ഇ​നി​യും അ​വ​സാ​നി​ക്കാ​ത്ത വി​ചാ​ര​ണ​ക​ൾ

ക​ൽ​പ​റ്റ കോ​ട​തി​യി​ൽ ആ​ദി​വാ​സി​ക​ൾ​ക്കാ​യി മു​ത്ത​ങ്ങ കേ​സി​ൽ ഹാ​ജ​രാ​കു​ന്ന​ത് അ​ഡ്വ. റ​ഷീ​ദാ​ണ്. സി.​കെ. ജാ​നു​വി​ന്റെ കേ​സ്​ ഏ​റ്റെ​ടു​ക്ക​ണ​മെ​ന്ന് ആ​വ​ശ്യ​പ്പെ​ട്ട​തി​നാ​ലാ​ണ് കേ​സി​ൽ അ​ദ്ദേ​ഹം ഹാ​ജ​രാ​യ​ത്.​ ത​​ന്റെ കോ​ട​തി അ​നു​ഭ​വ​വും കേ​സ്​ അ​ന​ന്ത​മാ​യി നീ​ളു​ന്ന​തി​നെ​ക്കു​റി​ച്ചും അ​ദ്ദേ​ഹം പ​റ​യു​ന്നു.

മ​റ്റൊ​രു വ​ക്കീ​ലി​നും ഉ​ണ്ടാ​കാ​ത്ത ഒ​രു​പാ​ട് അ​നു​ഭ​വ​ങ്ങ​ളാ​ണ്​ എ​നി​ക്ക്. മു​ത്ത​ങ്ങ ന​ട​ക്കു​മ്പോ​ൾ ആ​ദി​വാ​സി​ക​ളു​ടെ ജ​നാ​ധി​പ​ത്യ അ​വ​കാ​ശ​ത്തെ​ക്കു​റി​ച്ച് അ​നു​ഭാ​വം തോ​ന്നി​യി​രു​ന്നു​വെ​ങ്കി​ലും ഞാ​ൻ സ​മ​ര​വു​മാ​യി ബ​ന്ധ​പ്പെ​ട്ടി​രു​ന്നി​ല്ല. കേ​സി​ൽ ഹാ​ജ​രാ​യി ആ​ദി​വാ​സി​ക​ളെ ജാ​മ്യ​ത്തി​ൽ പു​റ​ത്ത്​ എ​ത്തി​ക്കാ​ൻ നി​യ​മ​പ​ര​മാ​യി എ​ന്തെ​ല്ലാം ചെ​യ്യാ​മെ​ന്നാ​ണ് ആ​ദ്യം ആ​ലോ​ചി​ച്ച​ത്. നി​യ​മ​വി​രു​ദ്ധ​മാ​യി ആ​ദി​വാ​സി​ക​ൾ ഒ​ന്നും ചെ​യ്തി​ട്ടി​ല്ല. ആ​ദി​വാ​സി​ക​ളെ കു​ടി​യൊ​ഴി​പ്പി​ക്കാ​ൻ പൊ​ലീ​സ് ശ്ര​മി​ച്ച​പ്പോ​ഴാ​ണ് എ​തി​ർ​പ്പ് ശ​ക്ത​മാ​യ​ത്. ആ​ദി​വാ​സി​ക​ൾ അ​ക്ര​മ​ത്തി​ലേ​ക്ക് പോ​യി​രു​ന്നി​ല്ല. സ​ർ​ക്കാ​ർ സി.​ബി.​ഐ അ​ന്വേ​ഷ​ണം പ്ര​ഖ്യാ​പി​ച്ചി​രു​ന്നു. യ​ഥാ​ർ​ഥ​ത്തി​ൽ, ആ​ദി​വാ​സി​ക​ൾ​ക്കെ​തി​രെ ന​ട​ന്ന അ​തി​ക്ര​മ​ത്തെ​ക്കു​റി​ച്ചാ​യി​രു​ന്നു സി.​ബി.​ഐ അ​ന്വേ​ഷ​ണം ന​ട​ത്തേ​ണ്ട​ത്. എ​ന്നാ​ൽ, ആ​ദി​വാ​സി​ക​ൾ​ക്കെ​തി​രെ പൊ​ലീ​സ്​ ര​ജി​സ്റ്റ​ർ ചെ​യ്ത കേ​സാ​ണ് സി.​ബി.​ഐ അ​ന്വേ​ഷി​ച്ച​ത്. ശ​രി​ക്കും പൊ​ലീ​സ് അ​തി​ക്ര​മ​ത്തെ കു​റി​ച്ചു​ള്ള അ​ന്വേ​ഷ​ണ​ത്തി​ൽ​നി​ന്ന് ത​ന്ത്ര​പൂ​ർ​വം ഒ​ഴി​ഞ്ഞു​മാ​റി. മു​ത്ത​ങ്ങ​യി​ൽ എ​ന്തു​ന​ട​ന്നു എ​ന്ന സ​ത്യം ഇ​പ്പോ​ഴും വെ​ളി​ച്ച​ത്ത് വ​ന്നി​ട്ടി​ല്ല.

