സാഹസിക സഞ്ചാരികളുടെ പ്രിയപ്പെട്ട നാടാണ് ഉത്തരാഖണ്ഡ്. ഹിമാലത്തിലെ മഞ്ഞുമൂടിയ പർവതങ്ങളും അവയിൽനിന്ന് ഉത്ഭവിക്കുന്ന പുണ്യനദികളുമെല്ലാം ഈ നാടിന്‍റെ പ്രത്യേകതകളാണ്.
ഉത്തരാഖണ്ഡ് സന്ദർശിക്കുന്നവർക്ക് പുതിയ സാഹസിക യാത്ര ഒരുക്കിയിരിക്കുകയാണ് ടൂറിസം വകുപ്പ്. ഉത്തരകാശി ജില്ലയിലെ നെലോങ് വാലിയിൽ 11,000 അടി ഉയരത്തിൽ സ്ഥിതി ചെയ്യുന്ന മരപ്പാലമായ ഗർതാങ് ഗാലി 59 വർഷങ്ങൾക്കുശേഷം വിനോദസഞ്ചാരികൾക്കായി തുറന്നിരിക്കുന്നു.
ചൈനീസ് അതിർത്തിയിൽനിന്ന് വലിയ ദൂരമില്ല ഈ താഴ്വരയിലേക്ക്. ഏകദേശം 150 വർഷം മുമ്പ് പെഷവാറിലെ പത്താനുകളാണ് കൂറ്റൻ പാറ വെട്ടിമുറിച്ച് പരമ്പരാഗത രീതിയിൽ ഇവിടെ മരപ്പാലം നിർമ്മിച്ചത്. ടിബറ്റിനും ഇന്ത്യക്കും ഇടയിൽ വർഷങ്ങളോളം ഈ പാത വ്യാപാര മാർഗമായി പ്രവർത്തിച്ചു.
1962ലെ ഇന്ത്യ-ചൈന യുദ്ധത്തെ തുടർന്ന് ഈ പ്രദേശത്തേക്ക് വിനോദസഞ്ചാരികൾക്ക് വിലക്കേർപ്പെടുത്തി. 2015ൽ ആഭ്യന്തര മന്ത്രാലയം വിനോദസഞ്ചാരികൾക്കായി ജഡുംഗ്, നെലാങ് ഘാട്ടി തുടങ്ങിയ സ്ഥലങ്ങൾ തുറക്കാൻ അനുമതി നൽകി.
എന്നാൽ, മരപ്പാലം ജീർണാവസ്ഥയിലായതിനാൽ പ്രവേശനം തടയുകയായിരുന്നു. ഇവ നവീകരിച്ച ശേഷമാണ് ഇപ്പോൾ തുറന്നുകൊടുക്കുന്നത്. പാലത്തിൽനിന്ന് നെലോങ് താഴ്‌വരയുടെയും ജൈവ വൈവിധ്യങ്ങളുടെയും സമാനതകളില്ലാത്ത കാഴ്ചകൾ ആസ്വദിക്കാൻ സാധിക്കും.
ഗർതാങ് ഗാലി ട്രെക്കിങ് ആരംഭിക്കുന്നത് സംസ്ഥാനത്തെ സാഹസിക ടൂറിസം പ്രവർത്തനങ്ങൾക്ക് പുതിയ മാനം നൽകുമെന്ന് ഉത്തരാഖണ്ഡ് ടൂറിസം മന്ത്രി സത്പാൽ മഹാരാജ് പറഞ്ഞു. ഉത്തരാഖണ്ഡിന്‍റെ ചരിത്രത്തിൽ ഈ പുരാതന പാലത്തിന് ചരിത്രപരവും തന്ത്രപരവുമായ പ്രാധാന്യമുണ്ടെന്നും അദ്ദേഹം കൂട്ടിച്ചേർത്തു.
Uttarakhand has restored and reopened a 150-year-old wooden bridge nestled in Uttarkashi's picturesque Nelong Valley, for tourists. Located in the Jad Ganga valley on the Indo-China border, at an altitude of 11,000 feet, this historic skywalk was closed since 1962.#gartanggali pic.twitter.com/7jK94JCpTn
— Uttarakhand Tourism (@UTDBofficial) August 20, 2021
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.