സ്പ്രിങ് വാലി ഹൈക്കിങ്

ഫു​ജൈ​റ​യി​ലെ മ​സാ​ഫി പ​ർ​വ​ത നി​ര​ക​ളി​ലെ പ്ര​കൃ​തി ദ​ത്ത​മാ​യ അ​രു​വി​യോ​ട് കൂ​ടി​യ പാ​ത​യി​ലെ കാ​ൽ​ന​ട​യാ​ത്ര. എ​ല്ലാ ആ​ഴ്ച​യി​ലേ​യും അ​വ​സാ​ന ദി​വ​സ​ങ്ങ​ളി​ലെ ട്ര​ക്കി​ങ് ഹൈ​ക്കി​ങ് യാ​ത്ര​ക​ൾ പോ​ലെ അ​ന്നും പ്ലാ​ൻ ചെയിതി​രു​ന്നു. പ്ലാ​നി​ങ് പ്ര​കാ​രം 16 പേ​ര് യാ​ത്ര​യി​ലു​ണ്ട്. പ​ല യാ​ത്ര​ക​ളി​ലാ​യി പ​ല​പ്പോ​ഴും കൂ​ടെ കൂ​ടി​യ​വ​ർ. ആ ​ആ​ഴ്ച​യി​ലെ ച​ർ​ച്ച മു​ഴു​വ​ൻ ഫു​ജൈ​റ മേ​ഖ​ല​യി​ലെ ഏ​റ്റ​വും ന​ല്ല​ത് എ​ന്ന് പ​റ​യാ​വു​ന്ന സ്പ്രി​ങ് വാ​ലി ഹൈ​ക്കി​ങ്ങി​നെ കു​റി​ച്ചാ​യി​രു​ന്നു. ത​ണു​ത്ത വെ​ള്ളം കാ​ലു​ക​ളി​ൽ ത​ലോ​ടി കൊ​ണ്ടു​ള്ള ഒ​രു യാ​ത്ര. പു​ല​ർ​ച്ചെ നാ​ലി​ന് എ​ഴു​ന്നേ​റ്റു. അ​ഞ്ച​ര​ക്ക് മു​മ്പേ മീ​റ്റി​ങ്​ പോ​യി​ന്‍റി​ൽ എ​ത്ത​ണം. ഇ​വി​ടെ നി​ന്നും ഒ​രു മ​ണി​ക്കൂ​റോ​ളം യാ​ത്ര​യു​ണ്ട്. വെ​ള്ളം, ഡ്രൈ ​ഫ്രൂ​ട്ട്സ്, വി​റ്റാ​മി​ൻ സി, ​അ​ത്യാ​വ​ശ്യം ചോ​ക്ലൈ​റ്റ്​​ ഇ​വ​യൊ​ക്ക എ​ടു​ത്ത് ബാ​ഗ് മു​റു​ക്കി യാ​ത്ര തു​ട​ങ്ങി. നേ​ര​ത്തെ നി​ശ്ച​യി​ച്ച പ്ലാ​ൻ പ്ര​കാ​രം രാ​വി​ലെ 5.30നു ​ത​ന്നെ മീ​റ്റി​ങ്​ പോ​യി​ന്‍റി​ൽ എ​ത്തി. റാ​സ​ൽ ഖൈ​മ​യി​ൽ​നി​ന്നും ഒ​രു മ​ണി​ക്കൂ​ർ യാ​ത്ര. നേ​ര​ത്തെ ത​ന്നേ പ​ല​രും അ​വി​ടെ എ​ത്തി​യി​രു​ന്നു. യു.​എ.​ഇ​യു​ടെ പ​ല ഭാ​ഗ​ങ്ങ​ളി​ൽ​നി​ന്നും വ​രു​ന്ന​വ​ർ. ആ​റ്​ മ​ണി​ക്ക് മു​ന്നേ ത​ന്നെ എ​ല്ലാ​വ​രും എ​ത്തി​ച്ചേ​ർ​ന്നു. പ​ല സ്ഥ​ല​ങ്ങ​ളി​ൽ​നി​ന്നു​ള്ള​വ​രാ​ണെ​ങ്കി​ലും ഒ​രേ മ​ന​സ്സു​ള്ള​വ​ർ.