ര​ണ്ടാ​മ​ത്, എ​റ​ണാ​കു​ളം സി.​ബി.​ഐ കോ​ട​തി​യി​ലേ​ക്ക് വി​ചാ​ര​ണ മാ​റ്റി. അ​തോ​ടെ വ​യ​നാ​ട്ടി​ൽ​നി​ന്ന് ആ​ദി​വാ​സി​ക​ൾ കൂ​ട്ട​ത്തോ​ടെ എ​റ​ണാ​കു​ള​ത്തേ​ക്ക് പോ​കേ​ണ്ട അ​വ​സ്ഥ​യു​ണ്ടാ​യി. വ​ർ​ഷ​ങ്ങ​ൾ​ക്കു​ശേ​ഷ​മാ​ണ് കേ​സ് ക​ൽ​പ​റ്റ കോ​ട​തി​യി​ലേ​ക്ക്​ മാ​റ്റി​യ​ത്. ആ ​സ​മ​യ​ത്താ​ണ് സി.​കെ. ജാ​നു സ​മീ​പി​ച്ച​ത്. ഏ​ഴോ​ളം വ​നം കേ​സു​ക​ളി​ൽ ക​ൽ​പ​റ്റ​ ത​ന്നെ​യാ​യി​രു​ന്നു വാ​ദം ന​ട​ന്ന​ത്. മു​ത്ത​ങ്ങ സ​മ​ര​ത്തെ സം​ബ​ന്ധി​ച്ച് ശ​രി​യാ​യ വി​ധ​ത്തി​ലു​ള്ള അ​ന്വേ​ഷ​ണം ന​ട​ന്നി​ട്ടി​ല്ല. വ​നം കേ​സു​ക​ളി​ൽ എ​ല്ലാം​ത​ന്നെ പ്ര​തി​ക​ളെ വെ​റു​തെ വി​ട്ടു.

പൊ​ലീ​സു​കാ​ര​ൻ കൊ​ല്ല​പ്പെ​ട്ട​തും ചി​ല പൊ​ലീ​സു​കാ​ർ​ക്ക് പ​രി​ക്കേ​റ്റ​തും സം​ബ​ന്ധി​ച്ച കേ​സു​ക​ളാ​ണ് പി​ന്നെ കോ​ട​തി​യി​ലെ​ത്തി​യ​ത്. അ​തി​ന്റെ വി​ചാ​ര​ണ​യാ​ണ് ന​ട​ക്കു​ന്ന​ത്. 10 ശ​ത​മാ​ന​ത്തി​ല​ധി​കം പ്ര​തി​ക​ൾ മ​രി​ച്ചു. ക​ഴി​ഞ്ഞ 20 വ​ർ​ഷ​മാ​യി ആ​ദി​വാ​സി​ക​ൾ ഈ ​കേ​സി​ന് പി​ന്നാ​ലെ പാ​യു​ക​യാ​ണ്. കോ​ട​തി ഇ​ക്കാ​ര്യ​ത്തി​ൽ കൂ​ടു​ത​ൽ ജാ​ഗ്ര​ത​ പാ​ലി​ക്ക​ണ​മാ​യി​രു​ന്നു. പെ​ട്ടെ​ന്ന് വി​ചാ​ര​ണ അ​വ​സാ​നി​പ്പി​ക്കാ​ൻ ക​ഴി​യു​ന്ന ഇ​ട​പെ​ട​ൽ ഉ​ണ്ടാ​യി​ല്ല. ജ​ഡ്ജി വി​ജ​യ​കു​മാ​റി​ന്റെ കാ​ല​ത്ത് ന​ല്ല​രീ​തി​യി​ൽ വി​ചാ​ര​ണ ന​ട​ന്നു. 80 ശ​ത​മാ​ന​ത്തോ​ളം വി​ചാ​ര​ണ പൂ​ർ​ത്തി​യാ​യി. അ​പ്പോ​ഴാ​ണ് 2018ലെ ​പ്ര​ള​യം ആ​ഞ്ഞ​ടി​ച്ച​ത്. അ​തോ​ടെ, ആ​ദി​വാ​സി​ക​ൾ​ക്ക് കേ​സി​ന് വ​രാ​ൻ ക​ഴി​യാ​ത്ത അ​വ​സ്ഥ​യു​ണ്ടാ​യി. ത​ൽ​ക്കാ​ലം വി​ചാ​ര​ണ നി​ർ​ത്തി​വെ​ച്ചു. അ​പ്പോ​ൾ കേ​സ് കേ​ട്ടു​കൊ​ണ്ടി​രു​ന്ന ജ​ഡ്ജി​ക്ക് സ്ഥ​ലം​മാ​റ്റം കി​ട്ടി. പി​ന്നീ​ട്​ വി​ചാ​ര​ണ തു​ട​ങ്ങി​യ​പ്പോ​ൾ കേ​ര​ള​ത്തി​ൽ കോ​വി​ഡ് ശ​ക്ത​മാ​യി. ഒ​ന്ന​ര വ​ർ​ഷ​ത്തോ​ളം കോ​വി​ഡി​ന്റെ കാ​ല​മാ​യി​രു​ന്നു. വി​ചാ​ര​ണ ന​ട​ന്നി​ല്ല. വി​ചാ​ര​ണ പൂ​ർ​ത്തി​യാ​ക്കാ​നും ക​ഴി​ഞ്ഞി​ല്ല. ഇ​പ്പോ​ൾ വി​ചാ​ര​ണ​ക്ക് അ​നു​കൂ​ല​മാ​യ സാ​ഹ​ച​ര്യ​മാ​ണ്. എ​ത്ര​യും പെ​ട്ടെ​ന്ന് വി​ചാ​ര​ണ പൂ​ർ​ത്തീ​ക​രി​ക്ക​ണം. വ​ള​രെ കു​റ​ച്ച് സാ​ക്ഷി​ക​ളെ​യേ ഇ​നി വി​സ്ത​രി​ക്കാ​നു​ള്ളൂ.

കോ​ട​തി​യി​ൽ കേ​സി​ന് എ​ത്തു​ന്ന അ​തി​ദ​രി​ദ്ര​രാ​യ മ​നു​ഷ്യ​രെ കാ​ണു​മ്പോ​ൾ സ​ഹ​താ​പം തോ​ന്നും. യാ​ത്ര​ക്കു​ള്ള തു​ക, ഭ​ക്ഷ​ണ​ത്തി​നു​ള്ള പ​ണം, വ​രു​മാ​ന ന​ഷ്ടം എ​ന്നി​വ അ​വ​രെ ബാ​ധി​ക്കു​ന്നു. ആ​റു​മാ​സ​ത്തി​ല​ധി​കം തു​ട​രെ വി​ചാ​ര​ണ ന​ട​ത്തി​യി​രു​ന്നു. ഇ​ത്ര​യും തു​ട​ർച്ച​യാ​യി നീ​ണ്ടു​പോ​യ വി​ചാ​ര​ണ കേ​ര​ള ച​രി​ത്ര​ത്തി​ൽ ഉ​ണ്ടാ​വാ​നി​ട​യി​ല്ല. പ​ല ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​രെ​യും ആ​റു ദി​വ​സ​മാ​ണ് വി​ചാ​ര​ണ ചെ​യ്ത​ത്.

