന്ദ്ര​ങ്ങ​ളി​ൽ വൈ​വി​ധ്യ​മാ​ർ​ന്ന പ​രി​പാ​ടി​ക​ൾ.

ഫി​ഫ ഫാ​ൻ ഫെ​സ്റ്റി​വ​ലി​ന് അ​ൽ ബി​ദ്ദ പാ​ർ​ക്ക് വേ​ദി​യാ​വും. ദി​വ​സ​വും രാ​വി​ലെ പ​ത്തി​ന് തു​ട​ങ്ങി പു​ല​ർ​ച്ചെ ര​ണ്ടു​വ​രെ. 40,000 പേ​ർ​ക്ക് പ്ര​വേ​ശ​ന സൗ​ക​ര്യം. 64 മ​ത്സ​ര​ങ്ങ​ളു​ടെ​യും ത​ത്സ​മ​യ പ്ര​ദ​ർ​ശ​ന​വു​മു​ണ്ടാ​വും.