ഇ​വി​ടെ ആ​ദ്യം കാ​ണു​ന്ന​ത് ന​മു​ക്ക് പോ​കാ​നു​ള്ള പാ​ത​യു​ടെ ഒ​രു ഒ​രു മാ​പ്പാ​ണ്. അ​ത്​ അ​വി​ടെ കൃ​ത്യ​മാ​യി അ​ട​യാ​ള​പ്പെ​ടു​ത്തി​യി​രി​ക്കു​ന്നു. ഏ​ഴു കി​ലോ​മീ​റ്റ​റോ​ളം വ​രു​ന്ന ന​ട​പ്പാ​ത. മൂ​ന്ന് ബാ​ച്ചു​ക​ളാ​യി തി​രി​ഞ്ഞു യാ​ത്ര തു​ട​ങ്ങി. അ​വി​ടെ താ​ഴോ​ട്ടു​ള്ള പ​ടി​ക​ളാ​ണ് ആ​ദ്യം എ​തി​രേ​ൽ​ക്കു​ന്ന​ത്. അ​തി​റ​ങ്ങു​മ്പോ​ൾ ത​ന്നെ വെ​ള്ളം കു​ത്തി​യൊ​ലി​ക്കു​ന്ന ശ​ബ്ദം കാ​തു​ക​ളി​ൽ പ​തി​ക്കും. പു​ല​ർ​ച്ചെ ആ​യ​തി​നാ​ൽ പ​ല കി​ളി​ക​ളു​ടെ​യും ശ​ബ്ദം കൂ​ടി ഇ​തി​ൽ ക​ല​രു​മ്പോ​ൾ ക​ർ​ണ്ണാ​ന​ന്ദ​ക​രം. പ​ടി​ക​ൾ ഇ​റ​ങ്ങി​യ ക​ഴി​ഞ്ഞാ​ൽ ശ​രി​ക്കും ഒ​രു ഫാ​മി​ലേ​ക്കാ​ണ്​ ക​ട​ക്കു​ന്ന​ത്. കാ​ലു​ക​ളെ കു​ളി​ര​ണി​യി​ച്ചു കൊ​ണ്ട് ഒ​ഴു​കു​ന്ന ചെ​റി​യ അ​രു​വി​ക​ളി​ലൂ​ടെ യാ​ത്ര തു​ട​ർ​ന്നു. ചു​റ്റും ഫ​ല​ഭു​യി​ഷ്ട​മാ​യ ചെ​ടി​ക​ളും മ​ര​ങ്ങ​ളും മു​ട്ടൊ​പ്പം നി​ൽ​ക്കു​ന്ന പു​ല്ലു​ക​ളും ചു​റ്റും പ​ല​ത​രം കി​ളി​ക​ളു​ടെ ശ​ബ്ദ​വും എ​ല്ലാം കൂ​ടി ഒ​രു ചെ​റി​യ വ​ന​ത്തി​ൽ യാ​ത്ര ചെ​യ്യു​ന്ന അ​നു​ഭൂ​തി​യാ​യി. മു​ന്നോ​ട്ട് പോ​കും തോ​റും ചെ​റു​തും വ​ലു​തു​മാ​യ പാ​മ്പു​ക​ൾ, പ​ല​ത​രം കി​ളി​ക​ൾ, ത​വ​ള, മീ​നു​ക​ൾ തു​ട​ങ്ങി പ​ല ജീ​വി​ക​ളെ​യും ഇ​വി​ടെ കാ​ണാ​ൻ സാ​ധി​ക്കും. ആ​ദ്യ​ത്തെ ര​ണ്ട്​ കി​ലോ​മീ​റ്റ​ർ ഈ ​പ​ച്ച​പ്പ​ക​ളു​ടെ ത​ണ​ലു​ക​ളി​ലൂ​ടെ​യും വ​ശ​ങ്ങ​ളി​ലൂ​ടെ​യു​ള്ള അ​ഗ്രി​ക​ൾ​ച്ച​ർ ഫാം, ​വാ​ട്ട​ർ പൂ​ളു​ക​ൾ, യ​ഥാ​ർ​ത്ഥ പ്ര​കൃ​തി​ദ​ത്ത കു​ള​ങ്ങ​ൾ എ​ന്നി​വ​യി​ലൂ​ടെ​യും സു​ഖ​ക​ര​വും ത​ണു​ത്ത​തു​മാ​യ സു​ഗ​മ​മാ​യ ന​ട​ത്ത​മാ​ണ്. ഈ ​പ്ര​ദേ​ശ​ങ്ങ​ൾ കു​ടും​ബ​ങ്ങ​ൾ​ക്കും കു​ട്ടി​ക​ൾ​ക്കും ന​ല്ല പി​ക്നി​ക് സ്ഥ​ല​ങ്ങ​ളാ​ണെ​ന്ന് പ​റ​യാം. പാ​മ്പു​ക​ളേ​യും മ​റ്റ് ജീ​വ​ജാ​ല​ങ്ങ​ളേ​യും സൂ​ക്ഷി​ക്കു​ക. ആ ​വ​ന്യ​ജീ​വി​ക​ളു​ടെ വീ​ടാ​ണി​ത്. അ​ത് കാ​ഴി​ഞ്ഞാ​ൽ പി​ന്നെ ഹൈ​കേ​ഴ്സി​നും ട്രെ​ക്കേ​ഴ്സി​നും വേ​ണ്ടി​യു​ള്ള​താ​ണ്.

 ചെ​റി​യ ഗേ​റ്റ് ക​ട​ന്നു കു​ത്ത​നെ​യു​ള്ള പ​ടി​ക​ൾ ക​യ​റി മു​ക​ളി​ലേ​ക്ക്, ചി​ല​യി​ട​ങ്ങ​ളി​ൽ ഏ​ങ്കോ​ണി​ച്ച്​ നി​ൽ​ക്കു​ന്ന പാ​റ​ക​ളി​ൽ പി​ടി​ച്ചു വീ​ണ്ടും മു​ക​ളി​ലേ​ക്ക്, ശ്ര​ദ്ധ വ​ള​രെ അ​ത്യാ​വി​ശ്യം. ര​ണ്ടു മു​ത​ൽ മൂ​ന്ന് ആ​ളു​ക​ളു​ടെ വ​ലി​പ്പ​മു​ള്ള പാ​റ​ക​ൾ അ​വ​യി​ലൂ​ടെ ശ്ര​ദ്ധാ​പൂ​ർ​വ്വം പി​ടി​ച്ചു ചെ​റി​യ ന​ട​പ്പാ​ത​യി​ലൂ​ടെ വീ​ണ്ടും മു​ക​ളി​ലേ​ക്ക്. വ​ര​ണ്ട​തും, ഇ​ടു​ങ്ങി​യ​തു​മാ​യ ഈ ​വ​ഴി​ക​ൾ ആ​ദ്യ​മാ​യി യാ​ത്ര ചെ​യ്യു​ന്ന​വ​രെ ഒ​രു പ​ക്ഷേ മ​ടു​പ്പി​ച്ചേ​ക്കും. ചെ​ന്നി​റ​ങ്ങു​ന്ന​തു വ​ര​ണ്ട ന​ദീ ത​ട​ത്തി​ലേ​ക്കാ​ണ്. മ​ഴ​ക്കാ​ല​ത്ത് ന​ദി​ക​ൾ കു​ത്തി​യൊ​ലി​ച്ച ചാ​ലു​ക​ൾ ആ​ക്കി​യ ആ ​ന​ദി ത​ട​ങ്ങ​ളി​ലൂ​ടെ ര​ണ്ട്​ കി​ലോ​മീ​റ്റ​റോ​ളം ന​ട​ത്തം. വ​ഴി​യി​ൽ കാ​ണു​ന്ന ചെ​ങ്കു​ത്താ​യ പാ​റ​ക​ൾ, വീ​ണ്ടും അ​വ​യു​ടെ മു​ക​ളി​ലേ​ക്ക്, ചെ​റി​യ വി​ശ്ര​മം. വീ​ണ്ടും