ഉ​യ​ർ​ന്ന പൊ​ലീ​സ് ഉ​ദ്യോ​ഗ​സ്ഥ​ർ എ​ല്ലാം ഹാ​ജ​രാ​യി. ഡി.​ജി.​പി ശ​ങ്ക​ർ റെ​ഡ്ഡി​യെ ഒ​രുദി​വ​സം മു​ഴു​വ​ൻ വി​സ്ത​രി​ച്ചു. ഒ​രു​പ​ക്ഷേ, ഡി.​ജി.​പി സാ​ക്ഷി​യാ​യി മ​റ്റൊ​രു കേ​സി​ലും കോ​ട​തി​യി​ൽ ഹാ​ജ​രാ​യി​ട്ടു​ണ്ടാ​വി​ല്ല. അ​തു​പോ​ലെ ഐ.​ജി​യെ​യും വി​സ്ത​രി​ച്ചു. പ​ല എ​സ്.​പി​മാ​രെ​യും ര​ണ്ടും മൂ​ന്നും ദി​വ​സ​മാ​ണ് തു​ട​ർ​ച്ച​യാ​യി വി​സ്ത​രി​ച്ച​ത്. ഉ​ന്ന​ത ഫോ​റ​സ്റ്റ് ഉ​ദ്യോ​ഗ​സ്ഥ​ര​ട​ക്കം കോ​ട​തി​യി​ൽ വി​ചാ​ര​ണ​ക്ക് ഹാ​ജ​രാ​കേ​ണ്ടി​വ​ന്നു.

ര​ണ്ടാ​യി​ര​ത്തി​ല​ധി​കം ആ​ദി​വാ​സി​ക​ൾ പ​ങ്കെ​ടു​ത്ത വ​ലി​യ സ​മ​ര​മാ​യി​രു​ന്നു മു​ത്ത​ങ്ങ. എ​ന്നാ​ൽ, പ്ര​തി​ക​ളാ​ക്ക​പ്പെ​ട്ട​ത് കു​റ​ച്ച് ആ​ദി​വാ​സി​ക​ൾ മാ​ത്ര​മാ​ണ്. മാ​ധ്യ​മ​ങ്ങളി​ലെ ചി​ത്ര​ങ്ങ​ളി​ൽ നോ​ക്കി കു​റ​ച്ചു​പേ​രെ സെ​ല​ക്ട് ചെ​യ്ത് പ്ര​തി​യാ​ക്കു​ക​യാ​യി​രു​ന്നു പൊ​ലീ​സ് ചെ​യ്ത​ത്. ആ​ദി​വാ​സി​ക​ൾ​ക്ക് കോ​ട​തി​യി​ൽ ന​ല്ല വി​ശ്വാ​സ​മു​ണ്ട്. വി​ദൂ​ര സ്ഥ​ല​ങ്ങ​ളി​ൽ​നി​ന്നു​പോ​ലും അ​വ​ർ കേ​സി​ന് എ​ത്തും. രാ​വി​ലെ 11 മ​ണി മു​ത​ൽ വൈ​കീ​ട്ട് അ​ഞ്ചു വ​രെ കോ​ട​തി​യി​ൽ നി​ൽ​ക്കും. പ​ല​രോ​ടും ഉ​ച്ച​ഭ​ക്ഷ​ണം ക​ഴി​ച്ചോ എ​ന്ന് ചോ​ദി​ക്കും. ക​ഴി​ച്ചു എ​ന്ന് മ​റു​പ​ടി പ​റ​യും. അ​വ​രു​ടെ മു​ഖം ക​ഴി​ച്ചി​ല്ല എ​ന്ന​തി​ന് തെ​ളി​വാ​ണ്. അ​തി​ദ​രി​ദ്ര​രാ​യ മ​നു​ഷ്യ​ർ​ക്ക് സ​ർ​ക്കാ​ർ ന​ൽ​കി​യ ശി​ക്ഷ​യാ​ണ് ഈ ​നീ​ണ്ടു​പോ​കു​ന്ന വി​ചാ​ര​ണ. 20 വ​ർ​ഷ​മാ​യി അ​വ​ർ സ​ഹി​ക്കു​ക​യാ​ണ്. കേ​ര​ള​ത്തി​ന് അ​പ​മാ​ന​മാ​യ മു​ത്ത​ങ്ങ കേ​സി​ലെ അ​ന​ന്ത​മാ​യി നീ​ളു​ന്ന വി​ചാ​ര​ണ.