ദൃ​ശ്യ​വിസ്മയ​മൊ​ളി​പ്പി​ച്ച് മാ​ൻ​പാ​റ കാ​ത്തി​രി​ക്കു​ന്നു

നെ​ല്ലി​യാ​മ്പ​തി: വി​നോ​ദ സ​ഞ്ചാ​രി​ക​ള്‍ക്ക് മു​ന്നി​ല്‍ അ​ട​ഞ്ഞു​കി​ട​ക്കു​ന്ന മാ​ന്‍പാ​റ പു​തു​വ​ര്‍ഷ​ത്തി​ല്‍ തു​റ​ന്നു​കി​ട്ടു​മെ​ന്ന പ്ര​തീ​ക്ഷ​യി​ലാ​ണ് നെ​ല്ലി​യാ​മ്പ​തി​ക്കാ​ര്‍. പ​ശ്ചി​മ​ഘ​ട്ട മ​ല​നി​ര​ക​ളി​ലെ ഉ​യ​രം കൂ​ടി​യ ഈ ​ഭാ​ഗ​ത്തു​നി​ന്ന് ജി​ല്ല​യി​ലെ​യും ത​മി​ഴ്‌​നാ​ട്ടി​ലെ​യും വി​ദൂ​ര കാ​ഴ്ച​ക​ള്‍ കാ​ണാ​ന്‍ ക​ഴി​യു​ന്ന​തി​നാ​ല്‍ നി​ര​വ​ധി സ​ഞ്ചാ​രി​ക​ളാ​ണ് മാ​ന്‍പാ​റ​യി​ലേ​ക്ക് ജീ​പ്പ് യാ​ത്ര ന​ട​ത്തി​യി​രു​ന്ന​ത്. നി​ര​വ​ധി സി​നി​മ​ക​ള്‍ക്ക് ലൊ​ക്കേ​ഷ​ന്‍ കൂ​ടി​യാ​യി​രു​ന്ന ഈ ​ഭാ​ഗം പ്ര​ശ​സ്ത​വു​മാ​ണ്. നെ​ല്ലി​യാ​മ്പ​തി എ​ത്തു​ന്ന​വ​ര്‍ ക​ണ്ടി​രി​ക്കേ​ണ്ട സ്ഥ​ല​മെ​ന്ന രീ​തി​യി​ല്‍ അ​ട​യാ​ള​പ്പെ​ടു​ത്തി​യ മാ​ന്‍പാ​റ​യി​ൽ 2010ലാ​ണ് വ​നം​വ​കു​പ്പ് യാ​ത്ര നി​രോ​ധ​നം ഏ​ര്‍പ്പെ​ടു​ത്തി​യ​ത്.

നെ​ല്ലി​യാ​മ്പ​തി​യി​ൽ ടൂ​റി​സ​വു​മാ​യി ബ​ന്ധ​പ്പെ​ട്ട് ക​ഴി​യു​ന്ന നൂ​റി​ല​ധി​കം ജീ​പ്പ് ഡ്രൈ​വ​ര്‍മാ​രും റി​സോ​ര്‍ട്ട് ഉ​ട​മ​ക​ളും പ്ര​തി​സ​ന്ധി​യി​ലാ​യി. നി​ര​വ​ധി ത​വ​ണ പ​രാ​തി ന​ല്‍കി​യെ​ങ്കി​ലും ന​ട​പ​ടി​യുണ്ടായില്ല. എ​ന്നാ​ല്‍, നെ​ല്ലി​യാ​മ്പ​തി​യി​ലെ മി​ന്നാം​പാ​റ​യി​ലേ​ക്കും കേ​ശ​വ​ന്‍പാ​റ​യി​ലേ​ക്കും വ​നം​വ​കു​പ്പി​ന്റെ നേ​തൃ​ത്വ​ത്തി​ല്‍ ഫീ​സ് ഇ​ടാ​ക്കി ട്ര​ക്കി​ങ് അ​നു​വ​ദി​ക്കു​ന്നു​ണ്ട്. മാ​ന്‍പാ​റ​യി​ലേ​ക്ക് പ്ര​വേ​ശ​നം അ​നു​വ​ദി​ക്കാ​നാ​വ​ശ്യ​പ്പെ​ട്ട് നെ​ല്ലി​യാ​മ്പ​തി സം​ര​ക്ഷ​ണ സ​മി​തി ക​ണ്‍വീ​ന​ര്‍ റ​ഷീ​ദ് ആ​ല​ത്തൂ​ര്‍ വ​നം വി​ക​സ​ന കോ​ര്‍പ​റേ​ഷ​ന്‍ ചെ​യ​ര്‍പേ​ഴ്‌​സ​ന് പ​രാ​തി ന​ല്‍കി​യി​ട്ടു​ണ്ട്.