യാ​ത്ര. ഇ​വ പി​ന്നി​ട്ടു ക​ഴി​ഞ്ഞാ​ൽ പി​ന്നെ ന​മ്മെ ആ​ന​യി​ക്കു​ന്ന​ത്​ പ്ര​കൃ​തി ദ​ത്ത​മാ​യ കു​ള​ങ്ങ​ളാ​ണ്. അ​തും ഒ​ന്ന​ല്ല, ര​ണ്ട​ല്ല. നി​റ​യെ വെ​ള്ള​വും ചെ​റി​യ വെ​ള്ളചാ​ട്ട​ങ്ങ​ളോ​ട് കൂ​ടി​യ കു​ള​ങ്ങ​ൾ. കൂ​ടാ​തെ ചു​റ്റും പൂ​ത്തു നി​ൽ​ക്കു​ന്ന ചെ​ടി​ക​ളും, മീ​നു​ക​ൾ നി​റ​ഞ്ഞ കൊ​ച്ച​രു​വി​ക​ളും. വ​ള​രെ പ്ര​ശാ​ന്ത സു​ന്ദ​ര​മാ​യ സ്ഥ​ലം. അ​തും ഇ​വി​ടെ ഈ ​മ​ണ​ലാ​ര​ണ്യ​ത്തി​ൽ.

അ​ത്രെ​യും നേ​രം ന​ട​ന്ന​തി​ന്‍റെ ക്ഷീ​ണം എ​ല്ലാം മ​റ​ന്നു കൊ​ണ്ട് വ​ന്ന ബാ​ഗും മ​റ്റു സാ​ധ​ങ്ങ​ളും പാ​റ​യി​ടു​ക്കി​ൽ​വെ​ച്ചു നേ​രെ കു​ള​ത്തി​ലേ​ക്കു ചാ​ടി ഒ​ന്ന് മു​ങ്ങി നി​വ​ർ​ന്ന​പ്പോ​ഴേ​ക്കും ബാ​ക്കി​യു​ള്ള​വ​രും കൂ​ടെ കൂ​ടി. ത​ണു​ത്ത വെ​ള്ള​ത്തി​ൽ മ​തി വ​രു​വോ​ളം മു​ങ്ങി കി​ട​ന്നും നീ​ന്തി പ​ത​പ്പി​ച്ചും അ​ത് വ​രെ​യു​ള്ള എ​ല്ലാ ക്ഷീ​ണ​വും പ​ത​പ്പി​ച്ചു ക​ള​ഞ്ഞു. ആ ​ചെ​റി​യ വെ​ള്ള​ച്ചാ​ട്ട​ങ്ങ​ളി​ൽ ക​ണ്ണു​മ​ട​ച്ചു എ​ല്ലാം മ​റ​ന്നു അ​ര​മ​ണി​ക്കൂ​റോ​ളം ഇ​രു​ന്നു. ഇ​ത്ത​രം യാ​ത്ര​യി​ൽ ന​ട​ത്താ​റു​ള്ള ഏ​കാ​ന്ത ധ്യാ​നം, മ​ന​സ്സും ശ​രീ​ര​വും എ​ല്ലാം ആ ​പ്ര​കൃ​തി​യി​ൽ അ​ർ​പ്പി​ച്ചു കു​റ​ച്ചു സ​മ​യം. ശ​ബ്ദ​ങ്ങ​ളെ​യും കാ​ഴ്ച്ച​ക​ളെ​യും മ​ന​സ്സി​ൽ ആ​വാ​ഹി​ച്ച കു​റ​ച്ചു സ​മ​യം. ഇ​നി തി​രി​ച്ച് ഇ​റ​ങ്ങ​ണം. താ​ണ്ടി​യ വ​ഴി​ക​ളി​ൽ ഇ​നി​യും കാ​ണാ​കാ​ഴ്ച​ക​ൾ ഒ​ത്തി​രി ഒ​ളി​പ്പി​ച്ച ഈ ​വ​ഴി​ക​ളി​ലൂ​ടെ വീ​ണ്ടും.