ടെക് ലോകം കാത്തിരുന്ന ആപ്പിൾ ഫ്ലാഗ്ഷിപ്പ് ഐഫോൺ 13 സീരീസ് കാലിഫോർണിയ സ്ട്രീമിംഗ് ഇവന്റിലൂടെ കഴിഞ്ഞയാഴ്ചയായിരുന്നു അവതരിക്കപ്പെട്ടത്. ഫോണിെൻറ ഔദ്യോഗിക ലോഞ്ചിന് പിന്നാലെ, പതിവ് തെറ്റിക്കാതെ റഷ്യ ആസ്ഥാനമായ ആഡംബര ഐഫോൺ-മോഡേഴ്സ് 'കാവിയാർ' അവരുടെ ഐഫോൺ വേർഷനുമായി എത്തിയിരിക്കുകയാണ്. ഐഫോൺ 13 പ്രോ, 13 പ്രോ മാക്സ് മോഡലുകളുടെ പുതിയ "പെയർ ഓഫ് കിംഗ്സ്" ശേഖരമാണ് കാവിയാർ പുറത്തിറക്കിയത്, അതിൽ ഒരു മോഡലിന് വില 22 ലക്ഷത്തിലധികം രൂപ വരും...!!!!!
റോളക്സ് വാച്ചുകളിൽ നിന്ന് പ്രചോദനം ഉൾക്കൊണ്ട് നിർമിച്ചതാണ് കാവിയാർ പെയർ ഓഫ് കിംഗ്സ് ഐഫോണുകൾ.
കൂട്ടത്തിൽ ഏറ്റവും വില കൂടുതൽ കാവിയാർ ഐഫോൺ 13, 13 പ്രോയുടെ ബെൻ‌വെനുറ്റോ വകഭേദത്തിനാണ്. റോളക്സ് സെല്ലിനി വാച്ചിൽ നിന്ന് പ്രചോദനം ഉൾക്കൊണ്ടതാണിത്. കസ്റ്റം ഐഫോണിനും റോളക്സ് വാച്ചിനും വിഖ്യാതനായ ഇറ്റാലിയൻ ശിൽപി ബെൻ‌വെനുറ്റോ സെല്ലിനിയുടെ പേരാണ് നൽകിയിരിക്കുന്നത്.
ഫോണിെൻറ പുറകിലെ പാനലിെൻറ മുകൾഭാഗത്ത് വെള്ള നിറത്തിലുള്ള അലങ്കാര രൂപകൽപ്പനയും താഴത്തെ പകുതിയിൽ മുതലത്തോലിൽ നിർമിച്ച ലെതർ കൊണ്ടുള്ള ഡിസൈനുമാണ്. വൈറ്റ് ഗോൾഡിൽ നിർമ്മിച്ച മുകൾ ഭാഗത്തിന് ഹിപ്നോട്ടിക് ഡിസൈനാണ്. കൂടെ കാവിയാർ ബ്രാൻഡിങ്ങു കാണാം.
കാവിയാർ ബെൻ‌വെനുറ്റോ ഐഫോൺ 13 സീരീസിലെ 128 ജിബിയുള്ള 13 പ്രോ വകഭേദത്തിന് 18.50 ലക്ഷം രൂപയാണ് വില. ഒരു ടെറാബൈറ്റുള്ള ഏറ്റവും മുന്തിയ മോഡലിനാകെട്ട 22.68 ലക്ഷം രൂപ നൽകേണ്ടി വരും.
ബെൻ‌വെനുറ്റോ മോഡലുകൾക്ക് പുറമേ, പെയർ ഓഫ് കിംഗ്സ് ശേഖരത്തിെൻറ ഭാഗമായി കാവിയാർ മറ്റ് ചില കസ്റ്റം-മോഡഡ് ഐഫോൺ 13 മോഡലുകളും രൂപകൽപ്പന ചെയ്തിട്ടുണ്ട്. ഒലിവ് റേയ്സ് കലക്ഷൻ, ഡാർക് സ്കൈ കലക്ഷൻ, മീറ്റിയറൈറ്റ് കലക്ഷൻ, യാച്ച് ക്ലബ് കലക്ഷൻ എന്നിവയാണവ.
ഒലിവ് റേയ്സ് സീരീസ്
വില: 4,70,470 രൂപ മുതൽ 6,23,115 രൂപ വരെ
ഡാർക് സ്കൈ സീരീസ്
വില: 5,09,553 രൂപ മുതൽ 6,28,277 രൂപ വരെ
മീറ്റിയറൈറ്റ് സീരീസ്
വില: 5,20,614 രൂപ മുതൽ 6,40,076 രൂപ വരെ
യാച്ച് ക്ലബ് സീരീസ്
വില: 4,82,269 രൂപ മുതൽ 6,00,993 രൂപ വരെ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.