മാ​ന്‍പാ​റ​യി​ലെ ടൂ​റി​സം സാ​ധ്യ​ത​ക​ള്‍ വി​ല​യി​രു​ത്താ​നും നേ​രി​ല്‍ കാ​ണാ​നു​മാ​യി ജ​നു​വ​രി ര​ണ്ടി​ന് കെ.​എ​ഫ്.​ഡി.​സി ഡ​യ​റ​ക്ട​ര്‍ പി.​എ. റ​സാ​ഖ് മൗ​ല​വി പ്ര​ദേ​ശം സ​ന്ദ​ര്‍ശി​ക്കു​മെ​ന്ന് അ​റി​യി​ച്ചി​ട്ടു​ണ്ട്.

സന്ദർശകരെ അനുവദിക്കരുതെന്ന് പരിസ്ഥിതി സംഘടനകൾ

കൊല്ലങ്കോട്: മാൻപാറ സന്ദർശിക്കുന്നതിനെതിരെ പരാതി. സന്ദർശകർക്ക് നിയന്ത്രണമുള്ള മേഖലയിലേക്ക് രാഷ്ട്രീയ നേതാക്കളുൾപ്പെടുന്ന സംഘം നടത്തുന്ന യാത്രക്കെതിരെയാണ് എറണാകുളം കേന്ദ്രമായ അനിമൽ ആൻഡ്​ നാച്ചുറൽ എത്തിക്സ് കമ്യൂണിറ്റി ഉൾപ്പെടെ പരിസ്ഥിതി സംഘടനകൾ പാലക്കാട് ചീഫ് കൺസർവേറ്റർക്ക് പരാതി നൽകിയത്. പറമ്പിക്കുളം, ആനമല കടുവാ സങ്കേതങ്ങളുടെ കോർമേഖലയോട് ചേർന്ന വനമേഖലയാണ് മാൻപാറ.

കൊല്ലങ്കോട് വനം റേഞ്ചിലെ 66 ചകി.മീ വിസ്തൃതി വരുന്ന തേക്കടി വനമേഖലയിലെ മാൻപാറക്കുന്ന് ഗ്രാസ് ലാൻഡുകളും ചോലവനങ്ങളും അത്യപൂർവ ഓർക്കിഡുകളുടെയും വരയാടുകളുടെയും കടുവകളുടെയും ആവാസകേന്ദ്രം കൂടിയാണ്. ഇതാണ് അശാസ്ത്രീയടൂറിസത്തിന്റെ മറവിൽ നശിപ്പിക്കാൻ ഒരുങ്ങുന്നതെന്നാണ് പരാതി. അത്യന്തം പാരിസ്ഥിതിക പ്രാധാന്യമുള്ള വനമേഖലയിൽ അശാസ്ത്രീയ ടൂറിസം പദ്ധതികൾ പാരിസ്ഥിതിക ദുരന്തത്തിന് വഴിയൊരുക്കുമെന്നും സംഘം പ്രവേശിക്കുന്നത് തടയണമെന്നും കത്തിൽ പറയുന്നു. വിവിധ പരിസ്ഥിതിസംഘടനകളുടെ കൂട്ടായ്മയായ സേവ് നെല്ലിയാമ്പതി കാമ്പയിൻ കമ്മിറ്റിയും സമാന കത്ത് നൽകി.